Yoeli 3:5 - Baibuli Ekibono kya Katonda 2014

⁵ Olw'okuba mwatoola feeza wange ni zaabu wange, mwatoola n'eby'obukombe byange, mwabitwala mu masabo gaimwe.

Yoeli 3:5 Iomraidhean Croise

2 Bakyabazinga 12:18

Aye Yoashi kyabazinga wa Buyudaaya yaatoola ebintu byonabyona badhaadha be Yehoshafati ni Yehoramu ni Ahazia, abaaliku bakyabazinga ba Buyudaaya bye baaghaayo ye Musengwa Katonda, era n'ebyo mwene bye yali aghaireyo, ni zaabu yeenayeena eyali mu iterekero ly'eisinzizo ni mu ly'ekisaagaati kya kyabazinga, yaabigheereza Hazaeli kyabazinga wa Siria. Olwo Hazaeli yaava mu Yerusalemu, yaaja.

2 Bakyabazinga 16:8

Agho Ahazi yaatoolayo feeza ni zaabu ebyali mu isinzizo ni mu iterekero ly'ekisaagaati kya kyabazinga, yaabigheereza kyabazinga w'e Assiria ng'ekirabo.

2 Bakyabazinga 24:13

Yaatoola eby'obukombe byonabyona eby'omu isinzizo, n'eby'omu kisaagaati kya kyabazinga, yaabitwala. Era nga Musengwa Katonda bwe yakoba, Nebukadinezzari yaamenhamenha ebintu byonabyona ebya zaabu, kyabazinga Solomoni owa Isiraeli bye yali ataire mu isinzizo.

Isaia 11:11

Olunaku olwo bwe lulituuka, Musengwa Katonda aliiramu okukozesa obuyinza bwe, yaiza abantu be abaliba bawoniegho, yaabatoola mu Assiria, ni mu Misiri, ni mu Pathirosi, ni mu Ethiopia, ni mu Elamu, ni mu Shinari, ni mu Hamathi, ni mu biketezo eby'oku nhandha.

Yeremia 23:7

Musengwa Katonda akoba ati: “Ekiseera kiri kwidha, abantu babe nga tibakaalayira mu liina lyange nga Katonda omulamu eyatoola Abaisiraeli mu nsi Misiri.

Yeremia 50:28

“Wulira! Abaalumwike e Babilonia ni bawona, baize e Yerusalemu baloodhe nga Musengwa Katonda waife bwe yeesasuuza olw'ebyo Abababilonia bye baakola eisinzizo lye.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Ezekieli 37:12

Kale ni langa obakobe, oti nze Musengwa Katonda ndi kubakoba nti: Imwe abantu bange, ndisandukula amagombe gaimwe, imwe naabatoolamu naabaiza eka mu nsi yaimwe Isiraeli.

Danieli 11:38

Mu kifo eky'okuta mu bakatonda abo ekinhagansi, ekinhagansi ekyo alikita mu katonda akuuma ebifo eby'okwewogomamu, badhaadha be ye bataamanhaku naire. Alighaayo ye katonda oyo ebigheebwayo ebya zaabu, ni feeza, n'amabaale ag'omughendo, n'ebintu ebindi eby'omughendo.

Obadia 1:17

“Aye ku lusozi Sioni eribaayo abaliwonagho era olusozi olwo luliba lutukuvu. Abantu ab'oku nda ya Yakobo baliba n'ensi nga yaibwe ku bwaibwe.