Yoeli 3:11 - Baibuli Ekibono kya Katonda 2014

¹¹ Mwanguye mwidhe, imwe abamaghanga goonagoona ageezungulwire agho, mukole mwesololeze eyo mu kiiko.’ ” Wo Musengwa Katonda, leeta abalwani bo ab'amaani.

Yoeli 3:11 Iomraidhean Croise

Zabbuli 103:20

Musaake Musengwa Katonda imwe bamalaika be mwenamwena ab'amaani, abawulira ebiragiro bye era abagondera by'akoba.

Isaia 10:34

Musengwa Katonda alibatema n'empasa ng'oti n'atema emiti mu kibira ghagati, n'agwisa n'emiti emirungi egy'e Lebanoni.

Isaia 13:3

Nze Musengwa Katonda mwene ninze ndagiire abalonde bange, abalwani bange abo ab'amaani mbeese okubonereza abo be nsungughaliire.”

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Yoeli 3:2

Ndisoloza abamaghanga goonagoona, naabatwala mu kyetebwa Ekiiko kya Yehoshafati. Era nga bali eyo, ndibasalira omusango olw'ebyo bye baakola ku bantu bange Abaisiraeli kuba baabasansaaniza eyo mu maghanga, era baagabana ensi yange Isiraeli.

Mika 4:12

Aye amaghanga ago tigaidhi Musengwa Katonda ky'ategeike kugakola. Tigaidhi nga Musengwa Katonda agasoloiza ghalala kugabonereza ng'oti n'engaano bwe solozebwa mu kifo gh'ekubirwa.

Zefania 3:8

Musengwa Katonda akoba ati: “Kale ni muteegerere olunaku lwe ndyesimbagho okugha obudhulizi obulumiriza amaghanga ebibi bye gakola. Nsazeegho okusololeza aghalala amaghanga n'obwakyabazinga, mbamalireku ekiruyi kyange kyonakyona kuba obusungu bwange obuli ng'oti muliro, obuva ku nkikidi ye ndi nayo ku bantu bange, buja kuzikiriza ensi yoonayoona.

2 Ab'e Thessalonika 1:7

era ife ghalala n'imwe abadaagadaaga alitugha okwesiima. Kino alikikola, Yesu lw'aliva mu igulu ni yeeyoleka ni bamalaika be abakola eby'amaani.

Okwolekebwa 19:14

Amagye ag'omu igulu gaamunonereza, ng'abaisirukale bali kuvuga embalaasi endheru era nga bavaire ebivaalo ebyeru, ebyamule, era ebighegheevu.