Yoeli 3:10 - Baibuli Ekibono kya Katonda 2014

¹⁰ Edhibaire embago dhaimwe edh'okulimisa, mudhigheeseemu mpiima dha kulwanisa; n'obusolobyo obw'okuwoolera, mubugheeseemu mafumo ga kulwanisa. N'abanafu boona ka bafuuke balwani.

Yoeli 3:10 Iomraidhean Croise

2 Ebyomubyanda 25:8

Aye bw'obona ng'abo n'abanaakuleetera okuba ow'amaani mu lutalo, ja nabo. Aye Katonda aidha kukukuba enume y'ekigwo mu maiso g'abazigu bo, kuba Katonda oyo ali n'obuyinza obw'okubeera omuntu n'aghangula, era yaaba n'obw'okumuleka ni bamughangula.”

Isaia 2:4

Musengwa Katonda aliramula amaghanga, yaasalira abantu kamaala emisango gyaibwe. Edhibaire empiima dhaibwe edh'okulwanisa balidhigheesaamu mbago, ate amafumo gaibwe baagagheesaamu busolobyo bwa kuwoolera. Amaghanga tigaliirayo kugema bya kulwanisa kuja kulumba gainaago, waire okwirayo okutendekebwa mu by'entalo.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Mika 4:3

Musengwa Katonda aliramula amaghanga ag'amaani, ag'okumpi n'eghala. Edhibaire empiima dhaibwe edh'okulwanisa balidhigheesaamu mbago, ate amafumo gaibwe baagagheesaamu busolobyo bwa kuwoolera. Amaghanga tigaliirayo kulwana ntalo, waire okwirayo okutendekebwa mu by'entalo.

Zekaria 12:8

Mu kiseera ekyo nze Musengwa Katonda ndikuuma abantu b'omu Yerusalemu, kyaba nti ole aliba nga n'asembayo kuba munafu mu abo, alifuuka wa maani ng'oti ni Daudi bwe yali. Era baidhukulu ba Daudi oyo n'abalibakulemberamu ng'oti ni malaika wa Musengwa Katonda, era ng'oti ni Katonda mwene.

Luka 13:12

Yesu bwe yamubona yaamweta yaamukoba ati: “Mukazi iwe! Obulwaire bwo buwonie.”

Luka 22:36

Yesu yaabakoba ati: “Aye mperaano ali n'empiiya atadhireka mu nsambo n'endala ali n'ensawo atagireka, oyo azira, atunde ekivaalo agule empiima.