Yoeli 2:8 - Baibuli Ekibono kya Katonda 2014

⁸ Tidhisindikagana naire, buli ndala ejiira mu ngira yaayo. Ni bweghabaagho abakuumi dhighaguza bughaguze, ghaaloba kubaagho adhirobera kuja.

Yoeli 2:8 Iomraidhean Croise

2 Ebyomubyanda 23:10

Era yaataagho abantu boonaboona okukuuma kyabazinga, nga buli muntu agemye eby'okulwanisa bye okuva ku luuyi olw'omukono omusaadha olw'e buvandhuba w'eisinzizo, okutuuka ku luuyi lwalyo olw'omukono omugooda olw'e buvandhuba, n'okwezunguluza alutaari n'eisinzizo.

2 Ebyomubyanda 32:5

Agho kyabazinga yaazimba n'omwoyo mulala ekimante eky'oku kibuga ekyali kimenheibwagho, era yaakizimbaku n'ebituuti ebirengererwaku. Yaazimba n'ekimante ekindi kuliya ku ekyo. Yaalongoosa mu Kibuga kya Daudi, ekifo kye baidhuzaamu eitaka olw'okwekuuma abazigu, ekyayetebwanga Millo, kyaba kigumu inho. Yaakola eby'okulwanisa kamaala n'engabo kamaala inho.

Nehemia 4:17

abaali ku gw'okuzimba ekimante. Abo abaabbeedanga ebizito nga bakozesa omukono mulala, ate omukono ogundi gwagema eky'okulwanisa.

Nehemia 4:23

Ghazira muntu yeenayeena eyatoolangamu ebivaalo bye, k'abe nze, oba banange, oba abakozi bange, oba abankuumanga be natambulanga nabo. Buli muntu yagemanga eky'okulwanisa kye mu ngalo ekiseera kyonakyona.

Yobu 33:18

Abawonie okwika e magombe, n'okuzikirizibwa olumbe.

Yobu 36:12

Aye bwe batawulira balizikirizibwa olumbe, baafa olw'obutamanha bwaibwe.

Ensambo 30:27

Enzige dhizira kyabazinga, aye dhijiira mu bikunsu ng'oti baisirukale

Olwembo 4:13

Oli ng'oti isamba lya mikomamawanga, egitaaku ebibala ebirungi einho. Era ng'eisamba eryo lirimu n'ebivaamu obuwoowo, obwa henna ni narudo,

Isaia 5:27

Mu abo timulibaamu akoogha waire eyeekontola kugwa; timulibaamu awongera waire atenduka. Ensibiro edh'omu nkende dhaibwe tidhirirebera naire, waire obukosi bw'engaito dhaibwe okukutuka.

Yoeli 2:7

Dhirumba ng'oti balwani, dhaaghalampa ebimante ng'oti baisirukale. Buli ndala ejiira mu luje lwayo, aghazira kuluvaamu naire.

Yoeli 2:9

Dhituumira mu kibuga dhaakirumba, dhaatuuka ku mayumba, dhaaghalampa ebimante byago, dhaingirira mu madinisa ng'oti baibi.