Yoeli 2:2 - Baibuli Ekibono kya Katonda 2014

² Luliba lunaku nga lwa kifu era nga lwa kazigizigi, olwidhwire ebire ebyereere ku igulu n'enzikiiza agemye bedimudimu! Eigye eikologho ery'enzige liiryo liri kwidha, nga libuutikiire ensozi ng'oti nzikiiza. Tighabangaghooku nzige dhaaga n'edho bungi, era tidhiribaagho kabiri ebyanda n'ebyanda.

Yoeli 2:2 Iomraidhean Croise

Zabbuli 10:6

Munda mule akoba ati: “Nzira kindhugumiza, tija kutuukaku kizibu kyonakyona ebyanda n'ebyanda.”

Zabbuli 97:2

Ali ghagati mu bire n'enzikiiza eri bedimudimu, afuga mu butuufu ng'akolera ku mazima.

Okuvaayo 10:14

Enzige dhaidha dhaika ku nsi Misiri yoonayoona, ng'obungi bwadho tibubonebwangaku era nga tibuliirayo kubonebwaku lundi kabiri.

Okuvaayo 10:6

Dhija kwidhula mu ndhu dhaimwe: edhidho iwe, n'edh'abakungu bo, n'edh'Abamisiri boonaboona. Dhija kuba kamaala inho ekitabonebwangaku bazaire baimwe waire badhaadha baimwe, kasookanga baba ku nsi okutuuka ni ye buli eno.’ ” Agho Musa yaafuluma omwa kyabazinga.

Okuvaayo 20:21

Era abantu baasigala nga bakaayemereire ghala, aye Musa ng'ali kuseeta y'ekire ekigemu Katonda mwe yali.

Isaia 5:30

Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Isaia 8:22

oba ni balinga ghansi ku itaka, tibalibona kintu kindi naire, okutoolaku enaku n'enzikiiza etiisa, egemye bedimudimu, era mu yeene eyo mwe balibabingira.

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Yeremia 13:6

Nga ghabiseegho enaku kamaala, Musengwa Katonda yankoba ati: “Situkiramu oje ku mwiga Eufurate, otooleyo ekivaalo ky'omu nkende kye nakulagira okukwekayo.”

Okulira 1:12

“Imwe mwenamwena abali kubitagho muuningirire, mubone. Ghazira kye mwegamu? Mubonangaku obughafu ng'oti n'obwange bwe ndimu? Musengwa Katonda n'eyansuula mu bughafu buno ng'asungughaire ekibitiriire.

Ezekieli 32:7

Lwe ndikuzikiriza ndighemba ku igulu, nairugaza emuunienie dhaaloba kwaka, naaghemba ni ku ndhuba ekire, era n'omwezi gwaloba kuvaaku butangaavu naire.

Ezekieli 34:12

Ng'omwayi bw'ayagaaza buli ghantu, nga ghaligho edhindi ku ntaama dhe edhisansaine, zeena ntyo bwe ndyagaaza woonawoona okuzuula entaama dhange ye dhiri. Ndidhitoola eyo yoonayoona ye dhaasansaanira ku lunaku olwo olw'ebire ebyereere ku igulu n'enzikiiza agemye bedimudimu!

Ezekieli 38:9

Oliidha n'eigye lyo lyonalyona, ghalala n'abalwani abava mu maghanga agandi kamaala, mwalumba ensi eyo ng'oti n'amaadhi agalimu kiwunga era mwagighembaku ng'oti kire.”

Danieli 12:1

Malaika yaayongera okukoba ati: “Mu kiseera ekyo, Mikaeli, malaika oyo omukologho omukuumi w'abantu bo, aliboneka. Olwo ghalibaagho ekiseera ekizibu ekitabangaghooku kasookanga nsi dhibaagho. Era ekiseera ekyo bwe kirituuka, abantu bo abo beene maina agaliba nga gaaghandiikibwa mu kitabo kya Katonda, n'abalirokolebwa.

Danieli 9:12

Otuukiriiza ekyo kye watwesoomera okutukola ife n'abafuzi abatufuga waatutuusaaku akabi akataloodheka, kuba wabonereza Yerusalemu ekibitiriire okusinga ebibuga ebindi byonabyona ebiri ghansi gh'eigulu.

Yoeli 1:6

Eigye ery'enzige lirumbye ensi yaife. Dhiri kamaala inho edhitabalika era nga dha maani. Amaino gaadho masongovu era moogi ng'oti ga mpologoma.

Yoeli 2:25

Ndibairizaagho bye mwafiirwa ebyaliibwa ebikuukuulu n'ebikuukuulu eby'enzige edhaidha, nze mwene dhe nasindika okubalumba ng'eigye eryange eikologho.

Yoeli 2:31

Endhuba erifuuka nzikiiza, n'omwezi gwamyuka ng'oti musaayi, memale olunaku lwa Musengwa Katonda olukulu era olw'entiisa lwatuuka.

Yoeli 2:5

Dhituumiratuumira ku ngulu kw'ensozi nga dhivuuma ng'oti n'okupakalania okw'ebigaali eby'omu lutalo; era ng'oti n'okutulikatulika okw'eisubi eikalu nga liri kumamulwa omuliro. Dhisimbye enhiriri ng'oti igye lya maani eryetegeike okulwana.

Yoeli 3:4

“Muli kugezaaku kunkola ki, imwe ab'e Tiro, n'ab'e Sidoni, n'ab'omu biketezo by'e Filisitia? Ghaligho kye muli kwenda okuneesasuulizaaku? Oba nga ekyo kye muli kwenda, nze mwene ndibeesasuulizaaku imwe amangu n'embiro, olw'ebikolwa byaimwe.

Amosi 4:13

A! Katonda n'eyawumba ensozi era yaatonda empewo. Amanhisa abantu ebiri mu mwoyo gwe. Ogubaire omusana abufuula obwire. Atambulira ghaigulu ng'ensi emuli ghansi. Eriina lye ni Musengwa Katonda Afuga Amagye.

Zefania 1:7

Musiriikirire aghali Musengwa Katonda, kuba olunaku lwe luli kumpi kutuuka. Musengwa Katonda ategeike okughaayo abantu be basalibwe ng'oti musengo, era amaze n'okweta abageni abaja okukola omukolo ogwo.

Zekaria 14:6

Mu kiseera ekyo teribaayo kiinhogogo waire olufu.

Matayo 24:21

kuba ghalibaagho okudaagadaaga okw'amaani, nga tikubangaghooku kutyo okuva ku mainhama ag'ensi, okutuuka buti, era okutaja kubaagho kabiri.

Mariko 13:19

“Kuba mu nnaku edho mulibaamu ebibonoobono ebitabangaghooku okuva Katonda lwe yatonda ebitonde n'okutuusa mperaano, era ebitalibaagho.

Amateeka Agokubiri 32:7

Mwidhukire ebiseera eby'eira, mulowooze ku myaka egy'ebyanda kamaala. Mubuuze baiseimwe ebyaligho, mubuuze badhaadha baimwe babakobere ebyabita.

Abaheburayi 12:18

Timwidhie ng'Abaisiraeli bwe baaja ku lusozi Sinai olusobola okugemwaku era olwaka omuliro. Era timwidhie ya nzikiiza egemye bedimudimu, oba ya kiwunga,

Yuda 1:13

Bali ng'oti n'okwefuukuula kw'enhandha, ate ebikolwa byaibwe ebiswaza byaba ng'oti n'eiwovu erifuukeera ku maadhi agali kwefuukuula. Bali ng'oti muunienie edhimala gaja eyo dhityo, era Katonda yabategekera okuba mu nzikiiza ebyanda n'ebyanda.

Okwolekebwa 9:2

Emuunienie eyo yaigulagho olwina olwo, omwosi gwava mu lwina olwo ng'oti n'oguva mu luyiira olunene einho, gwaidhula mu mpewo mwonamwona n'endhuba yairugala.