Yoeli 2:16 - Baibuli Ekibono kya Katonda 2014

¹⁶ Musololeze ghalala abantu, beetukuze nga beetegekera okusinza. Mwete abantu abakulu, n'abaana abato, era n'abayonka. N'abagole abaakafumbiraganwa, boona bave mu bisenge byaibwe baidhe.

Yoeli 2:16 Iomraidhean Croise

2 Ebyomubyanda 20:13

Mu kiseera n'ekirala ekyo, abasaadha boonaboona ab'omu Buyudaaya baali beemereire agho ni bakazi baibwe, n'abaana baibwe.

2 Ebyomubyanda 29:5

Yaabakoba ati: “Imwe Abalevi mumpulirise. Mukole mwetukuze, era mutukuze n'eisinzizo lya Musengwa Katonda, Katonda wa badhaadha baimwe. Ekifo ekitukuvu kino mukitoolemu ebyo byonabyona ebikireetera okwonooneka.

2 Ebyomubyanda 30:17

Mu bantu abaali beesoloiza, mwalimu kamaala abaali nga tibeetukwiza. Kale Abalevi baaja nga baitira buli muntu ku abo entaama ento ey'Ekibinuko eky'Okwidhukiriraku Okubitizibwa, esobole okugheebwayo eri Musengwa Katonda.

2 Ebyomubyanda 30:19

ali kusinza Musengwa Katonda, Katonda wa badhaadha baife oyo n'omwoyo omulala, waire ng'omuntu oyo tiimulongoofu ng'amateeka g'eisinzizo bwe galagira.”

2 Ebyomubyanda 35:6

Olwo mwite entaama ento edh'Ekibinuko eky'Okwidhukiriraku Okubitizibwa era mwetukuze. Memale mutegekere baganda baimwe basobole okukola nga Musengwa Katonda bwe yalagira ng'abita mu Musa.”

Yobu 1:5

Enaku edh'embaga dhaibwe bwe dhaawangaku, Yobu yaabeetanga okubatukuza. Yaawuunanga mu nkyo, yaagheerayo buli muntu ekigheebwayo ekyokebwa. Kuba Yobu yakobanga mule ati: “Tomanha baana bange bwe baba nga baliku ekibi kye bakoze, ni bavuma Katonda mu myoyo gyaibwe.” Atyo Yobu bwe yakolanga buliidho.

Zabbuli 19:5

Endhuba evaayo ng'oti n'omusaadha eyaakabayiza, era ng'oti n'omulumusi ow'amaani ali kwesunga okulumuka mu ntaka.

Okuvaayo 19:10

Musengwa Katonda yaamukoba ati: “Ja y'abantu obatukuze olwaleero n'idho, era booze ebivaalo byaibwe,

Okuvaayo 19:15

Yaabakoba ati: “Olwadhuuzi mube nga muli beetegefu, abasaadha mulobe kuba na bakazi mu buliri.”

Okuvaayo 19:22

Bakabona abaseeta ghe ndi bateekwa okwetukuza, bwebataakikolenga ndidha kubabonerezanga.”

Yoeli 1:14

Mulangirire ghabeegho okusiiba, mwete abantu beesoloze ghalala. Musoloze abakulembeze n'abantu boonaboona ab'omu Buyudaaya, baidhe mu isinzizo lya Musengwa Katonda waimwe, mumulirire amaziga, ababeere.

Matayo 21:16

Baamukoba bati: “Owulira abo kye bakoba?” Yesu yaabakoba ati: “Yii, imwe timusomangaku ekikoba kiti, ‘Mu minwa egy'abaghere n'abayonka mwe wafunira okusaaka okutuufu?’ ”

Matayo 9:15

Yesu yaabakoba ati: “Abageni b'oyo abayiiza basobola okunakughala ng'abayiiza akaali nabo? Enaku bwe dhirituuka, abayiiza n'abatoolebwaku, olwo ni balisiiba.

1 Ab'e Korintho 7:5

Ole atalobanga mwine, okutoolaku nga musoose kwisania mwataagho ekiseera eky'okusabiramu Katonda. Aye ekiseera ekyo nga kiwoireku mwirengamu nga buliidho, kuba Sitaani asobola okubasendasenda mwaloba kwekuuma.

Yoshua 7:13

Situkiramu okobe abantu beetukuze era beetegeke okwidha ye ndi. Bakobe enkyo babe nga beetegeike, kuba nze Musengwa Katonda wa Isiraeli ndi kuja okubakoba nti, ‘Imwe Abaisiraeli, ghaligho ebintu bye muli nabyo bye nabalagira okuzikiriza. Buti timusobola kulwanisa muzigu abalumbye okutuusa nga mwetoiremu ebintu ebyo.’

Yoshua 8:35

Ku ebyo Musa bye yalagira ghazira Yoshua ky'ataasoma, era mu Baisiraeli abeesoloza okumuwulira ng'asoma, n'omwali abakazi, n'abaana, n'abasenze abaali baba aghalala n'Abaisiraeli.

1 Samueli 16:5

Yaabairamu ati: “Na miraala. Ndidhie kughaayo musengo eri Musengwa Katonda. Mukole mwetukuze, mwidhe ninze okughaayo omusengo.” Agho yaatukuza Yesse ni batabane be, era yaabeeta ku kughaayo omusengo ogwo.