Yoeli 2:11 - Baibuli Ekibono kya Katonda 2014

¹¹ Musengwa Katonda atyabuka ng'oti lukuba, yaagha eigye lye ebiragiro. Ebikunsu by'abaisirukale be ebingi era eby'amaani, bigondera ebiragiro bye. Bwenebwene olunaku lwa Musengwa Katonda nga lutiisa! Naani aliruwona?

Yoeli 2:11 Iomraidhean Croise

Zabbuli 18:14

Yaalasa obulaso bwe yaasansaania abazigu be; yaamyansa olukuba yaababingagho.

Zabbuli 46:6

Katonda bw'aboigoka, abamaghanga baidhamu okutya okw'amaani, obwakyabazinga bwatengeesebwa n'ensi yoonayoona yaatengera.

Zabbuli 68:18

Yaaniina eyo ghaigulu ng'atwala abanhage kamaala; abantu nga mw'otwaliire n'abadheemu, baamutonera ebirabo. Musengwa Katonda eyo y'aja okubanga.

Isaia 13:4

Muwulire akasasamalo akali ku lusozi ng'oti n'amamiro ag'olukunkumuli lw'abantu. Muwulire okwasiikana okw'obwakyabazinga, okwasiikana okw'amaghanga agali kwesoloza. Musengwa Katonda Afuga Amagye ali kusoloza eigye okulwana olutalo.

Isaia 42:13

Musengwa Katonda avaayo, yaaja okulumba ng'omulwani ow'amaani. Ayoleka obukambwe ng'omwisirukale, yaakaabuka ng'ataireku n'enduulu edh'omu lutalo, yaayolesa amaani amabitirivu ag'okulwanisa abazigu be.

Isaia 7:18

“Olunaku olwo bwe lulituuka, Musengwa Katonda alifuuwa endeka okweta Abamisiri baidhe ng'oti nsowera, nga baviira ku mwiga gw'e Misiri. Era alyeta n'Abassiria baidhe ng'oti ndhuki, nga baviira mu nsi yaibwe.

Yeremia 25:30

“Agho ni, iwe Yeremia oteekwa okulangirira ebintu byonabyona bye ndhogeire ebiri kubaidhira, obakobe oti, ‘Musengwa Katonda aliwologoma ng'ali mu igulu, era yaakaabuka ng'ali mu kifo kye ekitukuvu. Aliwologomera abantu be n'amaani, yaayasiikana ng'oti n'abakunha emizabbibu okugikolamu omwenge. Abantu boonaboona abali ku nsi balimuwulira.

Yeremia 30:7

Tukagwireku! Olunaku olutiisa einho luli kwidha, era ezira lundi lw'olugerangeraniaku. Luliba lwa bulumi ku bantu bange, aye balirubitamu baabaagho.”

Yeremia 50:34

Aye Omununuzi waibwe wa maani. Eriina lye ayetebwa Musengwa Katonda Afuga Amagye. Oyo n'alibalwanirira mwene, yaaleeta emiraala ku nsi, aye mu Babilonia yaaleetamu bizibu byereere.”

Ezekieli 22:14

Olowooza oti mu biseera bye ndikukangaivuliramu, oliba okaalimu amaani era ng'okaasobola waire okugalula omukono gwo? Nze Musengwa Katonda ninze mwene nkobye, era ekyo ndikikola.

Yoeli 1:15

Tukagwireku! Olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Yoeli 1:6

Eigye ery'enzige lirumbye ensi yaife. Dhiri kamaala inho edhitabalika era nga dha maani. Amaino gaadho masongovu era moogi ng'oti ga mpologoma.

Yoeli 2:1

Mufuuwe eigwala mu Sioni; mukube enduulu ku lusozi lwa Katonda olutukuvu. Abantu b'omu Buyudaaya boonaboona ka badhugumire, kuba olunaku lwa Musengwa Katonda luli kwidha, era luli kumpi kutuuka.

Yoeli 2:2

Luliba lunaku nga lwa kifu era nga lwa kazigizigi, olwidhwire ebire ebyereere ku igulu n'enzikiiza agemye bedimudimu! Eigye eikologho ery'enzige liiryo liri kwidha, nga libuutikiire ensozi ng'oti nzikiiza. Tighabangaghooku nzige dhaaga n'edho bungi, era tidhiribaagho kabiri ebyanda n'ebyanda.

Yoeli 2:25

Ndibairizaagho bye mwafiirwa ebyaliibwa ebikuukuulu n'ebikuukuulu eby'enzige edhaidha, nze mwene dhe nasindika okubalumba ng'eigye eryange eikologho.

Yoeli 2:31

Endhuba erifuuka nzikiiza, n'omwezi gwamyuka ng'oti musaayi, memale olunaku lwa Musengwa Katonda olukulu era olw'entiisa lwatuuka.

Yoeli 3:14

Abantu enkunkumuli n'enkunkumuli bali mu Kiiko eky'Okusaliramu Omusango, kuba eyo olunaku lwa Musengwa Katonda ye luja okutuukira amangu geene.

Yoeli 3:16

Musengwa Katonda awologoma ku lusozi Sioni era yaakaabuka mu Yerusalemu, eigulu n'ensi byatengeeta. Aye Musengwa Katonda oyo n'ekifo abantu be Abaisiraeli mwe balumukira okwewonia, era n'ekifo mwe beewogoma.

Amosi 1:2

Amosi yakoba ati: “Musengwa Katonda awologoma ku lusozi Sioni, era yaakaabuka mu Yerusalemu. Ebyayiro abaayi mwe baayira bikala, n'eisubi ku lusozi Karumeli lyawotoka.”

Amosi 5:18

Mukagwireku, imwe abenda einho olunaku lwa Musengwa Katonda lutuuke! Mulwenda lwaki? Tiruliba lunaku lwa isanhu, aye luliba lwa bizibu.

Amosi 5:20

Mudhuuba muti olunaku lwa Musengwa Katonda tiruliba lwa bizibu, aye luliba lwa isanhu? Luliba lwa bizibu oluziraku isanhu naire.

Obadia 1:15

“Olunaku luli kumpi kutuuka, nze Musengwa Katonda lwe ndisalira amaghanga goonagoona omusango. Edomu, kye wakola baino weena baidha kukikukola. Kiisi kibi kye wakola kija kusasulwamu ekibi.

Nahumu 1:6

Bw'asungughala ghazira abaagho nga mulamu, era ghazira aghanga kugumira busungu bwe obuli ng'oti muliro. Obusungu bwe obwo bwe butumbuka, ni bwe luba olubaale lumenhekamenheka, lwesa ng'oti nkungu.

Malaki 3:2

Aye naani alisobola okugumira olunaku olwo lw'aliidhiraku? Era bw'aliboneka, naani alisobola okusigalagho ng'akaali mulamu? Ali ng'oti ni saabbuuni atumbeera einho, era ng'oti n'omuliro ogukenenula ebyuma.

Okubala 24:23

Kabiri Balaamu oyo yaayogera ebibono eby'obulanzi bino, ati: “Tukagwireku! Naani alisigalagho nga mulamu, nga Katonda akoze ekyo?

1 Ab'e Thessalonika 4:16

Musengwa mwene aliika ng'ava mu igulu, ekiragiro kyawulirwa mu iroboozi ery'amaani, isebamalaika yaayeta era endeka ya Katonda yaavuga. Abo abaafa nga baikiriza mu Kurisito n'abalisooka okuzuukira,

Okwolekebwa 18:8

Ebibamba bye kye biriva bimwidhira ku lunaku olulala, endwaire ya kawumpuli, obughafu, n'endhala. Era alyokebwa omuliro, kuba Musengwa Katonda ali kumusalira omusango okumusinga wa maani.”

Okwolekebwa 6:17

kuba olunaku olw'obusungu bwayo lutuuse, naani asobola okuwona?”