Yoeli 2:10 - Baibuli Ekibono kya Katonda 2014

¹⁰ Bwe dhiba dhiidha, ensi yeesunda n'eigulu lyatengeeta. Endhuba n'omwezi biirugala, n'emuunienie dhaalekera okwaka.

Yoeli 2:10 Iomraidhean Croise

Zabbuli 114:7

Iwe ensi dhugumira nga Musengwa Katonda atuuse, nga Katonda wa Yakobo aboneike,

Zabbuli 18:7

Olwo ensi yaayuuga yeesunda, emisingi egy'ensozi gyatengeeta era gyadhugumira; kuba agho Musengwa Katonda yali asungughaire.

Isaia 13:10

Emuunienie edha buli nsambo ku igulu dhirirekera agho okwaka, endhuba yaagema enzikiiza ng'eri kuvaayo, n'omwezi gwaloba kwaka.

Isaia 34:4

Endhuba n'omwezi n'emuunienie, birighanuka ku igulu byagwa, eigulu lyazingibwaku ng'oti nzingo ya kitabo. Eby'oku igulu byonabyona birimagala, ng'oti n'amakaba bwe gava ku muzabbibu oba ku mutiini, ni gagwa.

Isaia 5:30

Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Yeremia 4:23

Nalingirira ensi, naabona nga ndhereere era nga ntabuletabule; ate naalinga ku igulu nga kuzira kyaka naire.

Yoeli 2:2

Luliba lunaku nga lwa kifu era nga lwa kazigizigi, olwidhwire ebire ebyereere ku igulu n'enzikiiza agemye bedimudimu! Eigye eikologho ery'enzige liiryo liri kwidha, nga libuutikiire ensozi ng'oti nzikiiza. Tighabangaghooku nzige dhaaga n'edho bungi, era tidhiribaagho kabiri ebyanda n'ebyanda.

Yoeli 2:31

Endhuba erifuuka nzikiiza, n'omwezi gwamyuka ng'oti musaayi, memale olunaku lwa Musengwa Katonda olukulu era olw'entiisa lwatuuka.

Yoeli 3:4

“Muli kugezaaku kunkola ki, imwe ab'e Tiro, n'ab'e Sidoni, n'ab'omu biketezo by'e Filisitia? Ghaligho kye muli kwenda okuneesasuulizaaku? Oba nga ekyo kye muli kwenda, nze mwene ndibeesasuulizaaku imwe amangu n'embiro, olw'ebikolwa byaimwe.

Amosi 5:8

Musengwa Katonda n'eyakola emuunienie edheetebwa Puleyadesi ni Orioni. Oyo afuula aghabaire enzikiiza ni ghaaka akasana. Yairugaza obubaire omusana bwafuuka bwire. Era yaayetesa amaadhi ag'omu nhandha yaagafuka ku bukalu. Eriina lye ni Musengwa Katonda.

Nahumu 1:5

Musengwa Katonda gh'aba, musisi atengeesa ensozi enene, obusozi obutono bwasaanuuka, ensi yoonayoona yeesunda, n'abantu baamu boonaboona baadhugumira.

Matayo 24:29

“Okudaagadaaga okw'enaku edho nga kwakawa, endhuba eriirugala, omwezi guliroba okwaka, emuunienie dhirimagalika okuva mu igulu, n'amaani ag'omu igulu galitengeesebwa.

Matayo 27:51

Agho olusuubo olw'omu isinzizo lwakanukamu ghabiri, okuva ghaigulu okutuuka ghansi ensi yeesuukunda, embaale dhaayatika.

Ebikolwa by'Abatume 2:20

Endhuba erizikira, Omwezi gwamyuka oti musaayi, memale olunaku lwa Musengwa olukulu era olw'ekitiisa lwatuuka.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.

Okwolekebwa 6:12

Entaama Ento bwe yakakampula akamanhiso akomukaaga, naja okulinga nti nga mbona musisi ow'amaani, n'endhuba ng'eirugala ng'oti kisiriiza, n'omwezi gwonagwona nga gumyuka ng'oti musaayi.

Okwolekebwa 8:12

Malaika owokuna yafuuwa eigwala lye. Ekitundu kirala kirala ku buli bitundu bisatu eby'endhuba, n'ekitundu kirala kirala ku buli bitundu bisatu eby'omwezi, n'ekitundu kirala kirala ku buli bitundu bisatu eby'emuunienie byakubwa; olwo kyaba nti ekitundu kirala kirala ku buli bitundu bisatu eby'obutangaavu bwabyo kyafuuka nzikiiza. Ekitundu kirala kirala ku buli bitundu bisatu eby'olunaku, n'ekitundu kirala kirala ku buli bitundu bisatu eby'obwire, byaba nzikiiza.

Okwolekebwa 9:2

Emuunienie eyo yaigulagho olwina olwo, omwosi gwava mu lwina olwo ng'oti n'oguva mu luyiira olunene einho, gwaidhula mu mpewo mwonamwona n'endhuba yairugala.