Yoeli 2:1 - Baibuli Ekibono kya Katonda 2014

¹ Mufuuwe eigwala mu Sioni; mukube enduulu ku lusozi lwa Katonda olutukuvu. Abantu b'omu Buyudaaya boonaboona ka badhugumire, kuba olunaku lwa Musengwa Katonda luli kwidha, era luli kumpi kutuuka.

Yoeli 2:1 Iomraidhean Croise

1 Ebyomubyanda 15:28

Kale batyo Abaisiraeli boonaboona baaleeta Esanduuku y'Endagaano ya Musengwa Katonda nga bali kukuba emizira, eno nga bwe bafuuwa endeka n'amagwala, era nga bwe bakuba n'ebide, n'entongooli, n'endingidi, nga biri kuvuga inho.

Zabbuli 119:120

Zeenazeena ndhugumira olw'okukutya; ensala yo ngitya inho.

Zabbuli 87:1

Ku lusozi lwa Katonda olutukuvu n'okuli ekibuga kya Musengwa Katonda kye yazimba.

Okuvaayo 10:14

Enzige dhaidha dhaika ku nsi Misiri yoonayoona, ng'obungi bwadho tibubonebwangaku era nga tibuliirayo kubonebwaku lundi kabiri.

Isaia 13:6

Muwowoole amaziga kuba olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Isaia 13:9

Bona, olunaku lwa Musengwa Katonda luli kwidha! Ku lunaku olwo aliraga ekiruyi n'obusungu obubitiriire, yaaleka ensi ng'eri bwa bifulukwa byereere era yaasaaniagho abakozi b'ebibi boonaboona mu nsi.

Isaia 2:12

Kuba ghaligho olunaku, Musengwa Katonda oyo Afuga Amagye lw'aliikizaaku ghansi, abo abeekuluntaza ni beebona nga ba ghaigulu, n'abo abeekudumbaza ni beegulumiza.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Yeremia 16:10

“Bw'onaakobera abantu ebintu ebyo byonabyona, baidha kukubuuza bati, ‘Lwaki Musengwa Katonda alangiriire akabi akanene katyo okututuukaku? Twiziiza musango ki? Era kibi ki kye tukoze eri Musengwa Katonda waife?’

Yeremia 16:7

Tighalibaagho atwalira mulizi kya kulya okumugumya ng'afiiriirwa, waire okumusaasira n'amugha eky'okunhwa ni bw'aliba ng'afiiriirwa ise oba inhina.

Yeremia 4:5

Mulangirire mu Buyudaaya ni mu Yerusalemu, mukobe abantu muti: “Mufuuwe amagwala mu kiketezo ekyo, mwete abantu n'amaani, muti, ‘Mwesoloze, mwidhe tuje tulumukire mu bibuga ebyezungulwirwa ebimante ebigumu.

Yeremia 5:22

Lwaki timuntyaku naire nze Musengwa Katonda? Lwaki timudhugumiraku naire mu maiso gange? Ninze nataagho omusenho okuba ensalosalo enhandha kw'ekoma, ensalosalo ey'olubeerera enhandha y'etasobola kutuuma. Enhandha ni bwe yeefuukuula etya tesobola kughaguza, era amaadhi gaayo ni bwe gawolomboka okwaga gha, tigaghanga kubitagho.

Ezekieli 12:23

Kale ni bakobere oti nze Musengwa Katonda ndireetera ensambo eyo okukoma. Tibaliirayo kugikozesa mu Isiraeli kabiri. Era bakobe oti ekiseera kituuse ebyalangibwa mu kwolekebwa byonabyona bituukirizibwe.

Ezekieli 21:12

Iwe omuntu, lira amaziga era owowoole, kuba empiima eno eidhiriire bantu bange, n'abakulembeze boonaboona ab'omu Isiraeli. Baja kugheebwayo baitibwe ghalala n'abantu bange abandi boonaboona. Agho ni weekube ku bisambi weepampagule olw'okusoberwa.

Ezekieli 30:3

Olunaku lwa Musengwa Katonda luli kumpi, oluliba olw'ebire ebyereere ku igulu era olw'akabi eri amaghanga.

Ezekieli 33:3

Bw'abona ng'olutalo luli kwidha, afuuwa eigwala okulabula abantu.

Ezekieli 33:6

Aye omukuumi bw'abona olutalo nga luli kwidha, n'atafuuwa igwala kulabula bantu, olutalo ni lwidha era owundi ku bantu abo n'afiiramu ng'ali mu bibi bye, olwo omusango ogw'okufa kwe ndiguta ku mukuumi oyo.

Ezekieli 7:10

Bona, olunaku luuluno lutuuse, olunaku olw'akabi! Obutajiira ku mazima bweyongeire, n'okwekuluntaza kwabitirira.

Ezekieli 7:12

Ekiseera kituuse, olunaku lutuuse, omuguzi alekere okusagamba, n'omutunzi alekere okulira amaziga kuba boonaboona Katonda abasungughaliire.

Danieli 6:26

Ndi kugha ekiragiro nti mu biketezo byonabyona ebiri mu bwakyabazinga bwange, abantu boonaboona batyenga Katonda wa Danieli, bamutengamu ekitiisa. Kuba oyo ni Katonda omulamu, aligho ebyanda n'ebyanda. Obwakyabazinga bwe ghazira asobola kubuzikiriza, n'obukumu bwe tibuliwaagho.

Danieli 9:16

Wo Musengwa, ku lwaife wakola ebintu kamaala ebyoleka ng'oli mutukuvu, kyenva ni nkusaba olekere okusungughalira einho otyo ekibuga kyo Yerusalemu, olusozi lwo olwo olutukuvu. Abantu boonaboona abali mu nsi edhitwezungulwire banhooma inho ekibuga kyo Yerusalemu, n'ife abantu bo twena baatunhooma, kuba ife ni badhaadha baife twayonoona.

Danieli 9:20

Agho neeyongera okusaba, n'okwatula ebibi byange n'eby'abantu bange Abaisiraeli, n'okweghemba Musengwa Katonda wange, nga mmusaba aizeegho ekitiisa ky'olusozi lwe olutukuvu.

Hosea 5:8

Mufuuwe endeka e Gibea! Mufuuwe amagwala e Rama! Era mukube enduulu edh'omu lutalo e Bethaveni! Mwete Ababenjamini baidhe mu lutalo.

Hosea 8:1

Musengwa Katonda akoba ati: “Mufuughe amagwala agalaalika olutalo! Abazigu bali kwidha okugwa ku nsi yange Isiraeli ng'oti nsega; kuba abantu bange Abaisiraeli baamenha endagaano ye nakola nabo, baadheemera amateeka gange.

Yoeli 1:15

Tukagwireku! Olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Yoeli 2:11

Musengwa Katonda atyabuka ng'oti lukuba, yaagha eigye lye ebiragiro. Ebikunsu by'abaisirukale be ebingi era eby'amaani, bigondera ebiragiro bye. Bwenebwene olunaku lwa Musengwa Katonda nga lutiisa! Naani aliruwona?

Yoeli 2:15

Mufuuwe amagwala mu Sioni, mulagire abantu basiibe, okusiiba okutukuvu. Era mwete abantu beesololeze okusinza.

Yoeli 2:31

Endhuba erifuuka nzikiiza, n'omwezi gwamyuka ng'oti musaayi, memale olunaku lwa Musengwa Katonda olukulu era olw'entiisa lwatuuka.

Yoeli 3:14

Abantu enkunkumuli n'enkunkumuli bali mu Kiiko eky'Okusaliramu Omusango, kuba eyo olunaku lwa Musengwa Katonda ye luja okutuukira amangu geene.

Yoeli 3:17

“Olwo mulimanha nga ninze Musengwa Katonda waimwe, era nga mba ku lusozi lwange olutukuvu Sioni. Yerusalemu kiriba kibuga kitukuvu, era abagwira tibaliiramu kukighangula kabiri.

Amosi 3:6

Eigwala eriraalika olutalo, lifuuyibwa mu kibuga abantu baaloba kutya? Akabi kagwa ku kibuga nga Musengwa Katonda ti n'akasindiike?

Amosi 5:18

Mukagwireku, imwe abenda einho olunaku lwa Musengwa Katonda lutuuke! Mulwenda lwaki? Tiruliba lunaku lwa isanhu, aye luliba lwa bizibu.

Amosi 8:2

Yambuuza ati: “Amosi, kiki ky'oli kubona?” Naamwiramu nti: “Ndi kubona ekiibo eky'ebibala ebituuse okulya.” Agho Musengwa Katonda yankoba ati: “Ekiseera kituuse eky'okuzikiriza abantu bange Abaisiraeli. Tija kabiri kwirayo kukyusa kidhuubo kyange ni ndoba kubabonereza.

Obadia 1:15

“Olunaku luli kumpi kutuuka, nze Musengwa Katonda lwe ndisalira amaghanga goonagoona omusango. Edomu, kye wakola baino weena baidha kukikukola. Kiisi kibi kye wakola kija kusasulwamu ekibi.

Zefania 1:14

Olunaku lwa Musengwa Katonda olukologho luli kumpi era luli kwangughaku inho. Olunaku olwo okuluwuliraku lwa bulumi, era luliza n'abasaadha abalwani ab'amaani!

Zefania 1:16

Ku lunaku olwo amagwala agalaalika olutalo gaja kuvuga, okuleekaana okw'abalwani kuwulirwe nga balumbye ebibuga ebyezungulwirwa ebimante ebigumu, n'ebituuti byaku ebireeyiriri ebirengererwaku.

Zefania 1:7

Musiriikirire aghali Musengwa Katonda, kuba olunaku lwe luli kumpi kutuuka. Musengwa Katonda ategeike okughaayo abantu be basalibwe ng'oti musengo, era amaze n'okweta abageni abaja okukola omukolo ogwo.

Zefania 3:11

Mu kiseera ekyo, imwe abantu bange timuja kugemwa nsoni kabiri olw'okudheema kwe mwandheemeranga. Nja kubatoolamu abo boonaboona abeekuluntaza mu imwe n'abo abeegulumiza. Era timuja kwirayo kundheemera ku lusozi lwange olutukuvu.

Zekaria 14:1

Olunaku lwa Musengwa Katonda lw'alisaliraku omusango luli kwidha, olwo abazigu banhage ebintu byaimwe era babigabane nga mulingiriire.

Zekaria 8:3

Luliba lulala naira ku lusozi lwange Sioni, naaba mu kibuga kyange Yerusalemu. Olwo ekibuga ekyo balikyetanga ekibuga eky'abantu abeesigwa, era baakyetanga olusozi lwange nze Musengwa Katonda Afuga Amagye olutukuvu.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Okubala 10:2

“Kolayo amagwala abiri ng'ogagheesiisa mu feeza n'enhundo, ogakozesenga okwetesa abantu beesolozenga, basimbulengagho weema dhaibwe bajenga aghantu aghandi.

Okubala 10:3

Amagwala gombi bwe banaagafuuwanga, abantu boonaboona baidha kwesololezanga gh'oli ku mulyango ogw'Eweema ey'Okwagaananirangamu ni Musengwa Katonda.

1 Ab'e Korintho 14:8

Era oyo afuuwa endeka bw'atafuuwa bukalamu, naani aghanga okwetegekera olutalo?

Ab'e Filippi 2:12

Agho ni bakagwa, nga bwe mwali abawulize buliidho nga ndi n'imwe, ni mperaano nga tiri n'imwe musingegho okuba abawulize, olwo mube nga mukolerera okulokolebwa kwaimwe nga mutya era nga mudhugumira.

1 Ab'e Thessalonika 5:2

Kuba mwidhi bukalamu nga olunaku lwa Musengwa luligwa bugwe oti n'omwibi bw'aidha obwire.

Yakobo 5:8

Mwena muguminkirize. Mutawaamu isuubi kuba olunaku Musengwa lw'aliira luli kumpi.

1 Petero 4:7

Enkomerero ey'ebintu byonabyona eri kumpi. Agho ni mubenga beetegefu era musabenga.

Okwolekebwa 6:17

kuba olunaku olw'obusungu bwayo lutuuse, naani asobola okuwona?”