Yoeli 1:7 - Baibuli Ekibono kya Katonda 2014

⁷ Dhaazikiriza emizabbibu gyaife, dhaaguguna n'emiti gyaife emitiini. Dhaagimalaku ebiwuudhu byonabyona era ensaga dhaagyo dhaalanguka ng'obona bwa byeru.

Yoeli 1:7 Iomraidhean Croise

Zabbuli 105:33

Yazikiriza emiti gyaibwe emizabbibu n'emitiini, yaamenhamenha n'emiti gyonagyona egy'omu nsi yaibwe!

Okuvaayo 10:14

Enzige dhaidha dhaika ku nsi Misiri yoonayoona, ng'obungi bwadho tibubonebwangaku era nga tibuliirayo kubonebwaku lundi kabiri.

Okuvaayo 10:15

Kuba dhaaghemba ku nsi yoonayoona, yairugala olw'enzige edho, dhaalya ebimera byonabyona ebyali mu Misiri, n'ebibala ebyali ku miti byonabyona omugozi bye gutaakunkumula. Ghazira muti gwonagwona, oba ekimera ekindi kyonakyona, waire nga kya mu nsiko, ekyasigazaaku olwa kiragala mu nsi yoonayoona Misiri.

Isaia 24:7

Emizabbibu giniaire, omwenge gw'emizabbibu gwakendeera. Abantu boonaboona abaalinga abasangaavu, buti bali bwa mu nnaku.

Isaia 32:12

Mute emikono mu nkoto munakughale, olw'enimiro enungi n'emizabbibu egyama einho,

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Yeremia 8:13

“Nayenda okusoloza abantu bange ng'oti n'omuntu bw'asoloza by'akungula. Aye nga bali ng'oti n'omuzabbibu oguziraku mizabbibu, oba ng'oti n'omutiini oguziraku mitiini. Era n'amakaba nga gaaniala. Kale ni, n'ebyo bye nali mbaghaire biribatoolebwaku.”

Hosea 2:12

Ndyonoonayonoona emizabbibu gye n'emiti gye emitiini, gye yakoba ati: “Gino n'empeera yange abagonzi bange ye bampa olw'okubagheerezanga.” Aye nze ndigireetera okuzika gyafuuka kibira. Era ensolo edh'omu nsiko dhiriidha dhaalya emizabbibu n'emiti emitiini egyo.

Yoeli 1:12

Emizabbibu n'emitiini gyaniala. Emikomamawanga, n'eminaazi, n'emiti egindi gyonagyona egy'ebibala gyakala. Era eisanhu mu bantu lyabula.

Amosi 4:9

“Era ninze eyasindikira ebisimbe byaimwe okuvuluka n'okwengerera, era naakaza emisiri gyaimwe n'amasamba gaimwe ag'emizabbibu. Enzige dhaidha dhaalya emiti gyaimwe emitiini n'emyoliva. Aye era mwaloba okwira ye ndi.

Habakkuku 3:17

Waire emiti emitiini giroba okutaaku ebibala, n'emizabbibu gyaloba okubala, n'emyoliva gyona gyabulaku ekivaaku, ni mu misiri mwabulamu ekikungulwa, n'entaama n'embuzi dhoonadhoona ni dhifa, ni mu kigo eky'ente ni mubula akamoola,

Malaki 3:11

Tiriganha bisiisa kuzikiriza birime byaimwe. N'emizabbibu gyaimwe tigiriroba kubala.