Yoeli 1:4 - Baibuli Ekibono kya Katonda 2014

⁴ Ebikuukuulu n'ebikuukuulu eby'enzige byaidha, byagwa ku bisimbe; nga buli kikuukuulu ekisookagho kirya nga bwe kisobola, ate bye kireseegho byaliibwa ekikuukuulu ekindi ekiiragho.

Yoeli 1:4 Iomraidhean Croise

1 Bakyabazinga 8:37

“Mu nsi bwe munaagwangamu endhala, oba ni mubaamu endwaire ya kawumpuli, oba ebirime ni bifungalala ni biidhaku obukuku, oba ni byonoonebwa enzige oba ebisiisa ebindi, oba abazigu ni balumba abantu bo mu kindi ku bibuga byaibwe, oba ni ghabaagho ekibamba kyonakyona oba okulumizibwa kwonakwona,

2 Ebyomubyanda 6:28

“Mu nsi bwe munaagwangamu endhala, oba ni mubaamu endwaire ya kawumpuli, oba ebirime ni bifungalala ni biidhaku obukuku, oba ni byonoonebwa enzige oba ebisiisa ebindi, oba abazigu ni balumba abantu bo mu kindi ku bibuga byaibwe, oba ni ghabaagho ekibamba kyonakyona oba okulumizibwa kwonakwona,

2 Ebyomubyanda 7:13

Bwe nnaasibanga amaadhi ni gatagwa, oba ni nsindika enzige okulya ebirime, oba ninsindika obulwaire obubi mu bantu bange,

Zabbuli 105:34

Yalagira enzige dhaidha kamaala, nga n'okubalika tidhibalika,

Zabbuli 78:46

Yaasindika ebisiisa mu nimiro dhaibwe, byalya ebirime ebyava mu maani gaibwe.

Okuvaayo 10:4

Kuba, bona eno, bw'oloba okubaleka ni baja, olwenkyo nja kuleeta enzige mu nsi yo.

Okuvaayo 10:5

Era dhija kughemba ku nsi yo yoonayoona, omuntu abe nga taghanga kubona ku itaka era dhija kulya kiisi kintu kyonakyona ekyaimwe ekyasigala, omugozi kye gutaakuba, era na kiisi muti gwaimwe gwonagwona ogw'omu nsiko.

Isaia 33:4

Abantu baatwala ebintu byago ng'omunhago, baabituumiraku ng'oti nzige, baabinhaagaana.

Yeremia 51:14

Musengwa Katonda Afuga Amagye yeerayiriire mwene ati alireeta abantu kamaala inho ng'oti kikuukuulu kya nzige, baalumba Babilonia. Era balyasiikana n'eisanhu nga baghangwire.

Yeremia 51:27

“Mughanike ebendera mu nsi, era mufuuwe amagwala ng'akamanhiso ak'okuja okulumba, olwo mutegeke amaghanga okulwanisa Babilonia. Mukobe obwakyabazinga bw'e Ararati, n'obwa Minni, n'obwa Ashekenazi, bwidhe bugirumbe. Mulonde anaaduumira okulumba okwo. Musoloze embalaasi dhibe kamaala ng'oti bikuukuulu bya nzige.

Yoeli 2:25

Ndibairizaagho bye mwafiirwa ebyaliibwa ebikuukuulu n'ebikuukuulu eby'enzige edhaidha, nze mwene dhe nasindika okubalumba ng'eigye eryange eikologho.

Amosi 4:9

“Era ninze eyasindikira ebisimbe byaimwe okuvuluka n'okwengerera, era naakaza emisiri gyaimwe n'amasamba gaimwe ag'emizabbibu. Enzige dhaidha dhaalya emiti gyaimwe emitiini n'emyoliva. Aye era mwaloba okwira ye ndi.

Amosi 7:1

Bino Musengwa Katonda bye yandholeka: naja okulinga nti nga mbona ekibbuututu eky'enzige dhe yali ali kutonda. Byali biseera agho eisubi ghe lisibukira nga baakamala okusalaku ery'okugha ensolo dha kyabazinga.

Malaki 3:11

Tiriganha bisiisa kuzikiriza birime byaimwe. N'emizabbibu gyaimwe tigiriroba kubala.

Amateeka Agokubiri 28:38

“Mwidha kusiganga ensigo kamaala mu nimiro, aye mwidha kukungulanga kitono, kuba enzige dhiidha kulyanga ebirime byaimwe.

Amateeka Agokubiri 28:42

Emiti n'ebirime byaimwe byonabyona, biidha kuliibwanga enzige.