Yoeli 1:12 - Baibuli Ekibono kya Katonda 2014

¹² Emizabbibu n'emitiini gyaniala. Emikomamawanga, n'eminaazi, n'emiti egindi gyonagyona egy'ebibala gyakala. Era eisanhu mu bantu lyabula.

Yoeli 1:12 Iomraidhean Croise

Zabbuli 4:7

Aye iwe eisanhu ly'ompaire mu mwoyo gwange lisinga ery'abo lye baba nalyo, nga bali mu mwero gw'emere yaibwe, n'ogw'omwenge ogw'emizabbibu.

Zabbuli 92:12

Abatuufu baja kweyongeranga okuba obulungi ng'oti n'omuti omunaazi, era bakule ng'oti n'emivule egy'e Lebanoni.

Olwembo 2:3

Ng'omuti ogw'ebibala bwe guba n'omuganhulo okusinga emiti egindi egy'omu kibira, n'omugonzi wange atyo bw'abasinga basaadha baine. Nnhumirwa okutyama mu kinsense eky'omuti ogwo, era ebibala byagwo bimpoomera inho.

Olwembo 4:13

Oli ng'oti isamba lya mikomamawanga, egitaaku ebibala ebirungi einho. Era ng'eisamba eryo lirimu n'ebivaamu obuwoowo, obwa henna ni narudo,

Isaia 16:10

Tighakaaligho muntu asanhukiraku mu masamba ago amagimu, waire okwemberaku enhembo mu mizabbibu, oba okwasiikaniramu. Ghazira akunha mizabbibu kugikolamu mwenge, era emizira gy'abakunhi ngikomiiza.

Isaia 24:11

Abantu baasiikanira bwa mu nguudo olw'okubulwa omwenge gw'emizabbibu. Amasanhu goonagoona gaamala okutuuka ghe gakoma, era okusagamba mu nsi kwamala okukomezebwa.

Isaia 24:7

Emizabbibu giniaire, omwenge gw'emizabbibu gwakendeera. Abantu boonaboona abaalinga abasangaavu, buti bali bwa mu nnaku.

Isaia 9:3

Oleeteire abantu okweyongera obungi mu ighanga, waabaleetera okweyongera okusangaala. Basagambira mu maiso go ng'oti bwe basagamba mu makungula, oba ng'oti n'abantu bwe basagamba nga bagabana omunhago.

Yeremia 48:3

Wulira! Abantu ab'e Horonaimu bali kulira bati, ‘Bikolwa bya bukambwe na kuzikiriza n'ebiri buli ghantu byonka.’

Yeremia 48:33

Ntoiregho okusangaala n'okusagamba mu nsi engimu ey'e Moabu. Era naalekeza omwenge ogw'emizabbibu okudhuluudha okuva mu bikunhiro eby'omwenge ogw'emizabbibu. Tighakaaligho bakunha mwenge gwa mizabbibu nga bwe baasiikana olw'eisanhu. Okwasiikana okuligho buti tikwa isanhu naire.

Yoeli 1:10

Enimiro dhaazika, eitaka lyawolongera; kuba engaano yazikirizibwa, emizabbibu mwe bakunha omwenge gyaniala, n'ebibala eby'emiti emyoliva mwe bakamula omuzigo byakala.

Yoeli 1:16

Ebirime byaife babizikiriiza nga tulingiriire tuti, n'eisanhu lyawaagho mu isinzizo lya Katonda waife.

Yona 4:7

Aye enkeera, endhuba ng'ekaali kuvaayo Katonda yaalagira ekisiisa kyaidha kyalumba ekimera ekyo, kyafaagho.

Haggai 2:19

Mperaano mu iterekero timukaalimu ngaano, era n'emizabbibu, n'emitiini, n'emikomamawanga, n'emiti emyoliva, bikaali kutaaku. Aye okuva n'olwaleero ndidha kubaghanga enkabi.”

Malaki 3:11

Tiriganha bisiisa kuzikiriza birime byaimwe. N'emizabbibu gyaimwe tigiriroba kubala.

Okubala 13:23

Agho baatuuka mu kiiko eky'e Eshikoli, baatemayo olusaga olwaliku ekifaaganda eky'emizabbibu kirala kiti, abantu babiri baakitwalira ku muti, ng'owundi agemyeku eruuyi n'owundi eruuyi. Baatwala ni ku bibala eby'emikomamawanga n'eby'emitiini.