Yoeli 1:10 - Baibuli Ekibono kya Katonda 2014

¹⁰ Enimiro dhaazika, eitaka lyawolongera; kuba engaano yazikirizibwa, emizabbibu mwe bakunha omwenge gyaniala, n'ebibala eby'emiti emyoliva mwe bakamula omuzigo byakala.

Yoeli 1:10 Iomraidhean Croise

Amainhama 4:12

Bw'onaalimanga eitaka tiriidha kukughanga makungula naire; ku nsi oidha kutambulatambulanga eyo otyo ng'ozira gh'osula.”

Isaia 15:6

Akaiga Nimurimu kakaze, eisubi ku mbali kwako liniaire, ghazira ito likaameraku naire, n'ebimera byonabyona biweekereiregho.

Isaia 24:11

Abantu baasiikanira bwa mu nguudo olw'okubulwa omwenge gw'emizabbibu. Amasanhu goonagoona gaamala okutuuka ghe gakoma, era okusagamba mu nsi kwamala okukomezebwa.

Isaia 24:7

Emizabbibu giniaire, omwenge gw'emizabbibu gwakendeera. Abantu boonaboona abaalinga abasangaavu, buti bali bwa mu nnaku.

Yeremia 12:11

Bagifiire bifulukwa byereere omuzira kalungi ke mbonaku. Ensi eyo yoonayoona efuuse irungu, aye ghazira na muntu afaayo naire.

Yeremia 12:4

Ensi yaife erituusa li okukala, n'eisubi lyamu lyonalyona okuniala? Ensolo n'enhonhi dhiri kufa, olw'obubi bw'abantu baife abo abakoba bati: “Katonda tabona bye tukola.”

Yeremia 48:33

Ntoiregho okusangaala n'okusagamba mu nsi engimu ey'e Moabu. Era naalekeza omwenge ogw'emizabbibu okudhuluudha okuva mu bikunhiro eby'omwenge ogw'emizabbibu. Tighakaaligho bakunha mwenge gwa mizabbibu nga bwe baasiikana olw'eisanhu. Okwasiikana okuligho buti tikwa isanhu naire.

Hosea 4:3

Kale ni ensi eno erikala, na buli kiramu ekigiriku kyafa. Ensolo edh'omu nsiko, n'enhonhi edhiguluka, n'ebyenhandha, byonabyona birifa.

Hosea 9:2

Aye mu bifo aghakubirwa engaano ghaidha kulekera okuvaagho engaano ebamala, ni mu bikunhiro by'omwenge ogw'emizabbibu mulekere okuvaamu omwenge ogw'emizabbibu omusu.

Yoeli 1:12

Emizabbibu n'emitiini gyaniala. Emikomamawanga, n'eminaazi, n'emiti egindi gyonagyona egy'ebibala gyakala. Era eisanhu mu bantu lyabula.

Yoeli 1:5

Imwe abatamiivu, muzuuke mulire amaziga; muwowoole imwe abanhwa omwenge; kuba emizabbibu mwe bakola omwenge ogubawoomera gizikiriziibwa!

Yoeli 2:19

Yairamu abantu be ati: “Bona eno, ndidha kubagha engaano, n'omwenge ogw'emizabbibu, n'omuzigo ogw'ebibala eby'emiti emyoliva, ebiidha okubaigusa. Era tikaabaleka kuba kivumo eri bamaghanga gandi.

Abalevi 26:20

Bwe munaakolanga emirimo, amaani gaimwe ganaabafanga busa, kuba ensi teebazenga birime, n'emiti tigiibalenga bibala.

Habakkuku 3:17

Waire emiti emitiini giroba okutaaku ebibala, n'emizabbibu gyaloba okubala, n'emyoliva gyona gyabulaku ekivaaku, ni mu misiri mwabulamu ekikungulwa, n'entaama n'embuzi dhoonadhoona ni dhifa, ni mu kigo eky'ente ni mubula akamoola,

Haggai 1:11

Ndeeteire endoboozi okugwa mu nsi eno: egwe ku nsozi dhaayo, ni ku nimiro dhaayo edh'engaano, n'edh'emizabbibu, n'edh'emiti emyoliva, ni ku birime byonabyona. Era egwe ni ku bantu, ni ku nsolo, ni ku ebyo byonabyona bye mukola.”

Malaki 2:3

Ndibonereza abaana baimwe, n'imwe beene naababbaaka obusa bw'ensolo dhe mughaayo ng'emisengo. Era ndibabinga ghe ndi.