Yakobo 4:9 - Baibuli Ekibono kya Katonda 2014

⁹ Munakughale era mulire; enseko dhifuuke maziga, okusagamba kufuuke kuwuubaala.

Yakobo 4:9 Iomraidhean Croise

Matayo 5:4

Ba nkabi abagegenga, kuba balyesiima.

Ensambo 14:13

Omuntu asobola okuseka aye ng'ali n'obughafu ku mwoyo, era aghava eisanhu ghairagho nnaku.

Luka 6:25

Mukagwireku imwe buti abaigwite, kuba endhala eribaluma. Mukagwireku imwe abaseka mperaano, kuba muligegenga, mwalira.

Zabbuli 119:67

Nali ndaaliimye okuva mu ngira entuufu, iwe wankangaivula, aye buti tiva ku kibono kyo.

Ezekieli 16:63

Era ndikusonigha ebyo byonabyona bye wakola, aye waabiidhukiranga ensoni dhaakugema, nga tosobola kwogera kintu kyonakyona olw'okuswala.” Musengwa Katonda atyo bw'akobye.

Ezekieli 7:16

Aye abaliwonagho balirumukira mu nsozi, baaba ng'oti n'amayemba ag'omu biiko agatiire ni galumukayo. Boonaboona baliba mu kulira maziga, nga buli muntu alira olw'ebibi bye.

Luka 16:25

“Aye Aburahamu yaamukoba ati, ‘Mwana wange idhukira oti mu bulamu bwo wafuna ebirungi byonabyona, aye Lazaro yaafuna ebibi kale mperaano ono n'okuba mu kwesiima, iwe n'oba mu kubonaabona.

Yobu 30:31

Mpegaano entongooli yange ngikubiraku nhembo dha kugegenga; endere yange ngifuuyira balizi.”

Luka 6:21

Muli ba nkabi abayala buti, kuba muliigusibwa. Muli ba nkabi abagegenga buti, kuba mulisangaala.

Okulira 5:15

Eisanhu mu myoyo gyaife lyawaamu, n'agaali amakina gaafuuka kulira na kwekuba bigwo.

Yeremia 31:13

Abaghala balisangaala baakina, n'abasaadha abakulu n'abato baasagamba. Ndibagumya, naabaleetera okuseka enseko mu kifo ky'okulira amaziga, naabaleetera eisanhu mu kifo ky'enaku.

Yeremia 31:9

Abantu bange baliira nga bali kulira amaziga eno nga bwe basaba, nga nze ndi kubaiza ewaibwe. Ndibabisa eri obwiga obulimu amaadhi, era naababisa mu ngira entereevu baaloba kwekontola kugwa; kuba nze, ninze lata w'Abaisiraeli, era Efuraimu ni mutabane wange omuberi.”

Omulangirizi 2:2

Naakoba nti: “Okwira agho mu kuseka obuseke, kuli ng'oti kugwa iralu, n'amasanhu gazira kye gagasa.”

Zabbuli 119:71

Okukangaivulwa kwange kwankola bukalamu, kuba kwandeetera okwega okukola by'olagira.

Zabbuli 119:136

Amaziga gakuuluula okunva mu maiso ng'oti miiga, olw'okubona ng'abantu tibagema mateeka go.

Nehemia 8:9

Abantu bwe baawulira Amateeka bye gabalagira okukola, boonaboona baalira amaziga. Kale Nehemia eyali omufuzi w'ekiketezo ekyo, ni Ezera kabona era omunamateeka, n'Abalevi abaayegeresa abantu Amateeka, baabakoba bati: “Olunaku luno lwa Musengwa Katonda waimwe era lutukuvu. Kale ni mulobe kunakughala waire okulira amaziga.

Matayo 21:41

Baamukoba bati: “Abakozi ababi abo, abatemo alibazikiriza bubi inho, era eisamba yaalitaamu abakozi abandi abalimugha ebibala mu biseera byabyo.”