Yakobo 4:2 - Baibuli Ekibono kya Katonda 2014

² Bwe muba ni kye mwenda ni mutakifuna ng'olwo mwita. Bwe mwegomba ni mutafuna ng'olwo musoola era nga mulwana. Timufuna kye mwenda kuba timukisaba Katonda.

Yakobo 4:2 Iomraidhean Croise

1 Bakyabazinga 21:6

Ahabu yairamu ati: “Nkobye Nabothi ow'e Yezireeli nti, ‘Mpa eisamba lyo ery'emizabbibu ndigule. Oba, bw'onaaba oyenze, ndidha kukughaamu eisamba erindi ery'emizabbibu.’ Aye andhizeemu ati, ‘Tiidha kukugha isamba lyange lya mizabbibu.’ ”

Ensambo 1:19

Ebyo n'ebituuka ku abo boonaboona abafuna obukombe mu kunhaga; mu bukombe bwene obwo n'omuva ekibaita.

Omulangirizi 4:8

Ghabaagho omuntu aziraku mwana oba muganda we, aye nga buli kiseera ayenda kweyongera kufuna bya bukombe. Nga tiyeebuuzaaku ati: “Ndi kufaabiikanira ani, ni ndoba okwesanhusa?” Ekyo kyona kiziramu muganhulo, era kireeta n'enaku.

Isaia 7:12

Aye Ahazi yairamu ati: “Tiidha kusaba kamanhiso, era tiidha kuleba Musengwa Katonda.”

Habakkuku 2:5

Obukombe tibwesigika. Abantu abalulunkanira eby'obukombe beekuluntaza inho aye tibatereera. Bali ng'oti magombe geene, basigala nga bakaayenda. Kyebava ni balwanisa amaghanga n'amaghanga, ni baja nga banhagamu abantu n'ebintu.

Yoanne 16:24

Ni ye buli eno timusabangaku kintu kyonakyona mu liina lyange. Musabe muligheebwa, okusagamba kwaimwe kwatuukirira.

Yoanne 4:10

Yesu yaamukoba ati: “Nguli oidhi ekirabo Katonda ky'agha, n'omanha n'oyo ali kukusaba amaadhi okunhwa, wandimusabye yaakugha amaadhi agagha obulamu.”

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.

Yakobo 5:6

Omuntu azira musango mwamusalira omusango okumusinga, mwamwita. Tiyaghaghaana!

1 Yoanne 3:15

Kiisi akyagha muganda we aba mutemo, ate mwidhi nga mu mutemo timuba bulamu butawaagho.