Yakobo 3:2 - Baibuli Ekibono kya Katonda 2014

² Twenatwena tusobya. Aye oba nga ghaligho atasobya mu ndhogera, oyo mutuukirivu era asobola okufuga n'omubiri gwe gwonagwona.

Yakobo 3:2 Iomraidhean Croise

1 Bakyabazinga 8:46

“Abantu bo bwe banaakolanga ebibi y'oli, nga bwekiri nti ghazira muntu atakola kibi, memale n'obasungughalira era n'oleka abazigu baibwe ni babaghangula era ni babatwala nga banhage mu nsi ey'abazigu k'ebe ey'okumpi oba ey'eghala,

2 Ebyomubyanda 6:36

“Abantu bo bwe banaakolanga ebibi y'oli, nga bwekiri nti ghazira muntu atakola kibi, memale n'obasungughalira era n'oleka abazigu baibwe ni babaghangula era ni babatwala nga banhage mu nsi ey'abazigu k'ebe ey'okumpi oba ey'eghala,

Yobu 15:13

Ku lwaki osungughalira Katonda, n'oyogera ebibono ebiri bityo?

Zabbuli 34:13

Akuume olulimi lwe lulobe kwogera bibi, n'omunwa gwe gulobe kwogera bya buguya.

Zabbuli 39:1

Nakoba nti: “Ndidha kwegenderezanga mu bye nkola, ndobe kuganha lulimi lwange kunsuula mu kibi. Omunwa gwange ndidha kugutangaku kuufulu, kasita ghanaabangagho abakozi b'ebibi.”

Ensambo 10:19

Mu kwogera ebibono ebingi timubulamu kwonoona, kale omuntu afuga omunwa gwe aba mugezi.

Ensambo 13:3

Omuntu afuga omunwa gwe akuuma obulamu bwe, aye ole ayogerayogera eyo atyo yeezikiriza mwene.

Ensambo 20:9

Naani aghanga okukoba ati: “Nnaaziiza omwoyo gwange, buti nzira kibi kyonakyona.”

Ensambo 21:23

Omuntu eyeekuuma n'atayogerayogera eyo atyo, aba yeekuuma bizibu butamutuukaku.

Omulangirizi 7:20

Bwenebwene ezira muntu mutuufu ku nsi, akola ebirungi ebyereere n'atayonoonaku naire.

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Abalevi 13:39

kabona anaamwekebeedhanga. Okubutukabutuka okwo bwe kunaabanga nga tikwa maani, ekyo kinaabanga kimyamya bumyamya nga kifulwime mu mubiri; oyo anaabanga mulongoofu.

Matayo 12:34

Imwe eizaire ery'emisota, musobola mutya okwogera ebikalamu nga muli babi! Ebiidhwire mu mwoyo, omunwa ti bye gwogera?

Matayo 12:37

Ebibono byo n'ebirikuviiraku okusinga omusango, era ebibono byo n'ebirikuviiraku omusango okukusinga.”

Ab'e Roma 3:10

nga bwe kyaghandiikibwa kiti: “Ghazira mutuukirivu waire mulala.

Ab'e Roma 7:21

Kale kino kyanfuukira iteeka mu nze, bwe nhenda okukola ekituufu ate nnondagho kukola kibi.

1 Ab'e Korintho 9:27

Nfuntira irala omubiri gwange era naagufugira irala, nze ndobe kutoolebwa mu ntaka nga mmaze okukobera abandi Amawulire Amalungi.

Ab'e Galatia 3:22

Aye ng'ebyaghandiikibwa bwe bikoba, ensi yoonayoona esibiibwa mu maani ag'ekibi, olwo ekirabo ekyasuubizibwa olw'okwikiriza mu Yesu Kurisito kibe nga kigheebwa abo abaikiriza.

Ab'e Galatia 5:17

Kuba omubiri bye gwenda Mwoyo by'atenda, ate Mwoyo by'ayenda omubiri bye gutenda. Kiisi kirala kitakania kiinaakyo, waaloba kusobola kukola nga bw'oyenda.

Ab'e Kolosai 1:28

Oyo, ife ye tukobera buli muntu. Tulabula era twegeresa buli muntu mu magezi goonagoona tughange okuleeta buli muntu ewa Katonda ng'atuukiriire mu Kurisito.

Ab'e Kolosai 4:12

Epafura, owundi ku abo ab'ewaimwe, ate era omugheereza wa Kurisito Yesu, abalamwisa. Buliidho abasabira n'omwoyo gwe gwonagwona mwekalangule ng'abantu abakulu abeekakasa mu ebyo Katonda by'ayenda.

Abaheburayi 13:21

abaghe kiisi kikalamu kyonakyona kye mwetaaga okukolanga by'ayenda. Katonda oyo atukozese by'asiima mu Yesu Kurisito, agheebwe ekitiisa, ebyanda n'ebyanda. Amiina.

Yakobo 1:26

Ole bw'alowooza ati aikiriza, aye n'atafuga lulimi lwe, yeesubagha era n'okwikiriza kwe muzira.

Yakobo 1:4

Muleke okuguma kwaimwe okwo kukolere mu imwe, olwo mube abantu abatuukiriire era abalamba, nga muziraku kibulaku.

Yakobo 2:10

Oyo agema Amateeka goonagoona aye eirala liti ni limulema, abaaku omusango ogw'okumenha Amateeka goonagoona

1 Petero 3:10

Kuba ebyaghandiikibwa bikoba biti: “Kiisi ayenda okufuna obulamu, n'okuba obukalamu, akuume olulimi lwe lulobe kwogera bibi, n'omunwa gwe gulobe kwogera bya buguya.

1 Petero 5:10

Aye olumaliira olw'okudaazibwadaazibwa akaseera akatono, Katonda ow'ekisa ekitakoma eyabeeta mube mu kitiisa kye ekitawaagho mu Kurisito, alibagoloza, yaabagha amaani era yaabagumya.