Yakobo 3:1 - Baibuli Ekibono kya Katonda 2014

¹ Aboluganda, muteeyugha ku mulimo gwa kwegeresa, kuba mwidhi nga ife abeegeresa tuja kunhunkuuzibwa inho okusinga abandi nga tusalirwa omusango.

Yakobo 3:1 Iomraidhean Croise

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Malaki 2:12

Musengwa Katonda agwananga yaatoola mu Baisiraeli omuntu yeenayeena eyakola ekyo, era yaaloba kwirayo kumuganha kweyimba na bantu ba ighanga lyaife nga baleeta ebigheebwayo eri Musengwa Katonda Afuga Amagye.

Matayo 10:24

“Ayegeresebwa tasinga amwegeresa, waire omugheereza okusinga musengwa we.

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [

Matayo 23:14

“Mukagwireku Abanamateeka n'Abafarisaayo, abakuusa imwe, mukaavuula eby'omu ndhu dha banamwandu, ate mwasaba esaala edhitakutuka nga mwenda okweraga. Kale ekibonerezo kyaimwe kikakali.]

Matayo 9:11

Abafarisaayo bwe baabona ekyo, baakoba Abeegeresebwa be bati: “Lwaki omwegeresa waimwe alya n'abaghooza n'aboonooni?”

Luka 16:2

Kyeyava n'amweta n'amukoba ati, ‘Biki bino bye nkuwuliraku? Kale inhonhola ebigema ku bughanika bwo, kuba tokaaghanga kuba mughanika.’

Luka 6:37

“Mutasalanga musango era mwena tigulibasalirwa, mutasaliranga muntu musango kumusinga mwena tigulibasalirwa kubasinga. Musonighenga mwena mulisoniyibwa.

Yoanne 3:10

Yesu yaamwiramu ati: “Waaba mwegeresa mukulu mu Isiraeli waaloba kumanha ekyo?

Ebikolwa by'Abatume 13:1

Mu Kikunsu ky'Abaikiriza mu Kurisito eky'omu Antiokia mwalimu abalanzi n'abeegeresa: Barunaba ni Simeoni, eyayetebwanga Omwirugavu, Lukio ow'e Kurene, Menayeni eyakulira aghalala n'omufuzi Herode, ni Saulo.

1 Ab'e Korintho 12:28

era mu Kikunsu ky'Abaikiriza mu Kurisito, Katonda yategeka emirimo ng'asookera ku batume, yaizaaku abalanzi, abokusatu n'abeegeresa olwo yaizaaku abakola ebyewuunhio, yaizaaku abawonia, ababeezi, abafuzi, n'aboogera mu nnimi.

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

Ab'Efeso 4:11

Era n'oyo eyagha abandi okuba abatume, abandi okuba abalanzi, abandi okukobera abantu Amawulire Amalungi, abandi okulabirira abantu ba Katonda, n'abandi okuba abeegeresa.

1 Timotheo 1:7

Benda okuba Abeegeresa b'amateeka ga Katonda, ate nga bye boogera tibabiidhi, waire byenebyene bye boogera nga beekakasa.

1 Timotheo 2:7

Era ekyo n'ekyanteesaagho mbe omutume era omwegeresa ow'abamaghanga agandi, mbakobere eby'okwikiriza n'eby'amazima. Ndi kwogera mazima, tiri kuguya.

2 Timotheo 1:11

Nalondebwa okukobera abantu Amawulire Amalungi ng'omutume era omwegeresa,

Abaheburayi 13:17

Muwulirenga abakulembeze baimwe era mubagonderenga, kuba n'abalabirira emyoyo gyaimwe, era balyewozaaku ensambo ye baagirabiriramu. Mubasobozese okukola omulimo guno n'eisanhu, aye ti mu nnaku, kuba ekyo ghazira kye kibaganhula.

Yakobo 1:16

Aboluganda abagonzi, batabasubaghanga.

Yakobo 1:19

Aboluganda abagonzi, nhenda mumanhe kino: Buli muntu abenga mwangu okuwulira, aye alwengagho okwogera n'okusungughala,

Yakobo 3:10

Omunwa mulala ogwo n'omuva okusaaka, kabiri n'okukolima. Aboluganda, kino tikigwaine kuba kityo.

1 Petero 5:3

Mulobenga kwebisa oti bafuzi mu byayo omwo, aye mubenga kya kuboneraku.