Yakobo 2:1 - Baibuli Ekibono kya Katonda 2014

¹ Aboluganda, nga bwe mwikiriza mu Musengwa waife Yesu Kurisito, oyo Musengwa ow'ekitiisa, mulekere kuboolanga bantu abatababonekera bukalamu.

Yakobo 2:1 Iomraidhean Croise

2 Ebyomubyanda 19:7

Kale ni mutyenga Musengwa Katonda era mutenga omwoyo ku bye mukola, kuba Musengwa Katonda waife oyo aziramu kufuulaniafuulania nsonga, oba okusaliriza, waire okulya enguzi.”

Ensambo 24:23

Dhino dhoona ndhogera dha ba magezi: Kiba kibi omuntu okusaliriza ng'ali kusala emisango.

Ensambo 28:21

Omuntu okusaliriza kiba kibi, aye abantu bakikola olw'okufuna ke banaalya ni bwekaba katono katya.

Abalevi 19:15

“Musalenga emisango mu butuufu. Muteekubiranga ku luuyi lwa mwavu, era mutatiisanga mukombe maiso.

Matayo 22:16

Baamutumira abeegeresebwa baibwe, ni baine ba Herode, baakoba bati: “Mwegeresa twidhi oli wa mazima era oyegeresa mu mazima engira ya Katonda, ozira ye weeguya, kuba tojiira ku mboneka ya bantu.

Ebikolwa by'Abatume 10:34

Agho Petero yaatoolera okwogera, yaakoba ati: “Bwenebwene mperaano ntegeereire irala nga Katonda taboola mu bantu.

Ebikolwa by'Abatume 20:21

Naalabulanga Abayudaaya n'Abagureki bakyuke okuva mu bibi byaibwe baire ye Katonda era baikirize Musengwa Yesu Kurisito.

Ebikolwa by'Abatume 24:24

Nga ghabiseeghooku enaku, Felikisi ni mukazi we Durusilla eyali Omuyudaaya, baidha. Felikisi yaayeta Paulo era yaamuwulirisa ng'ayogera ku bibono by'okwikiriza Kurisito Yesu.

Ebikolwa by'Abatume 7:2

Sitefano yaakoba ati: “Balata ni baganda bange mumpulirise. Katonda ow'ekitiisa yabonekera dhaadha waife Aburahamu bwe yali mu Mesopotamia ng'akaali kuja kuba mu Harani,

Ab'e Roma 1:11

Kuba neegomba inho okubabona, mwena mughange okufunaku ekirabo eky'omwoyo okubagumya.

1 Ab'e Korintho 2:8

Ghazira naire ku bafuzi ab'ensi eyakimanha, kuba nguli baali bakiidhi, tibandikomereire Musengwa ow'ekitiisa.

Amateeka Agokubiri 1:17

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”

Amateeka Agokubiri 16:19

Batasalirizanga, waire okwekubiranga, oba okulyanga enguzi, kuba enguzi etulughaza amaiso g'omugezi gaava ku kituufu, era ereetera omuntu okufuulaniafuulania by'akoba.

Ab'e Kolosai 1:4

kuba twawulira okwikiriza kwe muli nakwo mu Kurisito Yesu, n'okugonza kwe mugonzaamu abatuukirivu boonaboona

1 Timotheo 1:19

ng'oli n'okwikiriza era n'omwoyo omwamufu; kuba abandi abaaloba okuba n'omwoyo ogwo bafiirwa okwikiriza kwaibwe.

1 Timotheo 5:21

Nkusikirira mu maiso ga Katonda, ni Kurisito Yesu, ni bamalaika abatukuvu, ojiirenga ku biragiro bino buliidho, aghazira kwekubira oba okusaliriza.

Tito 1:1

Ninze Paulo omugheereza wa Katonda era omutume wa Yesu Kurisito. Natumibwa okugaziya okwikiriza okw'abantu ba Katonda abalonde, n'okubamanhisa amazima ag'endhikiriza etya Katonda,

Tito 2:13

Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

Abaheburayi 1:3

Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Yakobo 1:16

Aboluganda abagonzi, batabasubaghanga.

Yakobo 1:19

Aboluganda abagonzi, nhenda mumanhe kino: Buli muntu abenga mwangu okuwulira, aye alwengagho okwogera n'okusungughala,

Yakobo 2:3

memale n'ofa ku ole avaire ebivaalo eby'omughendo n'omukoba oti: “Iwe tyama ghano aghalungi,” aye ole omwavu n'omukoba oti: “Yemerera ghale” oba oti: “Idha otyame ghano gha nsi gha bigere byange”,

Yakobo 2:9

Aye bwe muboola abantu olw'emboneka yaibwe muba mukoze ekibi, era muba muli bamenhi ba Mateeka.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

Yuda 1:16

Abantu bano buli kaseera baba mu kutolooma olw'obutasiima, bageyigeyi, bajiira ku kwegomba kwa mibiri gyaibwe, beesaaka era baasuutiriza abantu nga bali ni kye babendaku.

Okwolekebwa 14:12

Agho ni abo abatuukirivu abagema ebiragiro bya Katonda, ni basigala nga baikiriza Yesu, bateekwa okuguminkiriza.