Yakobo 1:2 - Baibuli Ekibono kya Katonda 2014

² Aboluganda, bwe mutuukibwangaku ebizibu ebya buli nsambo, musangaalenga.

Yakobo 1:2 Iomraidhean Croise

Ebikolwa by'Abatume 5:41

Abatume baava mu lwekobaano nga basangaavu kuba Katonda yabona nga bagwaine okudaazibwadaazibwa ku lwa Yesu.

Ab'e Roma 5:3

Era tusagamba ni mu kudaagadaaga kwaife kuba twidhi tuti okudaagadaaga kuvaamu okuguminkiriza,

Ab'e Filippi 1:29

Kuba mwagheebwa enkabi okwikiriza Kurisito era n'okudaagadaaga ku lulwe.

Ab'e Filippi 2:17

Omusaayi gwange ni bwe guyuyibwa ni gutabulwa n'omusengo gwe mughaayo olw'okwikiriza kwaimwe, nsangaala era nsagambira ghalala n'imwe mwenamwena.

Ab'e Filippi 2:18

Mu nsambo n'endala, mwena mugwaine okusangaala n'okusagambira aghalala ninze.

Ab'e Kolosai 1:24

Ndi musangaavu buti olw'okudaaga kwe ndaaga ku lwaimwe, era mu mubiri gwange nhambaku okumaliriza ebyo ebyasigalira mu kudaazibwadaazibwa kwa Kurisito ku lw'omubiri gwe. Omubiri gwe guno n'Ekikunsu eky'Abaikiriza mu Kurisito.

Abaheburayi 10:34

Mwalumirwa ghalala n'abasibe era bwe mwanhagibwaku ebyaimwe mwaguminkiriza n'eisanhu, nga mwidhi muti muli n'ekibisinga obukalamu era eky'olubeerera.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

Yakobo 1:16

Aboluganda abagonzi, batabasubaghanga.

Yakobo 1:19

Aboluganda abagonzi, nhenda mumanhe kino: Buli muntu abenga mwangu okuwulira, aye alwengagho okwogera n'okusungughala,

Yakobo 5:11

Abantu abo abaaguminkiriza tubeeta ba nkabi. Imwe mwawulira obuguminkiriza bwa Yobu era mwabona ni Musengwa bye yamukolera ku nkomerero, kuba Musengwa wa kisa era musaasizi.

2 Petero 2:9

Ebyo biraga nga Katonda aidhi okutoola abamutya mu buzibu, era n'okukuumira ababi mu kubonerezebwa okutuusa ku lunaku olw'okusalirwaku omusango.

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.