Yakobo 1:1 - Baibuli Ekibono kya Katonda 2014

¹ Ninze Yakobo omugheereza wa Katonda, era owa Musengwa Yesu Kurisito. Mpandiikira ebika eikumi n'ebibiri ebisansaaniire woonawoona. Mbalamwisa inho.

Yakobo 1:1 Iomraidhean Croise

1 Bakyabazinga 18:31

Yaatoola amabaale ikumi n'abiri, ng'ajiira ku bungi obw'ebika eby'abantu ebisimuka mu Yakobo. Yakobo oyo, Musengwa Katonda ye yakoba ati: “Oidha kwetebwanga Isiraeli.”

Ezera 6:17

Era ku mukolo ogwo baaghaayo ente enume kikumi (100), entaama enume ebikumi bibiri (200), n'entaama ento ebikumi bina (400). Baaghaayo n'embuzi enume ikumi na ibiri (12), embuzi ndalandala olwa buli kika kya Isiraeli, kibe ng'ekigheebwayo olw'ebibi eby'Abaisiraeli boonaboona.

Okuvaayo 24:4

Musa yaaghandiika ebibono bya Musengwa Katonda ebyo byonabyona. Era yaazuuka ku nkyo yaazimba alutaari ghansi agh'olusozi. Yaazimba n'empango edh'amabaale ikumi na ibiri ng'ebika eby'Abaisiraeli bwe biri.

Okuvaayo 28:21

era nga bwe gali amabaale eikumi n'abiri, buli irala liidha kukolebwa ng'oti n'empeta ekozesebwa ng'akamanhiso, nga lighandiikiibwaku n'ekyuma ekisongovu eriina irala ku maina ag'abaana ba Yakobo, ku lw'ebika byaibwe eikumi n'ebibiri.

Okuvaayo 39:14

Nga bwe gaali amabaale eikumi n'abiri, buli irala lyakolebwa ng'oti kamanhiso nga lighandiikibwaku n'ekyuma ekisongovu eriina irala ku maina ag'abaana ba Yakobo, ku lw'ebika byaibwe eikumi n'ebibiri.

Ezekieli 12:15

“Bwe ndibasansaaniza eyo mu maghanga ni mbaidhuza eyo mu nsi enhingi, balimanha nga ninze Musengwa Katonda.

Abalevi 26:33

Ndidha kubaleeteranga entalo dhibaite, mbasansaanizenga eyo mu maghanga. Ensi yaimwe esigalenga agho etyo, n'ebibuga byaimwe mbisaaniegho.

Matayo 10:3

Filipo ni Barutholomayo, Thomasi ni Matayo omughooza, Yakobo mutabane wa Alufaayo ni Thaddaayo,

Matayo 13:55

Ono ti n'omwana ow'omubaadhi? Inhina ti ni Maria? Ni baganda be ti ni Yakobo, ni Yosefu, ni Simoni, ni Yuda?

Matayo 19:28

Yesu yaabakoba ati: “Bwenebwene ka mbakobere mu kiseera eky'okwiza byonabyona obuyaaka, ng'Omwana w'Omuntu atyaime ku kityamo kye eky'ekitiisa, imwe abaanonereza mwena mulityama ku bityamo ikumi n'abiri mwafuga ebika eikumi n'ebibiri ebya Isiraeli.

Mariko 3:18

ni Anderea, Filipo, Barutholomayo, Matayo, Thomasi ni Yakobo mutabane wa Alufaayo, Thaddaayo, Simoni Omukananayo,

Luka 22:30

musobole okulya n'okunhwa ninze ku kiiwulo kyange mu Bwakyabazinga bwange. Era mulityama ku makonero mwalamula ebika eikumi n'ebibiri ebya Isiraeli.

Luka 6:15

ni Matayo, ni Thomasi, ni Yakobo mutabane wa Alufaayo, ni Simoni ayetebwa Omuzeloti,

Yoanne 12:26

Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

Yoanne 7:35

Abayudaaya beebuuzagania bati: “Ategeka kuja gha ye tutalimubonera? Ategeka kuja mu bale abeetabika n'Abagureki, ayegerese Abagureki?

Ebikolwa by'Abatume 1:13

Bwe bangira, baaniina mu kisenge ekya ghaigulu mwe baabanga: Petero ni Yoanne, Yakobo ni Anderea, Filipo ni Thomasi, Barutholomayo ni Matayo, Yakobo mutabane wa Alufaayo ni Simoni Omuzeloti, ni Yuda owa Yakobo.

Ebikolwa by'Abatume 12:17

Yaabaghemya basirike, yaabakobera nga Musengwa bw'amuwoniiza eikomera. Era yaabakoba ati: “Bino mubikobere Yakobo n'aboluganda.” Yaavaayo yaaja aghandi.

Ebikolwa by'Abatume 15:13

Bwe baamala okwogera ni basirika Yakobo yaakoba ati: “Aboluganda, mumpulirise.

Ebikolwa by'Abatume 15:21

Kuba Amateeka ga Musa okuva eira n'eira gasomebwa ku buli Sabbato mu sinagoga era googerebwaku mu buli kibuga.”

Ebikolwa by'Abatume 15:23

Baabagha embaluwa ekoba eti: “Ife aboluganda, Abatume n'abakulembeze b'abaikiriza, tubalamwisa imwe aboluganda abamaghanga agandi ab'omu Antiokia ni Siria ni Kilikia.

Ebikolwa by'Abatume 2:5

Mperaano, mu Yerusalemu mwalimu Abayudaaya, n'abaava mu maghanga goonagoona agali ghansi gh'eigulu, nga basaadha baidhumbize ba idiini.

Ebikolwa by'Abatume 21:18

Olunaku olwairirira, Paulo yaaja n'ife okubona Yakobo, era abakulembeze boonaboona baaliyo.

Ebikolwa by'Abatume 23:26

“Ninze Kilaudio Lisia, nnamusa omufuzi ow'ekitiisa einho Felikisi.

Ebikolwa by'Abatume 26:7

era ebika byaife eikumi n'ebibiri kye birindirira nga bisinza Katonda omusana n'obwire. Isebantu kyabazinga, olw'okusuubira okwo, Abayudaaya kye baviire bampaghabira.

Ebikolwa by'Abatume 8:1

Saulo yaaganha Sitefano aitibwe. Mu kiseera ekyo Ekikunsu ky'Abaikiriza mu Kurisito, mu Yerusalemu, kyakirigibwa inho. Boonaboona, okutoolaku Abatume, baasansaanira mu biketezo eby'e Buyudaaya ni Samaria.

Ab'e Roma 1:1

Ninze Paulo omugheereza wa Yesu Kurisito eyayetebwa okuba omutume. Era eyalondebwa Katonda okukobera abantu Amawulire ge Amalungi,

Ab'e Galatia 1:19

Aye ghazira ku batume bandi ye nabonaku okutoolaku Yakobo muganda wa Musengwa.

Ab'e Galatia 2:12

Abantu abaava ye Yakobo bwe baali bakaali kutuuka Kefasi yaliiranga ghalala n'abamaghanga agandi abaikiriza Yesu, aye olwatuuka bati yeefuula era yaabeeyawulaku olw'okutya abo abeekalangulira ku ky'okukeketa.

Ab'e Galatia 2:9

Yakobo, Petero ni Yoanne, abaabonekanga okuba nga n'abakulembeze, baakibona nga Katonda yangemya omulimo omukulu guno. Kale baatugema mu ngalo, nze ni Barunaba, ng'akamanhiso akooleka nga tuli bakozi banaibwe ku mulimo n'omulala. Era twaisania ife tuje mu bamaghanga agandi, ate beene baje mu bakekete.

Amateeka Agokubiri 28:64

“Musengwa Katonda aidha kubasansaanizanga eyo mu maghanga goonagoona, okuva ensi y'eva okutuuka y'ekanga. Eyo ye mwidha okusinzizanga bakatonda abaabaadhibwa mu miti ni mu mabaale, imwe ni badhaadha baimwe be mutasinzangaku.

Amateeka Agokubiri 30:3

Musengwa Katonda waimwe aidha kubagemerwanga ekivunika. Aidha kubasolozanga eyo mu maghanga goonagoona y'anaabasansaanizanga, abaize mwiremu okuba obukalamu.

Amateeka Agokubiri 32:26

Naalikobye nti, ka mbasansaanize eyo eghala, ghalobe kubaagho abaidhukira waire omulala ati.

Amateeka Agokubiri 4:27

Musengwa Katonda alibasansaaniza eyo mu maghanga agandi, era batono ku imwe abalisigala nga bakaali balamu.

Ab'e Filippi 1:1

Ninze Paulo ni Timotheo abagheereza ba Kurisito Yesu. Tughandiikiire abatuukirivu boonaboona abaisa ekirala mu Kurisito Yesu abali e Filippi, n'abalabirizi n'abagheereza.

2 Timotheo 4:21

Fuba nga bw'osobola oidhe ng'ebiseera eby'ekiinhogogo bikaali kutuuka. Eubulo, Pudente, Lino, Kilaudia n'Abakurisito abandi boonaboona bakulamwisa.

Tito 1:1

Ninze Paulo omugheereza wa Katonda era omutume wa Yesu Kurisito. Natumibwa okugaziya okwikiriza okw'abantu ba Katonda abalonde, n'okubamanhisa amazima ag'endhikiriza etya Katonda,

1 Petero 1:1

Ninze Petero omutume wa Yesu Kurisito. Mpandiikira abo Katonda be yalonda, buti abasansaaniire mu Ponto, Galatia, Kappadokia, Asia ni mu Bithunia, ye bali ng'abanoonia obubudamo.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

Yuda 1:1

Ninze Yuda omugheereza wa Yesu Kurisito era muganda wa Yakobo. Mpandiikira abo abaayetebwa abagonzi ba Katonda Lata, era abakuumibwa Yesu Kurisito.

Okwolekebwa 7:4

Agho naawulira omughendo gw'abo abaateebwaku akamanhiso: Baali emitwalo ikumi n'ena n'enkumi ina (144,000), abaava mu buli kika ky'abantu ba Isiraeli.