Tito 3:3 - Baibuli Ekibono kya Katonda 2014

³ kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

Tito 3:3 Iomraidhean Croise

Amainhama 38:9

Aye Onani yaamanha ng'abaana abo tibaja kuba babe. Kale buli lwe yabanga ni namwandu wa muganda we, ng'amaadhi agafuka ghansi, alobe kuzaalira muganda we baana.

Amainhama 39:16

Omukazi yaakuuma ekivaalo kya Yosefu, okutuusa musengwa wa Yosefu lwe yaira eka.

Zabbuli 36:2

kuba yeebona nga wa ghaigulu inho, era nga ghazira asobola kumanha bibi bye na kubivumirira.

Ensambo 8:5

Imwe abazira kye mwidhi, mwege okumanha ekigwaine okukolebwa; imwe abasiru, mwege okutegeera.

Ensambo 9:6

Va mu bantu abazira kye baidhi obe mulamu, era weebise mu nsambo eyoleka ng'otegeera.”

Isaia 44:20

Omuntu oyo ali ng'oti n'ole alya eivu. Aba yeerimbye era ng'adaaliimye, nga takaasobola kuwonia bulamu bwe, waire okwebuuzaaku mule ati: “Ekifaananie kye ngemye mu ngalo dhange ti kya buguya bwereere?”

Obadia 1:3

Okwekuluntaza kwo kukulimbye, kuba odhuuba oti ekifo ky'olimu kyesigika inho ng'oti n'ekifo ekigumu eky'okwewogomamu ekyabaadhibwa mu ibaale. Era olw'okuba amaka go gali ghaigulu mu nsozi, okoba oti, ‘Naani alisobola okumpanula eno n'andhisa ghansi?’

Matayo 21:29

Omwana yaamwiramu ati, ‘Tiije.’ Aye olumaliira yeenenia yaaja.

Luka 21:8

Yesu yaabairamu ati: “Mwekuume, ti kulwa nga babaghabya kuba ghalibonekagho abantu kamaala abalyeyeta eriina lyange nga bakoba bati, ‘Ninze oyo,’ era bati, ‘Ekiseera kituuse!’ Aye timubanonerezanga.

Yoanne 8:34

Yesu yaabairamu ati: “Bwenebwene ka mbakobere, kiisi akola kibi, aba mugheereza wa kibi.

Ab'e Roma 11:30

Mwena eira mwadheemera Katonda, aye mperaano mwasaasirwa olw'obudheemu obw'Abayudaaya.

Ab'e Roma 6:12

Kale ni timuganhanga kibi kufuga mu mibiri gyaimwe egifa, ni mugondera okwegomba kwagyo okubi.

Ab'e Roma 6:17

Aye Katonda yeekaza, kuba mwali nga muli bairu ba kibi, aye mwaganha n'omwoyo gwaimwe gwonagwona ebyo ebyali mu kwegeresebwa kwe mwagheebwa.

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

Ab'e Roma 6:6

Twidhi ng'obulamu bwaife obw'eira bwakomererwa ghalala ni Kurisito ku musalaba, omubiri ogukola ebibi gusobole okuzikirizibwa, tulobe kwirayo kabiri kuba bairu ba kibi.

2 Ab'e Korintho 12:20

Ekintiisa, n'okwidha ni mbaagaana nga timuli nga bwe nandyenze mube, oba imwe okumbona nga tiri nga bwe mwandyenze mbe. Ntya okwagaanayo okusoola, ensaalwa, obusungu, okweyendeza buli kintu, okusalaganaku ebibono, olubono, okwekudumbaza, era n'okutabukatabuka.

Ab'e Galatia 6:3

Kuba oyo eyeebona nga kintu kikulu ate nga tali, yeesubagha mwene.

Ab'e Kolosai 1:21

Eira mwali ghala ni Katonda, era nga muli bazigu be olw'ebidhuubo byaimwe n'ebikolwa ebibi bye mwakolanga.

Ab'e Kolosai 3:7

Eira mwena mwakolanga ebintu oti n'ebyo, era ng'obulamu bwaimwe bubijiiraku inho.

2 Timotheo 3:13

eno ng'abakozi b'ebibi n'abaguya bwe beeyongera okuba ababi, nga baguya ate nga beene boona babaguya.

2 Timotheo 3:6

Mu abo n'omuli abaja mu maka ag'abantu ni baagaanamu abakazi abanafu mu myoyo, ni babatwala ng'abairu. Bano n'abakazi abaidhwire ebibi era abatwalirizibwa ebintu kamaala.

Tito 1:16

Bakoba mbu baidhi Katonda, aye mu bikolwa byaibwe bamwegaana. Katonda oyo abeenhinhala bwenhinhale, era beene bamudheemera, baabulaku ekikalamu kye basobola okukola.

Tito 2:12

Era kitwegeresa okutya Katonda n'okulekayo okwegomba okw'ensi eno, n'okuba abantu abasobola okwefuga, abeesimbu, era abatya Katonda mu nsi muno.

Yakobo 1:26

Ole bw'alowooza ati aikiriza, aye n'atafuga lulimi lwe, yeesubagha era n'okwikiriza kwe muzira.

1 Petero 1:14

Ng'abaana abawulize, mutafugibwanga kwegomba kwe mwali nakwo nga mukaali kumanha Kurisito.

Okwolekebwa 12:9

Ogusota ogukologho ogwo, n'ogwo omusota ogw'eira ogwetebwa Omukemi era Sitaani omuguya ow'ensi yoonayoona. Ogusota ogwo gwasuulibwa ku nsi ni bamalaika baagwo.

Okwolekebwa 13:14

Kyaguya abantu ab'oku nsi n'ebyewuunhio bye kyaikirizibwa okukola mu maiso ag'ekisolo ekyasooka. Kyabalagira okukola ekifaananie eky'ekisolo ekyo ekyateebwaku eibwa n'empiima aye ni kimala kirama.

Okwolekebwa 18:2

Yaayogera n'eiroboozi ery'amaani ati: “Agwire, agwire Babiloni omukologho! Afuuse kifo omwesololeza emizimu emibi egya buli nsambo, na kiisi nhonhi mbi etali nongoofu.