Tito 3:2 - Baibuli Ekibono kya Katonda 2014

² Bakubirizenga balobenga kwogeranga ku muntu yeenayeena bubi, waire okusoolanga n'omuntu yeenayeena, aye babenga ba idembe era abazira ikabyo

Tito 3:2 Iomraidhean Croise

2 Samueli 22:36

Iwe Musengwa Katonda, onkuuma era wandokola era olw'okumbeera kwo ndi mukologho.

Zabbuli 140:11

Abo abaghaama banaibwe ka babule ekibajiira obukalamu ku nsi kuno; obuzibu obw'okulalakulala bwidhire abakola eby'obukambwe bubazikirize.

Ensambo 19:19

Omuntu ow'obusungu omuleka yaaguma n'ebizibu ebiva mu busungu bwe, kuba bw'omutoola mu kizibu omukuzi ogusooka, oba oli n'okumutoola ni mu kindi omukuzi ogundi.

Ensambo 25:24

Omuntu amala gasula ghaigulu ku ndhu, atasuze mu ndhu ndala na mukazi asoolasoola.

Ensambo 6:19

okugha obudhulizi obw'obuguya, n'okusiikuulira abantu abali aghalala ebizibu.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Matayo 11:29

Mubbeede ekikoligo kyange, era mundhegereku kuba nze ndi muwombeefu era tyegulumiza agho emyoyo gyaimwe giribatereera

Ebikolwa by'Abatume 23:5

Paulo yairamu ati: “Baganda bange, mbaire timanhie nga n'Omukulu wa Bakabona, kuba kyaghandiikibwa kiti, ‘Toyogeranga bubi ku mukulu wa ighanga lyo.’ ”

1 Ab'e Korintho 6:10

Era ghazira baibi, oba ab'amairu, oba abatamiivu, oba abavumagani, oba abanhazi, abalingira mu Bwakyabazinga bwa Katonda.

1 Ab'e Korintho 9:19

Waire nga tiri mwiru wa muntu yeenayeena, nafuuka omwiru wa boonaboona nsobole okuleetera Kurisito abantu kamaala.

2 Ab'e Korintho 10:1

Ninze Paulo mwene, abandi mu imwe ye bakoba okuba omugonvu nga ndi n'imwe, aye abakambughalira nga tiri n'imwe. Olw'obuguminkiriza n'obwikaikamu bwa Kurisito,

2 Ab'e Korintho 12:20

Ekintiisa, n'okwidha ni mbaagaana nga timuli nga bwe nandyenze mube, oba imwe okumbona nga tiri nga bwe mwandyenze mbe. Ntya okwagaanayo okusoola, ensaalwa, obusungu, okweyendeza buli kintu, okusalaganaku ebibono, olubono, okwekudumbaza, era n'okutabukatabuka.

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Ab'e Galatia 6:1

Aboluganda, omuntu yeenayeena bw'ayagaanibwa ng'akoze ekisobyo kyonakyona, abo abafugibwa Mwoyo mu imwe mugwaine okumugoloza, aye nga timukozesa bukambwe. Aye mwekuumenga mwena mulobe kukemebwa.

Ab'e Galatia 6:10

Agho ni buli lwe tunaafunanga akaghagaanhia, tugwaine tukolerenga abantu boonaboona ebirungi n'okusingira irala abo be tuli nabo mu kika ekirala mu kwikiriza.

Ab'Efeso 4:2

Mube bawombeefu, abatali ba ikabyo era abaguminkiriza. Mulage okugonzania kwaimwe, nga buli muntu aguminkiriza mwine.

Ab'Efeso 4:31

Mulekeyo enge, ekiruyi, obusungu, okwereega, okuvumagana n'okukyaghagana kwonakwona.

Ab'e Filippi 4:5

Mutabanga baghaaghaavu ya muntu yeenayeena. Musengwa ali kumpi.

1 Ab'e Thessalonika 2:7

Aye twegendereza nga tuli mu imwe, twaba ng'oti n'omulezi ow'abaana nga alera abaana be.

1 Timotheo 3:11

N'abakazi boona batyo bateekwa okuba abantu abakalamu, abatasalagania bibono, abasobola okwefuga, era abeesigwa mu buli kintu.

1 Timotheo 3:3

Ateekwa okuba nga ti mutamiivu, ti mukambwe, aye nga muwombeefu atakanamuka, era azira mairu ga kufuna.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.

Yakobo 4:11

Aboluganda, mutoogeranga bubi ku banaimwe. Ole ayogera ku woluganda obubi oba amusalira musango, aba ayogeire bubi ku Mateeka era aba agasaliire omusango. Ate nga bw'osalira Amateeka omusango oba tokaali mugemi wa Mateeka, aye oba ofuuse agasalira omusango.

1 Petero 2:1

Kale ni mwetoolemu emize gyonagyona emibi, obuguya, okwewoomya ku ngulu, ensaalwa n'okuvuma.

1 Petero 3:10

Kuba ebyaghandiikibwa bikoba biti: “Kiisi ayenda okufuna obulamu, n'okuba obukalamu, akuume olulimi lwe lulobe kwogera bibi, n'omunwa gwe gulobe kwogera bya buguya.

1 Petero 3:8

Ekisembayo mwisanienga mwenamwena era nga mulumirwagana. Mugonzenga aboluganda era mubenga ba kisa era abawombeefu.

1 Petero 4:4

Buti babeewuunhia bwe batababona nga mubeeyimbaku mu bulamu bwene obwo obw'obukozi obw'ebibi, era imwe kyebava ni babavuma.

2 Petero 2:10

Era Katonda abonereza okusingira irala abo abajiira ku mairu amabi ag'omubiri, ni banhooma obufuzi. Abeegeresa abo abaguya bakanu, era beidhi bonka tibatya na kuvuma ba kitiisa.

Yuda 1:10

Aye abantu bano bavuma kiisi kye bataidhi, ate ebyo bye baidhi babiidhi bwa mu butonde okufaananaku ensolo edh'omu nsiko. Era byene ebyo n'ebibazikiriza.

Yuda 1:8

Abantu bano boona bwe bali. Bajiira ku kubonekerwa okw'obuguya, baaghaayo emibiri gyaibwe okugikozesa ebibi, baanhooma obuyinza bwa Katonda era baavuma eby'ekitiisa ebiri mu igulu.