Tito 2:2 - Baibuli Ekibono kya Katonda 2014

² Kubirizanga abasaadha abakulu beefugenga, babenga bantu bakalamu. Batenga amagezi mu bye bakola, babenga baidhuvu mu kwikiriza, mu kugonza ni mu kuguminkiriza.

Tito 2:2 Iomraidhean Croise

Yobu 12:12

Amagezi gaba na bakaire, n'okutegeera kwajiira ku nnaku edh'obulamu bw'omuntu.”

Zabbuli 92:14

Waire bakaire aye bakaabala ebibala, era bakaali bagimu ababoneka obukalamu.

Ensambo 16:31

Envu edh'obukaire dhiri ng'oti n'engule ey'ekitiisa, dhifunibwa abo abeebisiisa mu bulamu obutuufu.

Isaia 65:20

Abaana baliba tibakaafa nga bato, era abantu boonaboona balighangaalanga emyaka gyaibwe emiidhuvu. Abo abalighangaalanga emyaka ekikumi, balibalirwanga mu bato. Era ole okufa nga tagigheziiza, kalibanga kamanhiso ka kukolimirwa.

Abalevi 19:32

“Mutenga ekinhagansi mu bantu abakairiighe, era mubaisengamu ekitiisa. Era muntyenga nze Musengwa Katonda waimwe.

Mariko 5:15

Era baatuuka aghaali Yesu baalingirira omuntu eyaliku eigye eiramba ery'emizimu, ng'atyaime, avaire, era ng'ategeera bukalamu, baatya!

Luka 8:35

Abantu baaja okubona ebibairegho, era bwe baatuuka aghali Yesu, baayagaana omusaadha eyavaaku emizimu ng'atyaime agho gha bigere bya Yesu ng'avaire era ng'ategeera bukalamu, baatya.

Ebikolwa by'Abatume 24:25

Aye Paulo bwe yayogera ku butuukirivu, ni ku muntu okufuga omubiri gwe, era ni ku lunaku olw'okusaliraku omusango, Felikisi yaatya, yaakoba ati: “Mperaano ja ndidha kufunayo ekiseera nkwetese.”

Ab'e Roma 12:3

Olw'ekisa Katonda kye yampa, nkoba kiisi mulala ku imwe obuteetwala nga wa kitalo. Aye yeebisenga bukalamu ng'ajiira ku kigero eky'okwikiriza Katonda kye yamugha.

1 Ab'e Korintho 15:34

Mweireku mulekere agho okukola ebibi, kuba abandi ku imwe timwidhi Katonda. Kino nkyogeire mbagemye ensoni.

1 Ab'e Korintho 9:25

Buli muzaanhi azaanha emizaanho egy'entaka, yeegendereza inho asobole okufuna ekirabo eky'ekiseera obuseera, aye ife twegendereza inho tufune ekirabo ekitawaagho.

2 Ab'e Korintho 5:13

Oba tuli ng'oti balalu, tuli tutyo ku bwa Katonda, aye oba ti tuli balalu, ti tuli tutyo ku lwaimwe.

Ab'e Galatia 5:23

buwombeefu, na kwefuga. Ebyo biziraku iteeka libitakania.

Ab'e Filippi 4:8

Ekisembayo, aboluganda, ebidhuubo byaimwe mubite ku bintu ebikalamu era ebigwaine okusaakibwa bino: ebituufu, ebigwaine okugheebwa ekitiisa, ebigwaine okukolebwa, ebitukuvu, ebigonzebwa era ebyegombebwa.

1 Ab'e Thessalonika 5:6

Agho ni tulobe kutenduka ng'oti n'abandi bwe bakola, aye tube agho tumoge era nga titutamiire.

1 Ab'e Thessalonika 5:8

Aye nga ife bwe tuli ab'omusana tulobe kutamiira, aye tube n'okwikiriza n'okugonza ng'ekivaalo eky'omu kifuba eky'ekyuma. Tube n'eisuubi ery'okulokoka ng'enkuufiira ey'ekyuma ku mutwe.

1 Timotheo 1:10

Gaateebwagho lwa benzi, lwa badankaanu, abawuuyi, abaguya era abalayira ebiziramu, n'abo boonaboona abakola ebitajiira ku ndhegeresa ntuufu.

1 Timotheo 1:14

Musengwa waife yansaasira inho, yampa okwikiriza n'okugonza, bye tufunira mu Kurisito Yesu.

1 Timotheo 1:2

Mpandiikira Timotheo, omwana wange mwenemwene mu kwikiriza. Katonda Lata, ni Kurisito Yesu Musengwa waife akughe enkabi n'emiraala, era akusaasire.

1 Timotheo 1:5

Mu kiragiro kino tugendereramu okuleetagho okugonza okusimuka mu mwoyo omunaabuufu ogutansalira musango, n'okwikiriza okuziramu buguya.

1 Timotheo 3:11

N'abakazi boona batyo bateekwa okuba abantu abakalamu, abatasalagania bibono, abasobola okwefuga, era abeesigwa mu buli kintu.

1 Timotheo 3:2

Omulabirizi tateekwa kubaaku ni kye bamwogeraku. Ateekwa okuba n'omukazi mulala, ateekwa okuba nga yeefuga, ataamu amagezi mu by'akola, yeebisa bukalamu, asangaalira abageni, ate aidhi okwegeresa.

1 Timotheo 3:4

Ateekwa okuba ng'aghanga bukalamu amaka ge, ng'akuuma abaana be nga bawulize era nga ba mpisa.

1 Timotheo 3:8

Abagheereza mu Kikunsu eky'Abaikiriza mu Kurisito boona bateekwa okuba abantu abakalamu, ti baguya, ti batamiivu, era abatagwidhubanira bya kufuna.

1 Timotheo 5:1

Otadhuukanga musaadha mukaire, aye mulambenga nga lata wo, ate abaisuka batwalenga nga baganda bo.

Tito 1:13

Olw'ensonga eyo oteekwa okubadhuukira irala memale babe n'okwikiriza okutuufu,

Tito 1:8

Aye ateekwa okuba ng'asangaalira abageni, agonza okukola ebikalamu, aghanga okwefuga, akola ekituufu, omutukuvu era aghanga okwekugira.

Tito 2:7

Era iwe mwene oteekwa okuba eky'okuboneraku ekirungi mu by'okola byonabyona, ng'oli wa mazima era omumalirivu mu kwegeresa kwo.

Filemoni 1:9

Aye olw'okuba tugonzania, nkweghemba bweghembe, waire nga ninze Paulo omukwenda wa Kurisito Yesu, era omusibe ku lwa Kurisito oyo.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.

1 Petero 4:7

Enkomerero ey'ebintu byonabyona eri kumpi. Agho ni mubenga beetegefu era musabenga.

1 Petero 5:8

Mwefugenga era mubenga beetegefu kuba Sitaani omuzigu waimwe aja nga atambulatambula ng'oti mpologoma eja ng'ewologoma, ng'eyagala y'enaakaavuula.

2 Petero 1:6

ku kumanha mwongereku okwefuga, ku kwefuga mwongereku okuguminkiriza ku kuguminkiriza mwongereku okutya Katonda