Ruthi 4:2 - Baibuli Ekibono kya Katonda 2014

² Boazi yaabonayo abataka abakulu mu kibuga ikumi, yaabasaba boona batyame agho. Era baatyama agho.

Ruthi 4:2 Iomraidhean Croise

1 Bakyabazinga 21:8

Agho Yezebeli yaaghandiika embaluwa mu liina lya Ahabu, yaadhisibaku akamanhiso ka Ahabu oyo, yaadhigheereza abakulembeze n'abakungu ab'omu kibuga Nabothi mw'aba.

Okuvaayo 21:8

Bw'anaabanga nga tasanhusa musengwa we eyamwegulira ng'omukazi, musengwa we oyo anaamwizangayo ye yamugula baamununula bye yamugula era musengwa we oyo taamuguzenga ba ndha, kuba yamukola bubi okumwekyusaaku.

Ensambo 31:23

Iba aba mumanhifu mu kifo eky'olwekobaano ku mulyango ogwingira mu kibuga, ng'atyaime n'abakulembeze ab'omu kiketezo kye.

Okulira 5:14

Abakaire baalekera okutyama mu kifo eky'olwekobaano ku mulyango ogwingira mu kibuga, n'abaisuka baalekera agho okukuba enhembo.

Ebikolwa by'Abatume 6:12

Kale baasasamaza abantu, n'abakulu ab'ebika, n'Abanamateeka, era baamugema baamuleeta mu lwekobaano.

Amateeka Agokubiri 25:7

Aye omusaadha oyo bw'anaabanga nga tayenda kubayiza namwandu wa muganda we, namwandu oyo anaajanga y'abakulembeze mu kifo eky'olwekobaano ku mulyango ogwingira ekibuga, yaabakoba ati, ‘Muganda wa baze ali kuloba okugulika eriina lya muganda we okwidhukirwanga mu Isiraeli. Tali kwenda kunkolera ekyo muganda w'omusaadha ky'ateekwa okukolera namwandu.’

Amateeka Agokubiri 29:10

“Olwaleero mwemereire mu maiso ga Musengwa Katonda waimwe mwenamwena: abakulu ab'ebika, n'abakulembeze, n'abakungu, n'abasaadha,

Amateeka Agokubiri 31:28

Munsololeze abakulu boonaboona ab'ebika byaimwe n'abakulembeze baimwe, nsobole okubakobera ebibono bino nga bawulira, era ndayire eigulu n'ensi bibe abadhulizi bange ababalumiriza.