Omulangirizi 9:2 - Baibuli Ekibono kya Katonda 2014

² kuba enkomerero y'abantu boonaboona eri ndala, ka babe abatuufu oba ababi, abalungi oba aboonooni, abalongoofu oba abatali balongoofu, abaghaayo emisengo oba abataghaayo misengo. Omuntu omulungi n'ole atali mulungi, bombi bafaanana. N'omuntu alayira n'ole atalayira, boona bafaanana.

Omulangirizi 9:2 Iomraidhean Croise

Amainhama 24:3

Nhenda olayire mu liina lya Musengwa Katonda, oyo Katonda ow'eigulu n'ensi, oti tolifunira mwana wange mukazi ava mu bantu ba ghano mu Kanaani, be mbaamu.

Yobu 9:22

Byonabyona n'ekirala era kye nva ni nkoba nti, azikiriza abaziraku musango n'abakozi b'ebibi.

Zabbuli 73:3

kuba bwe nabona ng'ababi ebintu bibajiira bukalamu, naabasaalirirwa olw'okwekuluntaza kwaibwe.

Omulangirizi 2:26

Omuntu asiimya Katonda, Katonda amugha amagezi n'okumanha era n'eisanhu, aye omwonooni Katonda amugha gwa kusoloza nga bw'atereka obukombe, amale abughe oyo asiimya Katonda. Ekyo kyona muzira muganhulo, era kiri ng'oti kubinga mpewo ogigeme.

Omulangirizi 3:19

kuba ekija okutuuka ku beene, n'ekija okutuuka ni ku nsolo. Beene baja kufa, n'ensolo dhoona dhife, empewo ye bagheera dhoona ye dhigheera. Abantu bazira kye basinga nsolo, kuba obulamu bw'omuntu n'obw'ensolo buziramu muganhulo.

Omulangirizi 6:6

atafunie isanhu mu bulamu bwe waire ng'aba aghangaire emyaka enkumi eibiri (2,000), kuba era bombi baja mu kifo kirala ekyo.

Omulangirizi 7:18

Kirungi weefugenga, olobenga kubitiriza mu ebyo byombi, kuba oyo atya Katonda aja kuwona ebyo byonabyona.

Omulangirizi 7:2

Okuja mu ndhu omuli okulira omufu, kusinga okuja omuli embaga; kuba okufa n'enkomerero ya buli muntu, era abalamu bagwaine okukirowoozangaku.

Omulangirizi 9:11

Kabiri neetegereza eby'oku nsi, naabona nti omuntu omulumusi einho ti n'aghangula embiro edh'okusinganwa, ow'amaani ti n'aghangula olutalo, omugezi ti n'afuna eky'okulya, omutegeevu ti n'aba omukombe, n'omukugu ti n'afuna emirimo egya ghaigulu. Boonaboona bibagwaku bugwe

Omulangirizi 9:3

Ekibi ekiri mu byonabyona ebikolebwa ku nsi, kiri nti enkomerero yaabyo byonabyona eri ndala. Mu myoyo gy'abantu abalamu mwidhwire bibi na iralu, era ekisembayo kuba kufa bufe.

Yeremia 43:6

Mu abo mwalimu abasaadha, n'abakazi, n'abaana, ni baghala ba kyabazinga, n'abantu abandi boonaboona Nebuzaradani omukulu w'abaisirukale Abababilonia, be yali agemiisa Gedalia okubalabirira. Era mu abo baatwaliramu ni Baruku, ninze.

Malaki 3:15

Mu kubona okwaife, abo abeetwala okuba aba ghaigulu n'abafuna enkabi. Era abakozi b'ebibi tibakoma ku bintu kubajiira bukalamu kyonka, aye ni bwe baleba Katonda ghazira kibakolebwaku naire.’ ”

Malaki 3:18

Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

1 Samueli 14:26

Baabona ng'omudheenene guli kutoonha, aye ghaabulagho akana okugukombaku, kuba baatya ekikolimo.