Omulangirizi 9:1 - Baibuli Ekibono kya Katonda 2014

¹ Ebyo byonabyona nabirowoozaaku inho era naabyekebeedha, naabona nga Katonda n'afuga abatuufu n'abagezi, n'ebyo bye bakola. Aye tibasobola kumanha oba nga Katonda oyo abagonza oba abakyagha. Ebintu byonabyona ebija okubatuukaku ye bwidha biziramu muganhulo

Omulangirizi 9:1 Iomraidhean Croise

Yobu 12:10

Buli kintu ekiramu kiri mu mikono gye; obulamu bw'abantu bwona n'abufuga.

Yobu 27:12

Aye bona, imwe beene mwena mubyeboneireku n'agaimwe. Kale ku lwaki mweyogeza ebiziramu makulu?

Yobu 5:8

“Ngoli mbaire nga ninze, nandyebuuziiza ku Katonda, era Katonda oyo ye nandyandhuliire ensonga dhange.

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 119:109

Waire nga obulamu bwange buli mu kabi ka kufa buli kiseera, tija kwerabira mateeka go.

Zabbuli 31:5

Ntaire obulamu bwange mu ngalo dho, kuba onnunwire, niiwe Musengwa Katonda omwesigwa.

Zabbuli 73:3

kuba bwe nabona ng'ababi ebintu bibajiira bukalamu, naabasaalirirwa olw'okwekuluntaza kwaibwe.

Ensambo 16:3

By'okolanga byonabyona bigemye Musengwa Katonda, olwo entegeka dho dhiidha kutuukiriranga.

Omulangirizi 1:17

Neeghaayo inho nsobole okumanha okwawulagho amagezi n'eiralu, n'obusiru. Aye naabona nga kyona kiri ng'oti kubinga mpewo kugigema.

Omulangirizi 10:14

Omusiru afukumula ebibono ebitawa. Ghazira muntu aidhi biri kwidha, era ghazira asobola kukobera muntu biribaagho ng'omuntu oyo aviiregho.

Omulangirizi 7:15

Mu bulamu bwange buno obuziramu muganhulo, mboine ebintu kamaala: Mbona abantu abakola ebituufu nga bafa mangu, waire nga bantu balungi ate naabona abakozi b'ebibi nga baaghangaala, waire nga boonooni.

Omulangirizi 7:25

Agho neemalira ku kunoonereza, nsobole okufuna n'okumanha amagezi, era ntegeere ebintu byonabyona nga bwe biri. Olwo mmanhe ng'omuntu okuba omubi kiba kya busiru, era ng'obusiru buli ng'oti iralu lyene.

Omulangirizi 8:14

Ghaligho ekintu ekiziramu muganhulo ekibaagho ku nsi: abantu abatuufu okufuna ekibonerezo ekyandibaire eky'aboonooni, ate aboonooni ni bafuna empeera eyandibaire ey'abatuufu. Ekyo kyona kiziramu muganhulo.

Omulangirizi 8:16

Bwe nafuba einho okufuna amagezi, n'okumanha emirimo egikolebwa ku nsi, ni mbona n'engeri abantu ye batatenduka ku ndoolo omusana n'obwire,

Omulangirizi 8:7

Omuntu tamanha kija kubaagho, era ghazira asobola kumukobera bwe kija kuba.

Omulangirizi 9:6

Baba tibakaali na kugonza, oba okukyagha, waire okwegomba byonabyona biba byawaagho ira, era nga tibakaasobola kukola kintu kyonakyona ekikolebwa ku nsi.

Isaia 26:12

Wo Musengwa Katonda, iwe oidha kutugha tubenga mu miraala, kuba ni bye tukola byonabyona niiwe obireetera okutujiira obukalamu.

Yeremia 43:6

Mu abo mwalimu abasaadha, n'abakazi, n'abaana, ni baghala ba kyabazinga, n'abantu abandi boonaboona Nebuzaradani omukulu w'abaisirukale Abababilonia, be yali agemiisa Gedalia okubalabirira. Era mu abo baatwaliramu ni Baruku, ninze.

Amateeka Agokubiri 33:3

Bwenebwene agonza abantu be, era yaakuuma abo be yalondamu. Batyama gha bigere bye okuwulira ebibono bye.

2 Timotheo 1:12

era kyenva ni ndaagadaaga nti. Aye ekyo tikingemya nsoni kuba ndidhi bukalamu oyo ye naikiriza, era nkakasa nti asobola bukalamu okukuuma ekyo kye yanteresa okutuusa ku lunaku lule.

1 Petero 1:5

Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.

1 Samueli 2:9

Aidha kukuumanga ebigere by'abo abeesigwa y'ali, aye ababi aidha kubaleeteranga okufiira mu nzikiiza; kuba omuntu taghangula lwa maani g'ali nago.