Omulangirizi 8:8 - Baibuli Ekibono kya Katonda 2014

⁸ Ghazira muntu ali na buyinza bwa kulobera ku bulamu bwe, oba okusalagho olunaku lw'alifiiraku. Ng'olutalo bwe lutaganha ole alulimu okuluvaamu, n'ekibi kityo bwe kitalekula ole akikoze.

Omulangirizi 8:8 Iomraidhean Croise

2 Samueli 14:14

Twenatwena tuja kufa, era tuli ng'oti maadhi agayuyiike ku itaka omuntu g'atasobola kuyoolagho kabiri. Aye Katonda taja kutwala bulamu bwa muntu ali kusala amagezi ag'okwiza oyo ye baabinga ali kudaagiradaagira eyo.

2 Bakyabazinga 7:15

Abakwenda baaja baatuukira irala ku Yorudani, era baabona nga mu ngira mwonamwona mwidhwire ebivaalo n'ebintu ebindi Abasiria bye baasuula nga bali kulumuka. Agho bairayo baakobera kyabazinga.

Yobu 14:5

Buli muntu wamusaliragho enaku dh'alighangaala, waamugerera n'emyezi era waamupimira ekiseera kye, ky'ataghanga kuswisaagho.

Yobu 34:14

Ngoli yasalagho okweiriza omwoyo gwe n'omuuka gwe, ebigha obulamu,

Zabbuli 89:48

Muntu ki asobola okuba omulamu n'atafa? Naani aghanga okwekuuma n'ataja mu magombe?

Zabbuli 9:17

Abakozi b'ebibi, n'abo boonaboona abava ku Katonda, ba kuja magombe.

Ensambo 12:3

Okukola ebibi tikuganha muntu kuba na miraala, aye omutuufu aba mugumu buli gh'aba.

Ensambo 14:32

Ababi beereetera beene okugwa olw'ebikolwa byaibwe ebibi, aye abatuufu, obwesigwa bwaibwe n'obubakuuma.

Omulangirizi 3:21

Naani aidhi oba ng'omwoyo gw'omuntu guja ghaigulu ate ogw'ensolo gwaja ghansi mu itaka?

Omulangirizi 8:13

Aye aboonooni tibaidha kubanga bukalamu, era obulamu bwaibwe bwidha kubanga bumpi ng'oti n'ekinsense bwe kitalwagho, kuba tibatya Katonda.

Omulangirizi 9:12

kuba ghazira muntu aidhi kiseera kye. Ng'ebyenhandha bwe babigemya mu katimba k'omuvubi, n'enhonhi ni badhigemya ku mutego gw'omuyiizi, n'abantu boona batyo bwe bagwa ku bizibu, byabazinduukiriza ng'oti mutego.

Isaia 28:15

Musengwa Katonda akoba ati: “Mwesuuta mbu mwakola endagaano n'okufa, era mbu mwataagho entegeeragana ghagati ghaimwe n'amagombe. Era mukoba muti akabi namuzisa bwe kaliidha, imwe tikalibatuukaku, kuba obulimba n'obuguya bye mufiire obulumukiro bwaimwe obubawonia.”

Isaia 28:18

Olwo endagaano yaimwe ye mwakola n'okufa naagimenhagho, n'entegeeragana ye mwataagho ghagati ghaimwe n'amagombe naagisazaamu. Era akabi namuzisa bwe kaliidha, kalibaleka nga kabatenteinetenteine.

Isaia 47:10

Waja weesigulira ku kukola ebibi, waalowooza oti ghazira akubona. Amagezi go n'okumanha kwo byakuleetera okudaaliima, waakoba mule oti, ‘Ninze aligho, ezirayo wundi okutoolaku nze.’

1 Ab'e Korintho 15:43

Mu kuziikibwa guba gunhoomebwa, aye mu kuzuukizibwa guliba gwa kitiisa. Mu kuziikibwa guba munafu, aye mu kuzuukizibwa guliba gwa maani.

2 Ab'e Korintho 13:4

Kuba waire yakomererwa ku musalaba mu bunafu, aye mulamu olw'amaani ga Katonda. Twena nga tuli mu Kurisito tuli banafu, aye nga tukolagana n'imwe, twidha kuba naye mu maani ga Katonda.

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,