Omulangirizi 8:5 - Baibuli Ekibono kya Katonda 2014

⁵ Oyo agondera ekiragiro kya kyabazinga tafuna buzibu, era omugezi amanha ekiseera n'ensambo ey'okutuukirizaamu ekiragiro ekyo

Omulangirizi 8:5 Iomraidhean Croise

1 Ebyomubyanda 12:32

Ab'omu kika kya Issakari baali abakulembeze ebikumi bibiri (200) nga bali ghalala ni baganda baibwe abagondera ebiragiro byaibwe boonaboona. Abakulembeze abo baali bantu abaategeera ng'ebiseera ebyo bwe byali, ni bamanha Isiraeli ky'egwaniire okukola.

Zabbuli 119:6

Olwo tyandiswaziibwa, kuba omwoyo gwange gwonagwona gwandibaire ku biragiro byo byonka.

Okuvaayo 1:17

Aye abazaalisa abo baatya Katonda, baaloba kukola ekyo kyabazinga ow'e Misiri kye yabalagira baalekanga abaana abalenzi boona nga tibabaise.

Ensambo 12:21

Akabi tikagwira mutuufu, aye ababi baba mu bizibu buli kiseera.

Ensambo 17:24

Omuntu omutegeevu ategeka kukola bya magezi, aye omusiru akolakola eyo atyo.

Omulangirizi 10:2

Omugezi buli kiseera akola bituufu, aye omusiru buli kiseera akola bibi.

Omulangirizi 12:13

Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

Omulangirizi 2:14

Omuntu omugezi atambula ng'abona y'aja, aye omusiru atambula ng'oti ali mu nzikiiza. Aye ate nazuula nti ekija okutuuka ku musiru, n'ekija okutuuka ni ku mugezi.

Omulangirizi 8:2

Ogonderanga ekiragiro kya kyabazinga olw'ekirayiro kye walayira.

Hosea 5:11

Isiraeli bamutuntuza era baamusaliriza omusango gwamusinga, olw'okuba yaikiriza okukolera ku biragiro eby'abo abatandigwaniire kumulagira naire.

Luka 20:25

Yesu yaabakoba ati: “Niini mughe Kaisari ebya Kaisari, ni Katonda mumughe ebya Katonda.”

Ebikolwa by'Abatume 4:19

Aye Petero ni Yoanne bairamu baakoba bati: “Imwe beene musalegho: Oba nga kituufu mu maiso ga Katonda ife okuwulira imwe ni tutawulira Katonda.

Ebikolwa by'Abatume 5:29

Petero n'Abatume bairamu bati: “Tuli na kuwulira Katonda, ti bantu.

Ab'e Kolosai 1:9

Olw'ekyo, kyetuva ni tubasabira buliidho okuva lwe twawulira ebibafaaku, nga tusaba Katonda abaghe mu bwidhuvu okumanha by'ayenda era abaghe amagezi n'okutegeera byonabyona Mwoyo we by'agaba.

Abaheburayi 5:14

Aye emere yeene n'ey'abantu abakulu abamaze okwega olw'ebyo bye babitamu, era ni basobola okwawulagho ekirungi n'ekibi.