Omulangirizi 7:4 - Baibuli Ekibono kya Katonda 2014

⁴ Omuntu omugezi olowooza inho ku nnaku ey'okufa; aye omusiru buli kiseera aba bwa mu binhumo.

Omulangirizi 7:4 Iomraidhean Croise

2 Samueli 13:28

Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

1 Bakyabazinga 20:16

Baalumba mu kasana ghagati, nga Benihadadi ni bakyabazinga amakumi asatu n'ababiri abaidha okumuyambaku mu lutalo, nga bali mu ntindi bali bwa kunhwa kutamiira!

Omulangirizi 2:1

Naakoba mule nti: “Kale ni ka ngezeeku ebinhumo, neesanhuse.” Aye naabona nga kyona kiziramu muganhulo.

Omulangirizi 7:3

Okubona enaku kusinga okusanhuka, kuba waire enaku yeenhiinkaaza omuntu mu maiso, aye etereeza omwoyo gwe.

Omulangirizi 7:5

Omala gawulirisa omuntu omugezi ng'akunenia, otawuliriisa nhembo dha basiru.

Isaia 21:4

Akazunguluze kangemye era ndi kudhugumira olw'okutya. Enzikiiza ey'eigulo ye mbaire neegomba etuuke, eri ku ntiisa butiise.

Yeremia 51:39

Nga bwe bali n'amairu, ndibategekera embaga, naabatamiiza baasangaala. Memale baaja baatenduka endoolo, aye baaloba kwiramu kuzuuka.

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Danieli 5:30

Obwire bwene obwo Beleshazzari oyo, kyabazinga Omubabilonia, yaitibwa.

Hosea 7:5

Ku lunaku kyabazinga lw'akoleraku embaga, abantu abo abanhoomi basirughaza kyabazinga n'abakungu be nga babatamiiza omwenge. Era ni beene boona gwabagema.

Nahumu 1:10

Waire muli ng'oti n'amawa amakaadaanie, era mwaba ng'oti n'abanhwi b'omwenge abatamiire, muja kusaanagho ng'eisubi eikalu bwe limamuka n'omuliro.

1 Samueli 25:36

Abigaili yairayo ye Nabali, yaamwagaana ng'afumbye embaga ey'amaani mu ndhu ye embaga eyo ng'eri ng'oti ya kyabazinga. Yali atamiire inho era nga musangaavu inho. Kale Abigaili yaaloba kumukobera kintu kyonakyona okutuusa bwe bwakya enkyo.

1 Samueli 30:16

Omwisuka Omumisiri oyo yaatwala Daudi eri abanhazi abo. Baabaagaana nga basansaaniire agho woonawoona, nga bali kulya, bali kunhwa, era nga bali kukina. Baali mu kusagamba olw'omunhago omungi gwe baatoola mu nsi Bufilisiti ni Buyudaaya.