Omulangirizi 7:1 - Baibuli Ekibono kya Katonda 2014

¹ Okuba n'eriina eirungi kuba kwa mughendo okusinga eby'akawoowo eby'omughendo; n'olunaku omuntu lw'afiiraku luba lulungi okusinga lw'azaalibwaku.

Omulangirizi 7:1 Iomraidhean Croise

Yobu 3:17

Eyo mu magombe, ababi balekera agho okutigomya abantu, era eyo, abaweekereiremu amaani ye bawuumulira.

Zabbuli 133:2

Kiri ng'oti n'omuzigo ogw'omughendo gwe baasiiga ku mutwe gwa Aaroni Omukulu wa Bakabona, ogwakuuluula okutuuka ku kirevu kye, era ni gutuukira irala ni ku kitogi ky'ekanzu ye.

Ensambo 15:30

Omuntu amoga n'eisanhu asanhusa, era amawulire amalungi gaizaamu amaani.

Ensambo 22:1

Okuba n'empisa enkalamu mu bantu kuwula okuba n'eby'obukombe kamaala, era okuba omugonzi kuwula okuba ni zaabu oba feeza.

Ensambo 25:10

Ole bw'aliwulira ekyama ekyo aja kukwanika mu bantu, era osigale ng'okaaswala.

Ensambo 27:9

Ebizigo n'obuwoowo obwesiigibwa bisangaaza omuntu, aye ebizibu bimuleetera okweinhamira.

Omulangirizi 10:1

Ng'ensowera enfu edhigwire mu by'obuwoowo bwe dhibireetera okuwunha ekivundu; n'ekikolwa eky'obusiru kityo bwe kimalagho amagezi n'ekitiibwa, ekikolwa ekyo ni bwekiba ekitono einho.

Omulangirizi 4:2

Ekyo kyandeetera okulowooza nti abaafa eira beesiimye okusinga abo abakaali abalamu.

Omulangirizi 7:8

Omuntu ali kumaliriza ekintu asinga ole ali kutoolera obutoolere, n'omuntu omuguminkiriza yaasinga ole eyeekuluntaza.

Olwembo 1:3

Ebizigo bye weesiize biwunha kawoowo; eriina lyo irungi ng'oti n'ebizigo eby'akawoowo. Abaghala abaguna kyebava bakwegomba einho.

Olwembo 4:10

Mwanhinaze iwe omugole wange, engeri y'ongonzaamu ensanhusa inho. Engeri y'ongonzaamu ensanhusa inho okusinga okunhwa omwenge ogw'emizabbibu. Obuwoowo bwo buwunha bulungi okusinga obuwoowo obundi bwonabwona.

Isaia 56:5

ndireetera eriina lye okwidhukirwanga buliidho mu isinzizo lyange ni mu bantu bange aghazira kwerabirwa naire, okusinga bwe yandibaire azaire abaana abalenzi n'abaghala.”

Yona 4:3

Wo Musengwa Katonda, nkusaba otwale obulamu bwange, kuba mboine ng'okufa kusinga okuba omulamu.”

Luka 10:20

Aye mutasangaala olw'okuba emizimu gibawulira, musangaale olw'okuba amaina gaimwe gaaghandiikibwa mu igulu.”

Yoanne 13:2

Yesu n'Abeegeresebwa be baali balya ekyeigulo, era Sitaani yali amaze okuta mu mwoyo gwa Yuda Isikarioti mutabane wa Simoni ekidhuubo eky'okulya mu Yesu olukwe.

2 Ab'e Korintho 5:1

Kuba twidhi ng'entindi yaife eno ey'oku nsi ye tulimu, omubiri guno gwe tulimu, bw'erisansulwa, Katonda alitugha endhu mu igulu etawaagho etaazimbwa bantu.

2 Ab'e Korintho 5:8

Tuli bagumu era kasinga tulekayo okuba mu mubiri guno aye twaba ni Musengwa.

Abaheburayi 11:2

Okwikiriza n'okwaleetera abantu ab'eira okusiimibwa Katonda.

Abaheburayi 11:39

Abo boonaboona waire Katonda yabasiima olw'okwikiriza kwaibwe, aye tibaafuna ebyo bye yasuubiza.

Okwolekebwa 14:13

Naawulira amamiro agava mu igulu nga gakoba gati: Ghandiika oti: “Okuva ni buti ba nkabi abafu abafiira mu Musengwa! Mwoyo akoba ati: Bwenebwene ba nkabi! Okuva ni buti bawuumwire mu kutakabana kwaibwe, kuba ebikolwa byaibwe bibanonereza.”

Ruthi 3:14

Kale yaalambaala agho gha bigere bya Boazi, aye yasitukagho mangu nga bukaali kukyera irala, muntu kughanga kwetegereza mwine kuba Boazi tiyayenda bamanhe nga Ruthi yajaaku ghe bakubira sayiri.