Omulangirizi 6:2 - Baibuli Ekibono kya Katonda 2014

² Katonda aja yaagha omuntu okuba omukombe, yaaba n'ebintu kamaala, era yaaba n'ekitiibwa, nga ghazira kintu ky'atali nakyo. Aye ate Katonda oyo yaaloba okumuganha okweyagalira mu bintu ebyo, kabiri omuntu atamanhiibwa naire yaabyeyagaliramu. Ekyo kiziramu muganhulo, era kiruma inho.

Omulangirizi 6:2 Iomraidhean Croise

1 Bakyabazinga 3:13

Era nkughaire n'ebindi by'otasabye: obukombe n'ekitiibwa mu bulamu bwo bwonabwona, ghabule kyabazinga owundi yeenayeena ayagayaga n'iwe.

1 Ebyomubyanda 29:25

Musengwa Katonda yaaleetera Isiraeli yoonayoona okugha Solomoni ekitiibwa eky'obwakyabazinga, ekitabangaghooku ku kyabazinga wundi yeenayeena eyaali afuzeeku mu Isiraeli.

1 Ebyomubyanda 29:28

Yaafa ng'aghangaire inho, nga mukaire mwenemwene, nga mukombe, era nga wa kitiibwa. Mutabane we Solomoni yaamusikira ku bwakyabazinga.

2 Ebyomubyanda 1:11

Agho Katonda yaakoba Solomoni ati: “Nga bw'olowooziiza ku ekyo, n'oteesabira kufuna bukombe, oba ebintu, oba ekitiibwa, oba okuzikiriza abazigu bo, oba okughangaala, aye ni weesabira amagezi n'okumanha, osobole okufuganga abantu bange be nakugemya obe kyabazinga waibwe,

Zabbuli 17:14

Wo Musengwa Katonda, kozesa omukono gwo omponie abantu abazira mugabo ghandi, okutoolaku mu bulamu obw'oku nsi. Baiguse okudaagadaaga kwe wabaterekera, ghasigale naghooku okundi okumala okwigusa n'abaana baibwe n'okubasina, ate balekereghooku n'abaidhukulu.

Zabbuli 39:6

Buli muntu ali ng'oti kinsense! Atawuka, yaazunga, aye nga byonabyona bya bwereere. Omuntu atakabana okufuna eby'obukombe, aye nga taidhi aja kubitwala.

Zabbuli 73:7

Bageedhie n'amaiso gaabafunduka, emyoyo gyaibwe gyaidhula okwenda okukola ebibi.

Omulangirizi 4:4

Agho naabona ng'ekireetera abantu okukola einho ni bakuguka mu mirimo, kuba kwegomba kufuna ebirungi banaibwe bye baba nabyo. Ekyo kyona muzira muganhulo, era kiri ng'oti kubinga mpewo ogigeme.

Omulangirizi 4:8

Ghabaagho omuntu aziraku mwana oba muganda we, aye nga buli kiseera ayenda kweyongera kufuna bya bukombe. Nga tiyeebuuzaaku ati: “Ndi kufaabiikanira ani, ni ndoba okwesanhusa?” Ekyo kyona kiziramu muganhulo, era kireeta n'enaku.

Omulangirizi 5:13

Ghaligho ekintu kye nabona mu nsi nga kya nnaku inho: eky'omuntu okutereka eby'obukombe nga yeerumya,

Omulangirizi 5:16

Ekyo kyona kya nnaku inho, omuntu okuja ng'azira k'ali nako nga bwe yaidha. Olwo magoba ki g'aba afunie mu kufaabiikana kwe ng'oti n'abinga empewo okugigema?

Omulangirizi 5:18

Bona eno, nze ekirungi kye nabona omuntu ky'agwaine okukola, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe ku nsi, mu nnaku entono edho Katonda dhaamugha okuba omulamu. Ogwo n'omugabo gwe.

Omulangirizi 5:19

Katonda n'agha omuntu obukombe obw'okuba n'ebintu, era yaamugha n'okweyagalira mu bintu ebyo, ng'omugabo gwe Katonda oyo gwe yamutegekera oguva mu kufaabiikana kwe. Ekyo kiba kirabo ekiva eri Katonda.

Isaia 55:2

Lwaki mumalira empiiya dhaimwe ku ebyo ebitali mere? Lwaki mufaabiikanira ebyo ebitabaigusa? Mumpulirise bukalamu kye nkoba, olwo musobole okulyanga ebyo ebisinga kuba birungi, era mubenga basangaavu.

Okulira 5:2

Ebintu ebyaife bye twagheebwa, kabiri byamala byagheebwa bantu bandi be tutaidhi; abantu abamaghanga agandi buti n'abali mu ndhu dhaife.

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Hosea 7:9

aye tibaidhi ng'okwetabula n'abamaghanga agandi kubaleetera okuwaamu amaani, n'eighanga lyaibwe lyatuuka ku kuzikirira.

Amateeka Agokubiri 28:33

Ab'eighanga erindi balinhaga emere ye mwafaabiikana okulima ku itaka lyaimwe era ni bye mwadaagirira ebindi byonabyona, aye nga imwe babatuntuza butuntuze na kubabisa bubi.

Amateeka Agokubiri 28:43

“Abasenze ababa mu nsi yaimwe baidha kweyongeranga okukulankulana okusinga imwe, aye nga imwe mweyongera bwa kuba bubi.

Abalamuzi 18:10

Bwe munaatuukayo, mwidha kwagaana abantu abatasuubira muntu yeenayeena kubalumba naire. Ensi eyo ngazi, era erimu buli kintu omuntu kye yeetaaga. Bwenebwene, Katonda agibaghaire mugighangule.”