Omulangirizi 4:8 - Baibuli Ekibono kya Katonda 2014

⁸ Ghabaagho omuntu aziraku mwana oba muganda we, aye nga buli kiseera ayenda kweyongera kufuna bya bukombe. Nga tiyeebuuzaaku ati: “Ndi kufaabiikanira ani, ni ndoba okwesanhusa?” Ekyo kyona kiziramu muganhulo, era kireeta n'enaku.

Omulangirizi 4:8 Iomraidhean Croise

Amainhama 2:18

Musengwa Katonda yaakoba ati: “Ti kirungi omuntu okubanga yenka. Ndidha kumukolerayo omubeezi amugwanira.”

Zabbuli 39:6

Buli muntu ali ng'oti kinsense! Atawuka, yaazunga, aye nga byonabyona bya bwereere. Omuntu atakabana okufuna eby'obukombe, aye nga taidhi aja kubitwala.

Zabbuli 39:7

Wo Musengwa Katonda, nze nzira kindi kyonakyona kye neesiga, mu iwe mwe nsuubirira.

Ensambo 27:20

Ng'amagombe bwe gatalekera kumira bafu, n'amaiso g'omuntu goona gatyo bwe gataiguta kubona.

Omulangirizi 1:13

Neeghaayo n'amagezi gange, naanoonereza era naayagaaza byonabyona ebikolebwa ku nsi. Naabona ng'ebyo byonabyona, n'omulimo omukalangufu ogutasanhusa naire, Katonda gwe yagha abaana ab'abantu okwetawulamu.

Omulangirizi 1:8

Ebintu byonabyona bikooya, byaleetera omuntu okwesinwa ebitaloodheka. Amaiso tigalingirira ni gaiguta bye gabona, waire amatu okuwulira ni gaiguta bye gawulira.

Omulangirizi 2:21

kuba omuntu asobola okukola ebintu n'amagezi ge, n'obukugu, era n'obwegendereza, aye by'akoze byonabyona yaabirekera omuntu owundi ataabikolerera. Ekyo kyona muzira muganhulo, era kibi inho.

Omulangirizi 2:23

Ekiseera eky'obulamu bwe akimala mu bulumi na kweraliikirira, n'obwire yaaloba kutenduka, kuwuumuza ku birowoozo. Ekyo kyona muzira muganhulo.

Omulangirizi 4:7

Kabiri naabona ekindi ekiziramu muganhulo mu nsi.

Omulangirizi 5:10

Omuntu ayenda einho empiiya tidhirimumala n'adhiiguta. N'oyo ayenda einho eby'obukombe, ezira magoba galimumala n'agaiguta. Ekyo kyona kiziramu muganhulo.

Omulangirizi 5:9

Aye nga mu kutwalira aghalala, eitaka ligasa boonaboona, ni kyabazinga yeena aganhulwa mu bikungulwa mu nimiro.

Isaia 5:8

Mukagwireku imwe abagula endhu nga mwongereza ku dhe muli nadho, ni mugula n'enimiro okwongereza ku dhe muli nadho, okutuusa nga ghazira ghe mutaguze, olwo ensi mugibeemu mwenka.

Isaia 55:2

Lwaki mumalira empiiya dhaimwe ku ebyo ebitali mere? Lwaki mufaabiikanira ebyo ebitabaigusa? Mumpulirise bukalamu kye nkoba, olwo musobole okulyanga ebyo ebisinga kuba birungi, era mubenga basangaavu.

Matayo 11:28

“Mwidhe ye ndi imwe mwenamwena abadaaga n'abali n'ebibavuna, ndidha kubawuumuza.

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

1 Yoanne 2:16

Kuba ebintu byonabyona ebiri mu nsi ng'okwegomba okw'omubiri, okwegomba okw'amaiso n'okwekuza okw'omu bulamu buno, ti biva wa Lata aye bya nsi.