Omulangirizi 4:16 - Baibuli Ekibono kya Katonda 2014

¹⁶ Abantu kyabazinga b'afuga baba kamaala inho abatabalika, aye bw'afa ezira aidhukira kumusiima olw'ebyo bye yabakoleranga. Bwenebwene ekyo kyona muzira muganhulo, era kiri ng'oti kubinga mpewo ogigeme.

Omulangirizi 4:16 Iomraidhean Croise

2 Samueli 19:9

Ghaidhagho okukaayana mu bika byonabyona ebya Isiraeli, ng'abantu bakoba bati: “Kyabazinga Daudi yatuwonianga abazigu baife, yaatuwonia n'Abafilisiti. Aye buti yalumuka Abusalomu, yaava mu nsi ye.

1 Bakyabazinga 1:40

Agho abantu boonaboona baaja nga bamunonereza nga bafuuwa endere, era nga basagambya n'eisanhu lingi inho, n'eitaka kumpi lyeyatiseemu olw'okuwowoigana kwaibwe.

Omulangirizi 1:14

Nalingirira ebintu byonabyona ebikolebwa ku nsi, naabona nga byonabyona biziramu muganhulo, nga kuli ng'oti kubinga mpewo ogigeme.

Omulangirizi 2:11

Agho naalowooza ku bintu byonabyona bye nakola, n'okufaabiikana kwange nga mbikola, naabona nga byonabyona muzira muganhulo, nga kiri ng'oti kubinga mpewo ogigeme. Mu butuufu ghazira kintu kiri na mugaso ku nsi.

Omulangirizi 2:17

Kale naakyagha obulamu, kuba kiisi ekikolebwa ku nsi kiinumya bulumye. Byonabyona biziramu muganhulo, biri ng'oti kubinga mpewo ogigeme.

Omulangirizi 2:26

Omuntu asiimya Katonda, Katonda amugha amagezi n'okumanha era n'eisanhu, aye omwonooni Katonda amugha gwa kusoloza nga bw'atereka obukombe, amale abughe oyo asiimya Katonda. Ekyo kyona muzira muganhulo, era kiri ng'oti kubinga mpewo ogigeme.

Omulangirizi 4:15

Nabona abantu boonaboona ababa ku nsi, nga n'omuli n'omwisuka aja okwira mu kifo kya kyabazinga oyo.