Omulangirizi 4:1 - Baibuli Ekibono kya Katonda 2014

¹ Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Omulangirizi 4:1 Iomraidhean Croise

Yobu 16:4

Zeena nandisoboire okwogera nga bwe mwogeire, ngoli niimwe omuli mu mbeera nze ye ndimu. Nandiboogereire ebisongovu, nga bwe ntengeesa n'omutwe nga mbanhooma.

Yobu 35:9

Olw'okutuntuzibwa okungi, abantu bakuba enduulu, baalira nga benda okufuna anaabawonia.

Yobu 6:29

Mbeeghembye mweireku mwerowooze mulobe kunsibaku kibi. Mweireku mpegaano, mulobe kunsalira musango kunsinga, kuba ensonga dhange ntuufu.

Yobu 9:24

Yaghaayo ensi mu mikono gy'ababi bagifuge. Aghemba ku maiso g'abalamuzi balobe kusala misango mu butuufu. Oba Katonda ti n'akola ebyo, kale naani?”

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 142:4

Nninga eno n'ere mbone munange, aye nga ghazira andiku naire, ghazira ye naalumukira, era ghazira muntu yeenayeena anfaaku.

Zabbuli 142:5

Wo Musengwa Katonda, nkulirira oidhe ombeere; niiwe onkuuma era niiwe wenka ye neesiga mu nsi muno.

Zabbuli 42:3

Omusana n'obwire, okulira amaziga n'okwafuuka emere yange, eno abantu nga tibalekera kundheeyereza bati: “Katonda wo ali gha?”

Zabbuli 42:9

Nze nkoba Katonda wange, oyo olubaale mwe neegisa, nti: “Lwaki oneerabiire? Lwaki ondekera abazigu okundiza amaziga nga bandaazadaaza?”

Zabbuli 69:20

Banvumye bankutula n'omwoyo, buti n'eisuubi nzira. Nanoonia anansaasiraku yambula; naanoonia anandhizaamu amaani, yambula.

Zabbuli 69:21

Endhala bwe yaanuma, mu kifo eky'okumpa emere enkalamu, bampa eri ng'oti butwa; endiwo yaanuma bampa omwenge endoota.

Zabbuli 80:5

Mu kifo ky'emere otuleetera nnaku, mu kifo ky'amaadhi otugha kikopo kiidhuvu eky'amaziga.

Okuvaayo 1:16

Yaabakoba ati: “Bwe muzaalisanga omukazi Omuheburayi ni mubona ng'omwana y'azaire mulenzi mumwitanga, bw'abanga omughala oyo mumulekanga nga mulamu.”

Okuvaayo 1:22

Agho kyabazinga yaalagira abantu be boonaboona ati: “Musuulenga buli mwana mulenzi azaalibwa Abaheburayi mu mwiga Kiyira aye abaghala mubalekenga nga balamu.”

Ensambo 19:7

Omwavu akyayibwa aboluganda be boonaboona, era bwe kituuka ku bakagwa be, bamwesamba bwesambe! Ni bw'abeetereza atya tibaidha.

Ensambo 28:3

Omufuzi omubi, atuntuza abaavu, ali ng'oti n'amaadhi ag'omugozi agazikiriza emere yoonayoona.

Ensambo 29:2

Abatuufu bwe bafuuka abafuzi, abantu basagamba; aye ababi bwe baba mu bufuzi abantu baba mu bulumi.

Omulangirizi 3:16

Era nabona nga ku nsi, mu kifo aghandibaire okukola amazima oyagaanagho bikolwa bibi, ni mu kifo aghandibaire obutuufu woona waayagaanagho bikolwa bibi.

Omulangirizi 5:8

Bw'obonanga abakungu mu ighanga nga batuntuza abaavu, baaloba kubakolera mazima, era baaloba kubakolera ebyo bye bagwaniire okukolerwa, oteewuunhianga kuba buli mukungu abaaku n'omuntu amusingaku amufuga, era n'oyo amusingaku yeena yaabaaku abamufuga.

Omulangirizi 7:7

Bwenebwene okunhigirizibwa kuleetera omuntu omugezi okukola eby'ekisiru, n'enguzi yaaleetera omuntu okwonooneka.

Omulangirizi 8:9

Ebyo byonabyona nabyetegereza bwe nalowooza einho ku ebyo abantu bye bakola ku nsi, naabona ng'abantu abandi bwe bafugisa banaibwe obukambwe, aye ate boonaboona ni balumizibwa abafuzi beene n'abo be bafuga.

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Isaia 51:23

Ekikopo ekyo ndikigemya abo ababalumya ni bakoba bati, ‘Mweyale ghansi ku itaka tubatambulireku tuje’, era mwena ni mutaagho emigongo gyaimwe ni gifuuka oluguudo kwe batambulira.”

Isaia 59:7

Mwangugha inho okukola ebibi aghazira kusibamu, era mwayanguyirwa inho okwita abantu abaziraku musango. Buli ghe mubita muzikirizaagho, mwaleka bifulukwa byereere. Ebirowoozo byaimwe mubimalira ku kukola bibi byonka.

Yeremia 16:7

Tighalibaagho atwalira mulizi kya kulya okumugumya ng'afiiriirwa, waire okumusaasira n'amugha eky'okunhwa ni bw'aliba ng'afiiriirwa ise oba inhina.

Okulira 1:16

Bino bindiza, amaziga gaafukumuka okunva mu maiso; kuba ghazira asobola kunsaasiraku, ghazira asobola kundhizaamu maani. Abazigu bange bampangula era abantu bange baasigala nga bawuubaire.

Okulira 1:17

Ekibuga Sioni kiri ng'oti n'omuntu agoloire omukono ng'ali kusabiriza, aye ghaabula amusaasiraku. Musengwa yalagira abantu abeezungulwire abantu ba Yakobo boonaboona, babe bazigu baibwe. Yerusalemu kyafuuka ekyenhinhalwa eri abantu abo.

Okulira 1:2

Omukazi ono asiiba mu maziga era yaasula ng'alira, amaziga gaamukuuluula ku matama. Abo abaalinga bakagwa be ghazira ali agho kumusaasiraku. Era be yakolagananga nabo bamughemukiire tibakaali beesigwa, era baafuuka bazigu y'ali.

Okulira 1:9

Abantu abo baliku ekibi ekibonekeragho. Aye baaloba okwidhukira ng'eriyo okubonerezebwa ku nkomerero. Okugwa kwaibwe kye kuva ni kuba okw'entiisa era ni ghabula abasaasiraku. Olwo baira bwa mu kulira bati: “Wo Musengwa Katonda, bona nga bwe tuli kudaazibwadaazibwa olw'okughangulwa abazigu baife, otubeere.”

Amosi 3:10

Musengwa Katonda akoba ati: “Abantu abo tibaidhi kukolera ku butuufu, okutoolaku okwidhuza endhu dhaibwe ebintu ebinhage n'ebiibe.

Amosi 3:9

Mulangirire eri ababa mu bisaagaati mu Ashidodi n'eri ababa mu bisaagaati mu nsi Misiri. Mubakobe muti: “Mwesololeze ku nsozi dha Samaria mubone ebikolwa eby'obukambwe ebitiisa, n'eby'okutuntuzibwa ebikolebwa mu Samaria.”

Malaki 2:13

Ekindi kye mukola ni kino: Muboza alutaari ya Musengwa Katonda n'amaziga ge mulira nga muwowoola, olw'okuba ebigheebwayo bye mumuleetera takaabisiima waire okubiringaku.

Malaki 3:18

Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 26:56

Aye bino byonabyona bibairegho okutuukiriza ebyo ebyaghandiikibwa abalanzi.” Agho Abeegeresebwa boonaboona baamuleka baalumuka.

Amateeka Agokubiri 28:33

Ab'eighanga erindi balinhaga emere ye mwafaabiikana okulima ku itaka lyaimwe era ni bye mwadaagirira ebindi byonabyona, aye nga imwe babatuntuza butuntuze na kubabisa bubi.

Amateeka Agokubiri 28:48

Kale ni aidha kubasindikiranga abazigu, imwe mufuuke bagheereza baibwe, endhala n'endiwo bibalumenga, nga muli madu era nga muzira kintu kyonakyona kye muli nakyo. Musengwa Katonda oyo aidhanga kubaleetera okutuntuzibwa einho, okutuusa lwe mulizikirizibwa.

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.

Abalamuzi 4:3

Yabini yali n'ebigaali lwenda eby'omu lutalo eby'ekyuma ekigumu einho. Era yafuga Abaisiraeli ng'abatuntuza n'obukambwe, okumala emyaka amakumi abiri. Agho Abaisiraeli baalirira Musengwa Katonda ababeere.