Omulangirizi 3:8 - Baibuli Ekibono kya Katonda 2014

⁸ Ekiseera eky'okugonzania, n'ekiseera eky'okukyagha. Ekiseera eky'entalo, n'ekiseera eky'emiraala.

Omulangirizi 3:8 Iomraidhean Croise

1 Bakyabazinga 5:4

Aye mpegaano Musengwa Katonda wange ampaire emiraala. Ku ndhuyi dhoonadhoona, ezira muzigu waire akabi koonakoona.

2 Bakyabazinga 9:22

Yoramu bwe yabona Yehu, yaamubuuza ati: “Yehu, oidhie lwa miraala?” Yehu yairamu ati: “Miraala ki egisobola okubaagho, ng'okusinza ebitali Katonda n'obulogo ebya inhoko Yezebeli bikaaligho ebingi bityo?”

2 Ebyomubyanda 19:2

Omulanzi ayetebwa Yehu, mutabane wa Hanani, yaaja okumweisuusaayo, era yaamukoba ati: “Obwo bwene, obona nga iwe ogwaniire okuyamba ababi n'okugonza abo abakyagha Musengwa Katonda? Ekyo ky'okoze kikuleeteire obusungu bwa Musengwa Katonda okukwidhira.

Zabbuli 101:3

Tija kuganhanga kwereeterezaaku kintu kyonakyona kibi. Nkyaghira irala ebikolwa by'abo abava ku Katonda. Tija kukolagananga nabo naire.

Zabbuli 105:25

Yaakyusa emyoyo gy'Abamisiri baakyagha abantu be, era baatoolera okulya mu bagheereza be abo enkwe.

Zabbuli 139:21

Wo Musengwa Katonda, nze nkyagha abo abakukyagha, naawulira enaku nga mbona abantu abakudheemera.

Ensambo 13:5

Omuntu akola ebituufu akyagha obuguya, aye omukozi w'ebibi yeebisa mu nsambo eswaza era anhoomebwa.

Ezekieli 16:8

“Kabiri bwe nali ndi kubitagho nti naakubona ng'otuusiiza ekiseera eky'okufumbirwa. Agho naakughembaku ekivaalo kyange waalekera okuba amadu. Bwenebwene naakusuubiza okukufumbirwa era naamala naakola n'iwe endagaano ey'okufumbiraganwa, waafuuka wange.” Musengwa Katonda atyo bw'akoba.

Luka 14:26

“Omuntu yeenayeena bw'aidha ye ndi memale n'atakyagha ise, n'inhina, ni mukazi we, n'abaana be, ni baganda be, ni baanhina ate era n'obulamu bwe mwene, taghanga kuba mwegeresebwa wange.

Ab'Efeso 3:19

Mbasabira mumanhe okugonza okwo okulemye abamanhi boonaboona okumanha, olwo mwidhulire irala Katonda.

Ab'Efeso 5:25

Imwe abasaadha mugonzenga bakazi baimwe, nga Kurisito bwe yagonza Ekikunsu eky'Abaikiriza mu Kurisito ni yeeghaayo ku lwa kyo.

Tito 2:4

memale bagalagirenga bakazi banaibwe abakaali abato okugonzanga baibaibwe n'abaana baibwe.

Yoshua 11:23

Kale atyo Yoshua bwe yanhaga ekiketezo ekyo kyonakyona eky'ensi, nga Musengwa Katonda bwe yalagira Musa. Yoshua yaamala yaakigabaniamu mu Baisiraeli boonaboona, buli kika nga kifunaku aghaakyo. Agho abantu baalekera okulwana entalo baafunaku emiraala.

Okwolekebwa 2:2

Ndidhi by'okola, okufaabiikana kwo, n'okuguminkiriza mu bizibu kw'oli nakwo. Ndidhi nga tosobola kuguminkiriza bantu babi. Era ng'abo abaali beeyeta abatume, ate nga ti batume, wabaleba waababona nga baguya.