Omulangirizi 3:7 - Baibuli Ekibono kya Katonda 2014

⁷ Ekiseera eky'okukanulamu engoye olw'enaku, n'ekiseera eky'okutunga. Ekiseera eky'okusirika, n'ekiseera eky'okwogera.

Omulangirizi 3:7 Iomraidhean Croise

Amainhama 37:29

Reubeni bweyairayo ku kiina n'ayagaana nga Yosefu aziramu, yaakanulamu ebivaalo bye olw'okunakughala.

Amainhama 37:34

Yakobo yaakanulamu ebivaalo bye olw'okunakughala, yeesiba ekikaakaati, yaamala enaku kamaala ng'alira omwana we.

Amainhama 44:18

Agho Yuda yaaja aghali Yosefu, yaakoba ati: “Musengwa wange, nkweghembye nganha, nze omwiru wo ndhogereku n'iwe. Otansungughalira, kuba oli ng'oti ni kyabazinga mwene.

Amainhama 44:34

Kuba ndituuka ntya eri lata wange, nga omwisuka tali ninze? Tisobola kuguma kubona akabi akalituuka ku lata wange.”

2 Samueli 1:11

Agho Daudi yaakanulamu ebivaalo bye olw'enaku, n'abasaadha be boonaboona be yali nabo agho baakola batyo.

2 Samueli 3:31

Agho Daudi yaalagira Yoabu n'abantu be yali nabo bakanulemu ebivaalo byaibwe olw'okunakughala, beesibe ebikaakaati, balire Abuneri. Era kyabazinga Daudi mwene, yaanonereza omulambo gw'Abuneri nga baja okuguziika.

1 Bakyabazinga 21:27

Ahabu bwe yawulira ebibono ebyo, yaakanulamu ebivaalo bye olw'enaku, yaavaala ekutiya. Yaaloba okulya emere, yaasulanga mu kutiya, era yaatambulanga nga munhiinkaavu ate nga mweraliikirivu.

2 Bakyabazinga 18:36

Aye abantu baasirika busirike, baaloba kumwiramu kibono naire, kuba kyabazinga Hezekia yali abalagiire ati: “Mutamwiramu.”

2 Bakyabazinga 5:7

Kyabazinga wa Isiraeli bwe yasoma embaluwa eyo, yaakanulamu ebivaalo bye olw'okusoberwa. Yaakoba ati: “Obwo nze ndi Katonda, ali n'obuyinza okwita n'okugha obulamu? Omusaadha ono aghanga atya okunsindikira omuntu mmuwonie endwaire ye ey'ebigenge? Bwenebwene ali bwa kuneesonsaaku bwesonse afune bw'anaatoolereza okusoola ninze!”

2 Bakyabazinga 6:30

Kyabazinga bwe yawulira omukazi oyo bye yayogera, yaakanulamu ebivaalo bye olw'okunakughala. Abantu abaali agho gha kimante ky'ekibuga ghe yali ali kubita, baabona ng'avaire ekutiya ku mubiri gwe olw'okwebonereza.

Yobu 2:13

Era baatyama naye ku itaka okumala enaku musanvu, omusana n'obwire, nga ghazira ayogera naye kibono. Kuba baabona ng'okudaazibwadaazibwa kwe yalimu kwali kunene.

Zabbuli 39:2

Nasirika ng'oti ni kasiru, nga waire ekirungi tikyogeraku! Aye obuzibu bwange nga bweyongera bweyongere,

Omulangirizi 3:6

Ekiseera eky'okufuna, n'ekiseera eky'okufiirwa. Ekiseera eky'okukuuma ekintu, n'ekiseera eky'okukisuula ere.

Isaia 36:21

Aye abantu baasirika busirike, baaloba kumwiramu kibono naire, kuba kyabazinga Hezekia yali abalagiire ati: “Mutamwiramu.”

Yeremia 36:24

Aye k'abe kyabazinga mwene, oba abakungu be abaawulira ebyo nga bisomebwa, tighaaligho naire omulala ati eyatya oba eyakanulamu ebivaalo bye okwoleka nga bw'anakughaire.

Yeremia 8:14

Agho abantu ba Musengwa Katonda baakoba bati: “Lwaki tutyaime bwa ghano? Mukole twesoloze, tuje mu bibuga ebyezungulwirwa ebimante ebigumu tufiire eyo. Musengwa Katonda waife atughaireyo tufe. Atughaire amaadhi agalimu eirogo tunhwe, olw'okuba twakola ebibi twamusungughaza.

Okulira 3:28

Kale leka omuntu yeenayeena adaazibwadaazibwa Musengwa, atyamenga yenka asiriikirire,

Yoeli 2:13

Mutakanulamu bivaalo byaimwe okwoleka nga bwe munakughaire, aye mwemenhe mu myoyo gyaimwe, ekyo n'ekibe kyoleke okwenenia kwaimwe.” Kale ni mwire ye Musengwa Katonda waimwe, kuba wa kivunika era asaasira inho. Agonza inho abantu obutalekera era yaabaguminkiriza. Buliidho aba mwetegefu okukyusa ebirowoozo bye, yaaloba kubabonereza.

Amosi 5:13

Kale omugezi asirika busirike mu biseera oti n'ebyo, kuba biseera bibi.

Amosi 8:3

Ku lunaku olwo, edhibairenga enhembo dhe bembera mu isinzizo, dhirifuuka maliro. Ghalibaagho emirambo kamaala inho, nga giri kusuulibwa buli ghantu mu kasirise.” Musengwa Katonda atyo bw'akoba.

Mika 7:5

Otaikirizanga muntu muliraanwa wo ky'akoba, era oteesiganga ni bw'aba mukagwa wo. Weegenderezenga inho mu by'oyogera, ni bw'oba ng'oli kwogera ni mukazi wo y'oyenda.

Ebikolwa by'Abatume 4:20

Kuba ife titughanga naire butayogera bye twabona ni bye twawulira.”

Ebikolwa by'Abatume 9:39

Agho Petero yaasituka yaaja nabo. Bwe yatuuka baamutwala mu kisenge ekya ghaigulu. Banamwandu boonaboona baayemerera gh'ali nga balira era nga bwe bamulaga ebivaalo n'engoye edhindi Dorukasi bye yakola ng'akaali mulamu.

1 Samueli 10:16

Saulo yaakoba muganda wa lata we ati: “Yatukakaisa ati bwenebwene endogoyi dhaaboneike.” Aye tiyamukoberaku naire ku bigema ku bwakyabazinga, Samueli bye yayogera.