Omulangirizi 3:2 - Baibuli Ekibono kya Katonda 2014

² Ekiseera eky'okuzaalibwa, n'ekiseera eky'okufa; ekiseera eky'okusiga, n'ekiseera eky'okukungula ebyasigibwa.

Omulangirizi 3:2 Iomraidhean Croise

Amainhama 17:21

Aye endagaano yange ndidha kugitaagho ni Isaaka, oyo Sara y'aidha okukuzaalira mu biseera bino, mu mwaka ogwidha.”

Amainhama 47:29

Isiraeli bweyali ng'anaatera okufa, yaayeta omwana we Yosefu, yaamukoba ati: “Ngemerwa ekivunika, oleete omukono gwo okakase by'oja okulayira: layira oti tolinziika mu Misiri.

1 Bakyabazinga 13:2

Omulanzi oyo, yaavumirira alutaari eyo ng'ajiira ku ebyo Musengwa Katonda bye yamulagira, ati: “Alutaari iwe, alutaari iwe, Musengwa Katonda akoba ati, ‘Bona eno, omwana omulenzi alizaalibwa mu ndhu ya Daudi, ng'eriina lye ni Yosia. Aliitira ku iwe bakabona ab'ebifo ebigulumivu ebisinzibwamu abakuniokerezaaku obubbaani, baaba ng'oti n'omusengo ogugheebwayo. Era amagumba g'abantu galyokerwa ku iwe.’ ”

2 Bakyabazinga 4:16

Elisha yaamukoba ati: “Mu kiseera nga kino omwaka ogwidha, oliba olera omwana owuwo omulenzi.” Omukazi yairamu ati: “Busa, musengwa wange, iwe oli muntu wa Katonda, otanguyaguya nze omugheereza wo.”

Yobu 14:14

Omuntu bw'afa amala yairamu obulamu? Aye nze nandiguminkiriiza mu bizibu bino, okutuusa lwe nandirekwirwa.

Yobu 14:5

Buli muntu wamusaliragho enaku dh'alighangaala, waamugerera n'emyezi era waamupimira ekiseera kye, ky'ataghanga kuswisaagho.

Yobu 7:1

“Obulamu bw'omuntu buba bwa kukakaalukana ku nsi. Enaku dhe dhoonadhoona dhaaba dha kukola mirimo mikalangufu.

Zabbuli 113:9

Aleetera omukazi omugumba okusangaala mu maka; yaamugha okuzaala abaana. Mwenamwena musaake Musengwa Katonda.

Zabbuli 52:5

Aye Katonda aidha kukuzikiriza ebyanda n'ebyanda; aidha kukuswankula mu ndhu yo akukwekwebye; aidha kukutoola mu nsi ey'abalamu.

Ensambo 24:27

Sooka otereeze emirimo gyo egy'okuliya, era otegeke bukalamu emisiri gyo, memale weezimbire endhu.

Isaia 28:24

Omulimi ng'ali kutegeka enimiro ye okugisigamu, akola gwa kutegeka ogwo gwonka ekiseera kyonakyona aghazira kukoma? Ekiseera kyonakyona akimala ku kutoodha na kwandhala mu nimiro eyo kwonka aghazira kulekera?

Isaia 38:1

Agho mu biseera ebyo, Hezekia yaalwala inho kumpi afe. Omulanzi Isaia mutabane wa Amozi yaajaayo okumubona, yaamukoba ati: “Musengwa Katonda akoba ati, ‘Tegeka eby'omu ndhu yo bukalamu, kuba oja kufa, toidha kuwona.’ ”

Isaia 38:5

Yaamukoba okwirayo akobe Hezekia ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kwongera emyaka ikumi n'etaanu ku bulamu bwo.

Isaia 54:1

Iwe Yerusalemu, obairenga oti n'omukazi omugumba, omukazi atazaalanga ku mwana naire. Aye mpegaano timbuka oyembe era okube emizira; kuba oidha kuba n'abaana kamaala okusinga n'omukazi iba y'atavangaku n'amulekulira agho.

Yeremia 1:10

Olwaleero luno, nkugemiisa amaghanga n'obwakyabazinga, oiwululengagho era omenhemenhenga, ozikirizenga era osaaniengagho ozimbenga era osimbenga.”

Yeremia 45:4

“Aye nze Musengwa Katonda nkoba nti, ndi kumenhamenhagho kye nazimba era ndi kwiwululagho kye nasimba. Era nja kukola ntyo ensi eno yoonayoona.

Matayo 13:41

Omwana w'Omuntu alituma bamalaika be baasunsula mu Bwakyabazinga bwe ebyo byonabyona ebireetera abantu okwonoona, era n'abakola ebibi

Matayo 15:13

Yesu yaabakoba ati: “Buli kisimbe ekitasimbwa Lata wange ow'omu igulu kiriighibwagho.

Luka 1:13

Aye malaika yaamukoba ati: “Zekaria otatya, kuba okusaba kwo kuwuliirwa era mukazi wo Elisabethi aidha kukuzaalira omwana omulenzi, omutuume eriina Yoanne.

Luka 1:20

Aye ni wulira kino: Oidha kuziba omunwa, obe nga toghanga kwogera okutuusa ku olwo bino lwe biribaagho kuba iwe toikiriza bibono byange, ebirituukirizibwa mu biseera byabyo.”

Luka 1:36

Ate bona, Elisabethi ow'ekika kyo ali nda ya mwana mulenzi, mu bukaire bwe obwo. Era guno omwezi n'ogwomukaaga ogw'oyo ye baayetanga omugumba

Yoanne 16:21

Omukazi bw'aba ng'aja okuzaala awulira obulumi kuba ekiseera kye kituuse, aye kasita amala okuzaala omwana, aba nga takaidhukira bulumi olw'eisanhu ery'okuzaala omuntu ku nsi.

Yoanne 7:30

Agho baasala amagezi bamugeme aye ghaabula amugemaku kuba ekiseera kye kyali kikaali kutuuka.

Ebikolwa by'Abatume 7:17

“Ebiseera eby'okutuukiriza Katonda bye yasuubiza Aburahamu byaja nga biseeta, era abantu baaja nga baala mu Misiri.

Ebikolwa by'Abatume 7:20

Mu kiseera kino Musa yaazaalibwa, era yaaba mulungi ewa Katonda. Yaakulira mu ndhu ya ise okumala emyezi esatu.

Ab'e Galatia 4:4

Aye ekiseera ekironde bwe kyatuuka, Katonda yaatuma Omwana we mwene. Yaazaalibwa omukazi era yaafugibwa Amateeka,

Amateeka Agokubiri 34:5

Agho Musa omugheereza wa Musengwa Katonda yaafiira eyo mu nsi Moabu, nga Musengwa Katonda bwe yakoba.

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,

1 Samueli 2:5

Abo abaalyanga ni baiguta, mpegaano bapakasa bupakase okufuna kye banaalya; aye abo endhala be yalumanga, buti tekaabaluma. Omukazi eyali omugumba buti aliku abaana musanvu, aye ow'abaana kamaala tasigaizaagho waire mulala.