Omulangirizi 2:8 - Baibuli Ekibono kya Katonda 2014

⁸ Naasoloza feeza, ni zaabu, n'eby'obukombe ebindi kamaala okuva mu biketezo bye nafuganga. Naataagho abasaadha n'abakazi abaanhemberanga, era naaba n'abakazi ab'embali ng'omusaadha yeenayeena bwe yaalyenze.

Omulangirizi 2:8 Iomraidhean Croise

2 Samueli 19:35

Buti ndi ku myaka kinaana (80) egy'obukulu. Nkaasobola okwawulagho ekisanhusa n'ekitasanhusa? Nze omugheereza wo nkaasobola okuwoomerwa bye ndi kulya oba bye ndi kunhwa? Nkaasobola okuwulirisa amamiro ag'abasaadha n'ag'abakazi abali kwemba? Kale lwaki nze omugheereza wo neeyongera ku mugugu gw'oli nagwo, iwe Isebantu kyabazinga?

1 Bakyabazinga 10:10

Agho yaatonera kyabazinga zaabu agheza kilo ng'oti enkumi ina (4,000), n'obuwoowo kamaala inho, n'amabaale ag'omughendo. Era tighaidhangaghooku kabiri bya buwoowo byaga agho bungi ng'oti n'ebyo kyabazinga omukazi ow'e Sheba bye yatonera kyabazinga Solomoni.

1 Bakyabazinga 10:14

Zaabu Solomoni ye yafunanga omwaka, yaghezanga kilo ng'oti emitwalo ebiri n'enkumi isatu (23,000),

1 Bakyabazinga 10:21

Ebintu byonabyona ebya kyabazinga Solomoni bye yakozesanga ku by'okunhwa, byali bya zaabu. Era ebintu byonabyona ebyakozesebwanga ku by'okulya mu ndhu eyayetebwanga Ekibira kya Lebanoni, byali bya zaabu mukenenule. Tighaaligho kintu kyonakyona kya feeza, kuba mu biseera bya Solomoni, feeza tiyatwalibwanga ng'ekintu eky'omughendo.

1 Bakyabazinga 11:3

Yali n'abakazi be abambeedha nga baghera lusanvu, ate yaaba n'abakazi be ab'embali nga baghera ebikumi bisatu. Abakazi abo baakyusa omwoyo gwe,

1 Bakyabazinga 14:27

Kyabazinga Rehoboamu yaagheesa engabo mu kyuma ky'ekikomo okwira mu kifo ky'edho, yaadhigemya abakulu ab'abakuumi abaakuumanga omulyango gw'ekisaagaati kye.

1 Bakyabazinga 9:14

Hiramu oyo, zaabu ye yagheereza kyabazinga Solomoni, yagheramu kilo ng'oti enkumi ina (4,000).

1 Bakyabazinga 9:28

Baaja mu nsi Ofiri, baatoolayo zaabu agheza kilo ng'oti enkumi ina (4,000), baamuleetera kyabazinga Solomoni.

1 Ebyomubyanda 25:1

Daudi ng'ali ghalala n'abaakuliranga eby'okusinza, baalonda ab'oku nda edh'Abalevi dhino okulangiriranga obukwenda bwa Musengwa Katonda nga bemba enhembo bwe bakubiraku endingidi, entongooli, n'ebide: ab'oku nda ya Asafu, n'ab'oku ya Hemani, n'ab'oku ya Yeduthuni. Luno n'olukalala olw'abo be baalonda okukola omulimo ogwo nga bajiira ku mirimo gye baali baja okukolanga:

1 Ebyomubyanda 25:6

era n'eyakulemberanga batabane abo mu nhembo edh'omu isinzizo lya Musengwa Katonda, nga bakubiraku ebide, endingidi n'entongooli. Asafu, Yeduthuni, ni Hemani, baakolanga nga kyabazinga bwe yabalagiranga.

2 Ebyomubyanda 9:11

Kyabazinga Solomoni yaakozesa embaawo edho okukola amadaala ag'omu isinzizo, n'ag'omu kisaagaati kye eky'obwakyabazinga. Yaadhikolamu n'endingidi, n'entongooli edh'abembi. Mu Buyudaaya mwali timubangamuuku mbaawo edhiri ng'oti n'edho.

Ezera 2:65

Abagheereza abasaadha n'abakazi be baira nabo baali, kasanvu na bisatu n'asatu na musanvu (7,337). Baira n'abembi abasaadha n'abakazi ebikumi bibiri (200).

Omulangirizi 1:2

Ghazira kintu kiri na muganhulo, bwenebwene ebintu byonabyona biziramu muganhulo naire.

Danieli 3:15

Mpegaano ni, oba nga olunaawulira muti okuvuga okw'endeka, n'endere, n'endingidi, n'endongo, n'entongooli, n'ebivuga ebindi, munaaba beetegefu okweyala ghansi musinze ekiwumbe kya zaabu kye nakola, olwo ghazira kabi kaidha kubatuukaku. Aye bwe munaaloba okukisinza, baidha kubasuula mangu ago mu kikoomi ekiri kugeigera omuliro. Ghaligho katonda yeenayeena anaabawonia nabatoola mu buyinza bwange?”

Danieli 3:5

bwe munaawulira okuvuga okw'endeka, n'endere, n'endingidi, n'endongo, n'entongooli, n'ebivuga ebindi, nga mweyala ghansi okusinza ekiwumbe kya zaabu ekyo kyabazinga Nebukadinezzari kye yataagho.

Danieli 3:7

Kale abantu boonaboona, abava mu maghanga goonagoona, era aboogera enimi dhoonadhoona, bwe baawulira okuvuga okw'endeka, n'endere, n'endingidi, n'endongo, n'entongooli, n'ebivuga ebindi, beeyala ghansi okusinza ekiwumbe kya zaabu ekyo kyabazinga Nebukadinezzari kye yataagho.

Amosi 6:5

Mwembera ku ntongooli enhembo edh'ekigayaavu, era mweyiiyiza beene ebivuga ng'oti ni Daudi bwe yakola.