Omulangirizi 2:7 - Baibuli Ekibono kya Katonda 2014

⁷ Naagula abairu abasaadha n'abakazi, era n'abairu abandi baabazaalira mu maka gange. Naaba n'ebyayo kamaala, omuli ente n'entaama n'embuzi, naasinga n'abo boonaboona abansooka okuba mu Yerusalemu.

Omulangirizi 2:7 Iomraidhean Croise

Amainhama 13:2

Aburamu yali mukombe inho, ng'ali n'ebyayo, ni feeza, ni zaabu.

Amainhama 14:14

Aburamu bweyawulira nga batwaire owoluganda lwe nga munhage, yaaja n'abasaadha be abalwani, abaazaalirwa mu ndhu ye, ebikumi bisatu na ikumi na munaana, baabingirira bakyabazinga bale abana okutuuka e Dani.

Amainhama 15:3

Bona, tompaire izaire era omwiru eyazaalirwa mu ndhu yange, n'aja okuba omusika wange.”

1 Bakyabazinga 4:23

n'ente ikumi ensavu, n'ente amakumi abiri dhe baaya obwaye, n'entaama kikumi, nga tobaliireeku mpongo, na mpuuli, na nkoko mpiite ensavu.

2 Bakyabazinga 3:4

Ghaabaagho Mesha kyabazinga wa Moabu eyali omwayi w'entaama. Buli mwaka ng'ali n'okugha kyabazinga wa Isiraeli entaama ento emitwalo ikumi (100,000), n'obuviiri obwavanga ku ntaama emitwalo ikumi (100,000) enume.

2 Ebyomubyanda 26:10

Era yaazimba ebituuti ebirengererwaku mu irungu, yaasima n'ensulo kamaala, kuba yali n'ebyayo kamaala mu biketezo eby'omu biiko n'eby'oku museetwe. Era yali n'abalimi abaalabiriranga emizabbibu mu nsozi, ni mu itaka eigimu, kuba yayendanga inho okulima.

Ezera 2:55

Mu baira okuva mu bunhage mwalimu abagheereza aba Solomoni bano: Ab'oku nda ya Sotai, n'ab'oku ya Hassoferethi, n'ab'oku ya Peruda;

Ezera 2:58

Abagheereza ab'omu isinzizo n'abagheereza aba Solomoni boonaboona aghalala baali ebikumi bisatu na kyenda na babiri (392).

Nehemia 7:57

Mu baira okuva mu bunhage mwalimu abagheereza aba Solomoni bano: Ab'oku nda ya Sotai, n'ab'oku ya Soferethi, n'ab'oku ya Perida;

Yobu 1:3

Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Yobu 42:12

Musengwa Katonda yaagha Yobu enkabi mu kiseera eky'obulamu bwe eky'oluvainhuma, okusingaku ni mu kyasooka. Yobu yaaba n'entaama omutwalo mulala n'enkumi ina, n'engamiya kakaaga, n'ente edhirima lukumi, n'endogoyi enkazi lukumi.

Luka 12:45

Aye omugheereza oyo bw'akoba mu mwoyo gwe ati, ‘Musengwa aidha kulwagho okutuuka,’ n'atoolera okukubakuba abairu abasaadha n'abakazi, n'alya era n'anhwa n'okutamiira n'atamiira,