Omulangirizi 2:6 - Baibuli Ekibono kya Katonda 2014

⁶ Naasima ebidiba eby'okutoolangamu amaadhi ag'okufukirira emiti egyo.

Omulangirizi 2:6 Iomraidhean Croise

Nehemia 2:14

Agho naaja ku gwetebwa Omulyango ogw'Ensulo, ku Kidiba kya Kyabazinga. Aye ng'eyo ezira ngira mwe mpanga kubisa nsolo ye nali ndi kuvuga.

Nehemia 2:8

Era naasaba n'embaluwa ntwalire Asafu omukuumi w'ekibira kya kyabazinga, aganhe okumpa emiti egy'okukolamu emiryango egy'ekifo eky'okwewogomamu ekyezungulwire eisinzizo, n'egy'okukolamu emiryango egy'ekimante ekyezungulwire ekibuga, era n'egy'okuzimbamu endhu ye nnaabangamu. Agho kyabazinga yaaganha okunkolera kye namusaba, kuba Katonda wange yali ghalala ninze.

Nehemia 3:15

Shallumu mutabane wa Kolihoze, eyafuganga ekiketezo ky'e Mizipa, n'eyalongoosa ogwetebwa Omulyango ogw'Ensulo. Yaaguzimba buyaaka, yaagusereka, yaagutaamu endhigi dhaamu, era endhigi edho yaadhitaaku eminhololo n'ebisiba ebindi. Era yaazimba n'ekimante eky'oku Kidiba kya Shela okumpi n'enimiro ya kyabazinga, yaakituukiza irala aghaali amadaala agaika okuva mu kyetebwa Ekibuga kya Daudi.

Nehemia 3:16

Ku oyo kwairaku Nehemia mutabane wa Azibuka eyafuganga ekitundu ku kiketezo ky'e Bethizuri, yaalongoosa ekitundu ekyairaku ku kimante ekyo okutuukira irala ku magombe ga Daudi, ni ku kidiba kye baasima obusime, ni ku ndhu ey'abalwani ab'amaani.

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Olwembo 7:4

Enkoto yo ndeeyiriri ng'oti n'omunaala ogwakolebwa mu masanka. Amaiso go gamesunkana ng'oti n'amaadhi agali mu bidiba, ebiri gha mulyango ogwetebwa ogwa Bathirabbimu, mu kibuga Heshiboni. Enhindo yo ntereevu ng'oti n'ekituuti ekirengererwaku eky'e Lebanoni, ekiringiriiza Damasiko.

Yeremia 17:8

Ali ng'oti n'omuti ogwasimbibwa ku mwiga, ogukunkunia emizi gyagwo ni gituuka ku maadhi. Tigutya musana ni bwe gwaka okwaga gha, kuba amakaba gaagwo gasigala nga ti maniavu. Ghazira kigweraliikiriza oba amaadhi gagwa oba tigagwa, kuba buli kiseera gutaaku ebibala.”