Omulangirizi 2:10 - Baibuli Ekibono kya Katonda 2014

¹⁰ Buli kintu amaiso gange kye geegombanga, nga nkifuna. Na buli ekisanhusa kyonakyona omwoyo gwange kye gwayendanga, nga nkyetuusaaku. Kale naasanhukanga olw'ebyo byonabyona bye nakolanga, era eyo yaaba nga n'empeera ye nafunanga mu ebyo byonabyona bye nakolanga.

Omulangirizi 2:10 Iomraidhean Croise

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

Amainhama 6:2

Abaana ab'omu igulu bwe baalinga bati ku baana abaghala abo ab'abantu, baabona nga balungi. Kale baababayiza nga bwebaayendanga.

Yobu 31:1

“Neeyama ira okwekuumanga amaiso gange, kabiri ate nandisoboire ntya okulingirira omughala omuguna nga ndi kumwegomba?

Zabbuli 119:37

Nkyusa nve ku bintu ebiziramu muganhulo; ombeere okwebisa nga bw'oyenda.

Zabbuli 128:2

Oidha kutoolanga eky'okulya mu mirimo gy'okola; oidha kubanga musangaavu, nga buli kintu kikujiira bukalamu.

Ensambo 23:5

Kuba obukombe osobola okububona oti, aye bwavaagho mangu bwaba ng'oti bumeze maghagha, bwagulukagho ng'oti n'enkookooma bw'egulukira ghaigulu n'ebulagho.

Omulangirizi 11:9

Iwe omwisuka, sagambira mu bwisuka bwo era weeyagale ng'okaali mwisuka. Kolanga ebyo by'oyenda, era weetuusengaku ebyo omwoyo gwo bye gwegomba. Aye manha nti Katonda aja kukusalira omusango olw'ebyo byonabyona.

Omulangirizi 2:1

Naakoba mule nti: “Kale ni ka ngezeeku ebinhumo, neesanhuse.” Aye naabona nga kyona kiziramu muganhulo.

Omulangirizi 2:22

Kale olwo omuntu afunamu ki mu bintu by'afaabiikanira nga yeerumya ku nsi?

Omulangirizi 2:24

Omuntu kye yandikoze ekisinga, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe. Aye ekyo kyona nabona nga kiri mu buyinza bwa Katonda

Omulangirizi 3:22

Kale naabona ng'omuntu kye yandikoze ekisinga, kyandibaire kya kweyagalira mu ebyo by'akoze. Ogwo nga n'omugabo gwe. Kuba naani asobola okumwiza okubona ebija okubaagho nga mwene amaze okufa?

Omulangirizi 5:10

Omuntu ayenda einho empiiya tidhirimumala n'adhiiguta. N'oyo ayenda einho eby'obukombe, ezira magoba galimumala n'agaiguta. Ekyo kyona kiziramu muganhulo.

Omulangirizi 5:17

Yaamala enaku dhe dhoonadhoona ng'aliira mu nzikiiza, ng'ali mu bulumi, ni mu bweraliikirivu, era nga munakughavu.

Omulangirizi 5:18

Bona eno, nze ekirungi kye nabona omuntu ky'agwaine okukola, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe ku nsi, mu nnaku entono edho Katonda dhaamugha okuba omulamu. Ogwo n'omugabo gwe.

Omulangirizi 6:2

Katonda aja yaagha omuntu okuba omukombe, yaaba n'ebintu kamaala, era yaaba n'ekitiibwa, nga ghazira kintu ky'atali nakyo. Aye ate Katonda oyo yaaloba okumuganha okweyagalira mu bintu ebyo, kabiri omuntu atamanhiibwa naire yaabyeyagaliramu. Ekyo kiziramu muganhulo, era kiruma inho.

Omulangirizi 6:9

Ekintu ekikyo ky'oli nakyo, kisinga ky'ozira kye weegomba obwegombe. Ekyo kyona muzira muganhulo, era kiri ng'oti kubinga mpewo ogigeme.

Omulangirizi 8:15

Kale nze mbona ng'omuntu agwaniire okwesanhusanga kuba ku nsi kuzira kirungi kindi okutoolaku okulya, n'okunhwa, n'okwesanhusa. Eryo n'eisanhu omuntu ly'aba nalyo mu kiseera eky'obulamu bwe kyonakyona Katonda ky'amugha ng'ali mu kufaabiikana ku nsi.

Omulangirizi 9:6

Baba tibakaali na kugonza, oba okukyagha, waire okwegomba byonabyona biba byawaagho ira, era nga tibakaasobola kukola kintu kyonakyona ekikolebwa ku nsi.

Omulangirizi 9:9

Sanhukiranga mu bulamu buno ni mukazi wo y'ogonza, enaku dhoonadhoona edh'obulamu bwo buno obuziramu muganhulo. Ogwo n'omugabo gwo Katonda gw'akugha mu kufaabiikana kwo ku nsi.

1 Yoanne 2:16

Kuba ebintu byonabyona ebiri mu nsi ng'okwegomba okw'omubiri, okwegomba okw'amaiso n'okwekuza okw'omu bulamu buno, ti biva wa Lata aye bya nsi.

Abalamuzi 14:2

Bwe yamala okumubona, yairayo eka, yaakoba ise n'inhina ati: “Mboine omughala Omufilisiti e Timuna. Kale mumunfunire mmubayize.”