Omulangirizi 12:2 - Baibuli Ekibono kya Katonda 2014

² Mu kiseera ekyo oliba nga tokaabona bulungi butangaavu bwa muunienie, oba bwa mwezi, waire obw'endhuba. Era ng'olwo ebire biira ku igulu byagema ng'amaadhi gamaze okugwa.

Omulangirizi 12:2 Iomraidhean Croise

Amainhama 27:1

Agho Isaaka bweyali ng'akairiighe, era ng'amaiso ge gaidhieku ekifu, nga takaaghanga kubona, yaayeta Esau mutabane we omukulu. Yaamukoba ati: “Mwana wange!” Yaavugira ati: “Ndi ghano.”

Amainhama 48:10

Amaiso ga Isiraeli gaali gaidhieku ekifu olw'okukairigha nga takaabona bukalamu. Kale Yosefu yaabaseesa gh'ali, yaabagwa mu kifuba, yaabeevumba.

Zabbuli 42:7

Iwe oleetera amaadhi okwefuukuula, gaatyabuka oti lukuba, era geekuluumulula, nga genda kuumira.

Zabbuli 71:20

Wansidikira ebizibu kamaala n'okudaagadaaga, aye olindhiriza amaani gange kabiri; olintoola ghansi eyo abantu ye baja, wamponia okufa.

Zabbuli 77:16

Amaadhi bwe gaakubona iwe Katonda, amaadhi ago olwakubona gati, gaatya, bwenebwene entobo y'enhandha yatengeeta.

Zabbuli 90:10

Emyaka gyaife egy'obughangaazi giri nsanvu, oba kinaana, bwe tuba abagumu. Aye ng'ate giidhwire okufaabiikana n'ebizibu kamaala, era giwaaku mangu twabulagho.

Isaia 13:10

Emuunienie edha buli nsambo ku igulu dhirirekera agho okwaka, endhuba yaagema enzikiiza ng'eri kuvaayo, n'omwezi gwaloba kwaka.

Isaia 5:30

Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Yoeli 3:15

Endhuba n'omwezi biirugaire, n'emuunienie dhaalekera okwaka.

Matayo 24:29

“Okudaagadaaga okw'enaku edho nga kwakawa, endhuba eriirugala, omwezi guliroba okwaka, emuunienie dhirimagalika okuva mu igulu, n'amaani ag'omu igulu galitengeesebwa.

1 Samueli 3:2

Lwali lulala obwire, Eli ng'alambaire mu kifo kye, aye yali takaabona bukalamu olw'ekifu ekyali kitooleire okumwidha ku maiso.

1 Samueli 4:15

Eli yali agheziiza emyaka kyenda na munaana (98) egy'obukulu, era ng'ekifu kyamugema ku maiso, takaabona bukalamu.

1 Samueli 4:18

Ole bwe yayogera ku ky'Esanduuku ey'Endagaano ya Katonda, Eli yaaghanuka ku kityamo kye, yaagwa kya mugongo kumpi n'omulyango. Olw'okuba yali mukaire era nga munene, bwe yagwa yaamenheka enkoto era yaafa. Yali amaze entangama ya myaka amakumi ana ng'akulembera Isiraeli.