Omulangirizi 12:1 - Baibuli Ekibono kya Katonda 2014

¹ Idhukiranga Omutonzi ng'okaali mwisuka, enaku embi nga dhikaali kutuuka n'emyaka nga gikaali kutuuka mw'olikobera oti: “Tikaanhumirwa bulamu.”

Omulangirizi 12:1 Iomraidhean Croise

Amainhama 39:2

Musengwa Katonda yaabanga ni Yosefu, era Yosefu oyo yaabanga wa nkabi mu byonabyona bye yakolanga; yaabanga mu ndhu ya musengwa we Omumisiri.

Amainhama 39:23

Omukuumi w'eikomera tiyeeraliikiriranga kintu kyonakyona ekyagemesebwa Yosefu, kuba Musengwa Katonda yali ghalala ni Yosefu, ng'agha enkabi kiisi kye yakolanga.

2 Samueli 19:35

Buti ndi ku myaka kinaana (80) egy'obukulu. Nkaasobola okwawulagho ekisanhusa n'ekitasanhusa? Nze omugheereza wo nkaasobola okuwoomerwa bye ndi kulya oba bye ndi kunhwa? Nkaasobola okuwulirisa amamiro ag'abasaadha n'ag'abakazi abali kwemba? Kale lwaki nze omugheereza wo neeyongera ku mugugu gw'oli nagwo, iwe Isebantu kyabazinga?

2 Samueli 19:36

Nze omugheereza wo ndidha kukugherekeraku katono, nkusomose omwiga Yorudani. Kale onsasulira ki empeera eyaga agho?

1 Bakyabazinga 14:13

Abantu boonaboona mu Isiraeli baja kumulira, bamuziike. Ku bantu ab'oku lulyo lwa Yeroboamu, oyo yenka n'aidha okuziikibwa, kuba oyo n'ayagaaniibwa ng'alimu akalungi akasiimibwa Musengwa Katonda, Katonda wa Isiraeli.

1 Bakyabazinga 18:12

Aye naaba naakava gh'oli nti, ng'omwoyo gwa Musengwa Katonda gukutwala ye ntaidhi! Agho bwe nnaatuuka ni nkobera Ahabu, aye ate n'atasobola kukubona, aidha kundhita, ate nga nze omugheereza wo ndhisiisa ekitiisa mu Musengwa Katonda okuviira irala mu buto bwange.

Nehemia 4:14

Bwe nabona ntyo naasitukiramu, naakoba abakulembeze, n'abakungu, n'abantu abandi boonaboona nti: “Abazigu abo mutabatya. Mwidhukire nga Musengwa Katonda mukologho era wa ntiisa. Kale mulwanirire baganda baimwe, ni batabane baimwe, ni baghala baimwe, ni bakazi baimwe, era n'amaka gaimwe.”

Yobu 30:2

Nandibafuniemu ki abantu abo abaali nga tibakaalimu maani?

Zabbuli 119:55

Wo Musengwa Katonda, tyerabira liina lyo waire buba bwire, ebirowoozo byange biba ku mateeka go.

Zabbuli 34:11

Mwidhe baana bange mumpulirise, ndidha kubeegeresa okutya Musengwa Katonda.

Zabbuli 63:6

Ni bwenja mu buliri nkulowooza; obwire bwonabwona tikwerabira,

Zabbuli 90:10

Emyaka gyaife egy'obughangaazi giri nsanvu, oba kinaana, bwe tuba abagumu. Aye ng'ate giidhwire okufaabiikana n'ebizibu kamaala, era giwaaku mangu twabulagho.

Ensambo 22:6

Oyegeresanga omwana okwebisanga obukalamu, ni bw'alikula taja kwerabira.

Ensambo 8:17

Ngonza abo abangonza, abo abandhagala n'omwoyo omulala bambona.

Omulangirizi 11:10

Weewonienga ebyo ebikweraliikiriza mu mwoyo, n'ebyo ebikuleetera okulumizibwa mu mubiri, kuba okuba omuto n'okuba omwisuka, byombi biziramu muganhulo.

Omulangirizi 11:2

Ebintu byo obigabirangaku abantu abagheraku, ng'oti musanvu oba munaana, kuba tosobola kumanha kizibu kija kukugwira ku nsi kuno.

Omulangirizi 11:8

Omuntu bw'aghangaala emyaka emingi, agwaine agisanhukirengamu gyonagyona. Aye ate aidhukirenga ng'enaku edh'okuba mu kizikiiza ng'afiire dhija kuba kamaala. Ebyo byonabyona ebiriidha biziramu muganhulo.

Isaia 26:8

Wo Musengwa Katonda, ife tujiira ku ebyo by'oyenda, era titwerabira liina lyo; kuba mu eryo mwe tufunira bye twegomba.

Okulira 3:27

Era kiba kikalamu omuntu okwega okuguminkiriza okwo ng'akaali muto.

Danieli 1:17

Katonda yaagha abaisuka abo abana okwega n'okukuguka mu mpandiika edha buli nsambo, ni mu magezi aga buli nsambo. Ate Danieli yaamwongeraku okutegeera ebibaagho mu kubonekerwa, n'okuvuunula ebirooto.

Hosea 7:9

aye tibaidhi ng'okwetabula n'abamaghanga agandi kubaleetera okuwaamu amaani, n'eighanga lyaibwe lyatuuka ku kuzikirira.

Luka 1:15

Kuba aliba mukulu mu maiso ga Musengwa era talinhwa mwenge gwa mizabbibu oba ekitamiiza kyonakyona. Aliidhuzibwa Mwoyo Mutukuvu ng'akaali mu nda ya inhina.

Luka 18:16

Aye Yesu yaabeeta yaabakoba ati: “Muleke abaana abato baidhe ye ndi mutabalobera kuba abali oti n'abo ni beene Bwakyabazinga bwa Katonda.

Ab'Efeso 6:4

Imwe abazaire, mutasoononkerezanga baana baimwe kubaleetera kunakughala, aye mubakuze nga mubagalagira era nga mubeegeresa ebya Musengwa.

Amateeka Agokubiri 8:18

Aye Mwidhukirenga muti Musengwa Katonda waimwe, n'abagha amagezi okukombaghala, ng'atuukiriza endagaano ye yakola ni badhaadha baimwe ni ye buli eno.

2 Timotheo 3:15

Era oidhukira ng'okuva mu buto bwo obaire oyegeresebwa Ebyaghandiikibwa Ebitukuvu ebisobola okukugalagira okukutuusa ku kulokolebwa olw'okuba n'okwikiriza mu Kurisito Yesu.

1 Samueli 1:28

Kale buti ndi kumughaayo abe wa Musengwa Katonda enaku dhoonadhoona edh'obulamu bwe.” Era baasinza Musengwa Katonda nga bali eyo.

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”

1 Samueli 2:18

Samueli yali ng'agheereza mu maiso ga Musengwa Katonda ng'akaali mwisuka, ng'avaala ekivaalo eky'obwakabona ekyakolebwa mu lugoye olughegheevu.

1 Samueli 2:26

Agho omulenzi Samueli yeeyongera okukula n'okugonzebwa Musengwa Katonda n'abantu.