Omulangirizi 1:9 - Baibuli Ekibono kya Katonda 2014

⁹ Ekintu ekyalighooku era n'ekija okubangagho, n'ekintu ekyakolebwaku era n'ekija okukolebwanga. Ghazira kintu kiyaaka ku nsi.

Omulangirizi 1:9 Iomraidhean Croise

Omulangirizi 1:10

Ghaligho ekintu ole ky'asobola okukoba ati: “Bona eno, kino kiyaaka?” Aye nga mu butuufu tikiba kiyaaka naire, kiba kyaligho ira nga n'ife tukaali kubaagho.

Omulangirizi 2:12

Kale naira ku kulowooza ku magezi n'eiralu n'obusiru, kuba kyabazinga azira kiyaaka ky'asobola kukola ole ye yasikira ky'ataamala ira kukola.

Omulangirizi 3:15

Ebintu ebirigho buti byalighooku, n'ebyo ebija okubaagho byaligho ira. Katonda alagira ebyo ebyalighooku, kabiri byairamu okubaagho.

Omulangirizi 6:10

Buli kintu ekirigho, kyamala ira okutuumibwa eriina. N'omuntu ekikula kye kimanhiibwa: tasobola kutakana n'oyo amusinga maani.

Omulangirizi 7:10

Otabuuzanga oti: “Lwaki ebiseera eby'eira byalinga birungi okusinga ebirigho buti?” Ekibuuzo ekyo ti kya magezi.

Isaia 43:19

Mpegaano mulingirire mubone ekiyaaka kye nja okukola. Era nakitandiseeku ira. Timuli kukibona? Nja kutema oluguudo mu irungu, era nte n'emiiga mu nsi eyo enkalukalu.

Yeremia 31:22

Imwe abantu abatali beesigwa, mulirekera li okudaaliimira eno n'ere? Nze Musengwa Katonda ntonzeegho ekintu ekiyaaka ku nsi era nga kya ndhawulo, eky'omukazi okuba nga n'omukuumi w'omusaadha.”

2 Petero 2:1

Nga bwe ghaaligho abalanzi abaguya mu bantu ba Katonda, ni mu imwe mulibaamu abeegeresa abaguya. Balyeibirira, baayegeresa ebikiidhamya Obukurisito era ebireeta okuzikirira. Era balyegaana Musengwa eyabanunula, beereetera okuzikirira amangu.

Okwolekebwa 21:1

Agho naabona eigulu eiyaaka n'ensi empyaka, kuba eigulu eryasooka n'ensi eyasooka byali bibuzeegho, n'enhandha nga tekaaligho.

Okwolekebwa 21:5

Agho eyali atyaime ku kityamo eky'obwakyabazinga yankoba ati: “Bona! Ebintu byonabyona mbiiza buyaaka.” Era yankoba ati: “Bino bighandiike, kuba ebibono bino bituufu era bya mazima.”