Omulangirizi 1:16 - Baibuli Ekibono kya Katonda 2014

¹⁶ Agho naakoba mule nti: “Nfuuse muntu mukologho era omugezi einho, naasinga abo boonaboona abansooka okufuga mu Yerusalemu. Bwenebwene mboine ebintu kamaala, byandeetera okumanha n'okutegeera.”

Omulangirizi 1:16 Iomraidhean Croise

1 Bakyabazinga 10:7

Aye tyabiikiriza, okutuusa lwe ndidhie ni mbyeboneraku n'agange. Era bwenebwene bye nawulira byali katundu butundu ak'ebyo bye mboine. Amagezi n'obukombe by'oli nabyo bisingira ghala ebyo bye nawuliraku.

1 Bakyabazinga 4:30

Amagezi ga Solomoni nga gasinga amagezi ag'abantu b'e buvandhuba n'ag'abagezi ab'e Misiri goonagoona.

1 Bakyabazinga 5:9

Abagheereza bange baidha kugitoola e Lebanoni, bagiserengese ku nhandha. Ndidha kubalagira bagisibe ghalala mu binhwa, bagibise ku nhandha gituuke mu kifo ky'onaalondagho. Era ndidha kubalagira bagisimululire eyo, memale ogitooleyo. Iwe kye nhenda okole, n'okufunira ab'endhu yange emere.”

2 Bakyabazinga 5:20

Gehazi omugheereza wa Elisha omuntu wa Katonda, yaakoba mule ati: “Bona, musengwa wange alese Naamani Omusiria yaaja, nga tamutoireeku ebyo bye yaleeta! Ndayira mu Musengwa Katonda omulamu nti ndidha kumulumuukirira mbeeku ni kye mmutoolaku.”

2 Ebyomubyanda 2:12

Agho ni Musengwa Katonda, oyo Katonda wa Isiraeli asaakibwe, eyatonda eigulu n'ensi, era aghaire Daudi omwana ategeera era ow'amagezi amangi, aidha okuzimbira Musengwa Katonda oyo eisinzizo, ni mwene yeezimbire ekisaagaati eky'obwakyabazinga.

Zabbuli 4:4

Bwe musungughala, obusungu butabasindikanga mu kwona. Mwefumintirize ku kino mu myoyo gyaimwe, nga muli mu buliri mulambaire.

Zabbuli 77:6

Nkyesa obwire ng'ebidhuubo biri kwekuluumulula mu mwoyo gwange. Neefumintiriza era neebuuza mule nti:

Omulangirizi 2:1

Naakoba mule nti: “Kale ni ka ngezeeku ebinhumo, neesanhuse.” Aye naabona nga kyona kiziramu muganhulo.

Omulangirizi 2:15

Olwo naakoba mule nti: “Ekituuka ku musiru n'ekija okutuuka ni ku nze, kale nabeerera ki omugezi einho ntyo?” Kyenava ni nkoba mule nti ekyo kyona muzira muganhulo,

Omulangirizi 2:9

Nafuuka mukologho okusinga abo boonaboona abansooka okuba mu Yerusalemu, era naasigala nga ndi mugezi.

Omulangirizi 3:17

Naakoba mule nti: “Katonda aja kusalira abatuufu n'ababi omusango, kuba buli kintu na buli kikolwa yakiteeragho ekiseera kyakyo.”

Yeremia 22:14

Akagwireku oyo akoba mule ati, ‘Ndidha kwezimbira endhu enkologho, ng'eriku ebisenge ebya ghaigulu ebigazi. Ngiteeku amadinisa, ngidholigedholige n'embaawo edh'omuvule, era ngisiige langi ya kasaayisaayi.’

Danieli 4:30

yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”

Abaheburayi 5:14

Aye emere yeene n'ey'abantu abakulu abamaze okwega olw'ebyo bye babitamu, era ni basobola okwawulagho ekirungi n'ekibi.