Olwembo 4:3 - Baibuli Ekibono kya Katonda 2014

³ Omunwa gwo guli ng'oti n'ewuuzi ey'olugoye olw'ekitiibwa olwa langi ya kasaayisaayi. Bwe gwogera gusanhusa. Amatama go nga gali mu kitambaala kyo kye weeghembereire, gaboneka bulungi ng'oti kibala kya ku mukomamawanga, kye basazeemu aghabiri.

Olwembo 4:3 Iomraidhean Croise

Amainhama 32:10

Nze tigwaniire kivunika kyo na bwesigwa bwo, bye wandholeka nze omugheereza wo. Nasomoka omwiga guno Yorudani, nga ndi na mwigo gwonka. Aye mpegaano ndhize, nga ndi n'ebikunsu bibiri.

Ezera 9:6

“Wo Katonda wange, nswaire inho era ensoni dhiri kungema okusitula amaiso ninge y'oli, iwe Katonda wange kuba ebibi byaife byebunze emungo etusinga n'obuleeyi, n'emisango gyaife gyebunga emungo etuuka ni ku igulu.

Zabbuli 119:13

Nze mwene ndidha kulomboodheranga abantu amateeka go.

Zabbuli 37:30

Omunwa ogw'omuntu omutuufu gwogera bya magezi, era olulimi lwe lwogera bituufu.

Zabbuli 45:2

Iwe osinga abasaadha abandi boonaboona abali ku nsi obulungi. Bw'oyogera ghazira ayenda olekere, olw'ekyo Katonda yakugha enkabi edhitaja kukuvaaku.

Ensambo 10:13

Ebibono eby'omuntu ali n'okutegeera bibaamu amagezi, aye omuntu aziramu kategeera agwana kukubwa lwigo.

Ensambo 31:26

By'ayogera bya magezi, era agalagira abantu n'ekivunika.

Olwembo 1:5

Imwe abaghala ab'e Yerusalemu, nze ndi mwirugavu aye mboneka bulungi, ng'oti ni weema edh'e Kedari era ng'oti n'ensuubo edh'omu kisaagaati kya Kyabazinga Solomoni.

Olwembo 4:11

Iwe omugole wange, omunwa gwo gudhuudhuula ng'oti guliku mudheenene gwa ndhuki. Olulimi lwo luwoomerera ng'oti luliku bwa mudheenene gwa ndhuki na mata. Ebivaalo byo biwunha ng'oti n'obuwoowo bwonabwona obw'e Lebanoni.

Olwembo 5:13

Amatama ge gavaaku akawoowo ng'oti nimiro ya buwoowo bwa mere. Omunwa gwe guli ng'oti bimuli ebyetebwa liri, ebiri kutoonhologoka akawoowo ka mirra.

Olwembo 5:16

By'ayogera biwooma okuwulirisa, era yeenayeena nga bw'ali ansanhusa. Imwe abaghala ab'e Yerusalemu, atyo bw'ali omugonzi, era oyo ni mukagwa wange.

Olwembo 6:7

Amatama go nga gali mu kitambaala kyo kye weeghembereire, gaboneka bulungi ng'oti kibala kya ku mukomamawanga, kye basazeemu aghabiri.

Olwembo 7:9

Omunwa gwo bye gwogera biwooma ng'oti n'omwenge ogw'emizabbibu ogusingayo bulungi. Ogwo n'omwenge ogugwaniire okunhwebwa omugonzi wange, gumubite mu kanwa ni mu maino, gumughegheeze amamiro.

Ezekieli 16:63

Era ndikusonigha ebyo byonabyona bye wakola, aye waabiidhukiranga ensoni dhaakugema, nga tosobola kwogera kintu kyonakyona olw'okuswala.” Musengwa Katonda atyo bw'akobye.

Abalevi 14:4

kabona oyo aidha kulagiranga okuleeta enhonhi ibiri enamu era enongoofu, n'omuti oguwunha akawoowo, n'oluwuuzi olw'olugoye olw'erangi ya kasaayisaayi, n'akati akeetebwa hissopu.

Abalevi 14:6

Aidha kutoolanga enhonhi esigairegho enamu ghalala n'omuti gule oguwunha akawoowo, n'oluwuuzi lule olw'olugoye lw'erangi ya kasaayisaayi, n'akati kale akeetebwa hissopu, byonabyona yaabiinhika mu musaayi gw'enhoni eitiibwa.

Okubala 19:6

Kabona aidha kutoola omuti oguwunha akawoowo, n'akati akeetebwa hissopu, n'oluwuuzi olw'olugoye olw'erangi ya kasaayisaayi, abisuule ku nte eri kwokebwa.

Okubala 4:8

Ebyo byonabyona baidha kubighembangaku olugoye olwa kasaayisaayi era bate ku ngulu kwalwo ekintu ekyakolebwa mu mawu ag'embuzi, memale bate ku meeza eyo emiti gyayo egy'okugibbeedesa.

Matayo 12:35

Omuntu omulungi, ku birungi by'abiika kw'atoola ebirungi, n'omuntu omubi, ku bibi by'abiika kw'atoola ebibi.

Luka 4:22

Boonaboona baasiima era beewuunhia inho ebibono ebiwoomu ebyali bimuvaamu, era baakoba bati: “Ono ti n'omwana wa Yosefu?”

Ab'Efeso 4:29

Eminwa gyaimwe girobenga kwogera bibono bitasaana, aye gyogerenga ebyo byonka ebikalamu ebizimba era ebisaine, bisobole okuleetera ababiwulira emikisa.

Ab'e Kolosai 4:6

Mu kwogera mukozesenga ebibono ebiwooma era ebigwaine, nga kiisi abuuza mwidhi eky'okumwiramu.

Abaheburayi 9:19

Musa bwe yamala okukobera abantu ebiragiro byonabyona ebiri mu Mateeka, yatoola omusaayi ogw'ente ento n'ogw'embuzi, ghalala n'amaadhi, n'obuviiri bw'entaama obwa kasaayisaayi, n'akati akeetebwa hissopu, yaamansira ku kitabo ni ku bantu boonaboona,

Yoshua 2:18

Era ka tukugalagire ky'olikola: bwe tulingira mu nsi yaimwe, osibanga akawuuzi kano ak'olugoye lw'erangi ya kasaayisaayi mu dinisa eno y'oja okutwikizaamu. Era osololezanga ghano lata wo, n'inhoko, ni baanhoko, n'abantu boonaboona ab'omu ndhu ya lata wo, mwaba ghalala mu ndhu yo.