Olwembo 1:3 - Baibuli Ekibono kya Katonda 2014

³ Ebizigo bye weesiize biwunha kawoowo; eriina lyo irungi ng'oti n'ebizigo eby'akawoowo. Abaghala abaguna kyebava bakwegomba einho.

Olwembo 1:3 Iomraidhean Croise

Zabbuli 133:2

Kiri ng'oti n'omuzigo ogw'omughendo gwe baasiiga ku mutwe gwa Aaroni Omukulu wa Bakabona, ogwakuuluula okutuuka ku kirevu kye, era ni gutuukira irala ni ku kitogi ky'ekanzu ye.

Zabbuli 45:14

Ng'ali mu kivaalo kye ekidholige atwalibwa ye kyabazinga ni baine abaguna, ng'emperekezi.

Okuvaayo 33:12

Musa yaakoba ati: “Wo Musengwa Katonda, wankoba okukulembera abantu bano, aye tiwankobera muntu y'oja kuntuma naye. Era wankoba oti ondidhi bukalamu, era oti osiima bye nkola.

Okuvaayo 33:19

Musengwa Katonda yaamwiramu ati: “Ndidha kubisa obulungi bwange bwonabwona mu maiso go, era ndhatule eriina lyange nze Musengwa Katonda ng'owulira. Ndidha kugemerwa ekivunika oyo ye nhenda okugemerwa ekivunika, era nsaasire oyo ye nhenda okusaasira.

Ensambo 27:9

Ebizigo n'obuwoowo obwesiigibwa bisangaaza omuntu, aye ebizibu bimuleetera okweinhamira.

Omulangirizi 7:1

Okuba n'eriina eirungi kuba kwa mughendo okusinga eby'akawoowo eby'omughendo; n'olunaku omuntu lw'afiiraku luba lulungi okusinga lw'azaalibwaku.

Olwembo 3:6

Naani oyo ali kwidha ng'ava mu irungu, ng'ali ng'oti n'ekire eky'omwosi ekiri ng'oti mpango, nga bamusiize obuwoowo bwa mirra, baamuniokeza n'obubbaani, n'obuwoowo obwa buli nsambo abasuubuzi bwe batunda?

Olwembo 4:10

Mwanhinaze iwe omugole wange, engeri y'ongonzaamu ensanhusa inho. Engeri y'ongonzaamu ensanhusa inho okusinga okunhwa omwenge ogw'emizabbibu. Obuwoowo bwo buwunha bulungi okusinga obuwoowo obundi bwonabwona.

Olwembo 5:13

Amatama ge gavaaku akawoowo ng'oti nimiro ya buwoowo bwa mere. Omunwa gwe guli ng'oti bimuli ebyetebwa liri, ebiri kutoonhologoka akawoowo ka mirra.

Olwembo 5:5

Naasituka okwiguliragho omugonzi wange, ng'amakono gange n'engalo dhange biri kutoonha ebizigo eby'akawoowo ka mirra, era ebizigo ebyo byatoonha ni ku munhololo ogw'olwigi.

Olwembo 6:8

Waire nga kyabazinga ali ni bainhebantu nkaaga (60), n'abakazi abandi ab'embali kinaana (80), n'abaghala kamaala nga tibabalika,

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Matayo 25:1

“Agho ni, Obwakyabazinga obw'omu igulu bulifaanana ng'abaghala eikumi abaagema amataala gaibwe ni baja okusangaalira eyali abayiiza.

Yoanne 12:3

Maria yaatoola akadoome ak'omuzigo ogw'omughendo ogw'ekika kya narudo yaagusiiga ku bigere bya Yesu, era bwe yamala yaabisiimuuza enviiri dhe. Enhumba yaidhula akawoowo.

2 Ab'e Korintho 11:2

Mbawubira era nga Katonda bw'abawubira, kuba nabandhula ye Kurisito ng'omughala omwegha ye baja okugha iba omulala ati.

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.

Okwolekebwa 14:4

N'abo abatukuvu abateeyonoona na bakazi, baasigala nga beegha. N'abo abanonereza Entaama Ento buli y'eja era abaanunulwa mu bantu, baaba ng'oti bibala ebisooka okukungulwa ebigheebwayo eri Katonda n'eri Entaama Ento.