Nehemia 9:8 - Baibuli Ekibono kya Katonda 2014

⁸ Wamubona ng'omwoyo gwe mwesigwa y'oli, waakola naye endagaano. Waasuubiza okugha baidhukulu be, ensi ey'Abakanaani, n'Abahitti, n'Abamori, n'Abaperizzi, n'Abayebusi, n'Abagirigashi. Era waatuukiriza kye wasuubiza, kuba oli mutukuvu.

Nehemia 9:8 Iomraidhean Croise

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Amainhama 15:6

Aburamu yaikiriza Musengwa Katonda kye yamukoba, era kino kyaleetera Musengwa Katonda okumutwala nga muntu mutuufu.

Amainhama 22:12

Yaamukoba ati: “Otaita mwisuka oyo oba okumukolaku akabi koonakoona. Mpegaano ntegeire ng'otya Katonda, kuba toonhimye mwana wo omulala bedengedenge.”

2 Samueli 22:31

Katonda ono, kiisi ky'akola kiba kituufu, kiisi ky'asuubiza akituukiriza, era yaaba ng'oti ngabo eri abo abamweyuna okubawonia.

1 Ebyomubyanda 1:14

era n'eyasimukamu Abayebusi, n'Abamori, n'Abagirigashi,

1 Ebyomubyanda 16:16

Akuuma endagaano ye yakola ni Aburahamu, n'ekisuubizo kye yasuubiza Isaaka nga yeerayirira.

Ezera 9:15

Wo Musengwa Katonda wa Isiraeli, iwe osala mu butuufu, aye watusaasira twawonagho okutuusa ni mperaano. Bona, tuli ghano mu maiso go nga tuliku omusango, ate nga titugwaniire na kwemerera mu maiso go olw'omusango ogwo.”

Nehemia 9:33

Aye ate, mu byonabyona ebyatutuukaku, iwe wali mutuufu okutubonereza, kuba iwe wasigala ng'oli mwesigwa, aye ife twayonoona bwonoone.

Zabbuli 116:5

Musengwa Katonda wa kivunika era mulungi. Katonda waife asaasira!

Okuvaayo 3:17

Era nsazeegho nti nja kubatoola mu kudaazibwadaazibwa kwe mulimu mu Misiri mbatwale mu nsi ey'Abakanaani, n'Abahitti, n'Abamori, n'Abaperizzi, n'Abahivi n'Abayebusi ensi engimu era erimu ebirungi kamaala.’

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Ezekieli 33:24

“Iwe omuntu bona eno, abantu abali mu bifo ebyayonoonebwa mu nsi Isiraeli bakoba bati, ‘Oba nga Aburahamu yali muntu mulala yenka aye yaagheebwa ensi eno yoonayoona, kale ife abangi tuti eteekwa okuba nga yatugheebwa ebe yaife.’

Okubala 13:29

Twabona nga Abamaleki baba mu kiketezo kyayo ekikalukalu eky'oku luuyi olw'omukono omusaadha olw'e buvandhuba, Abahitti n'Abayebusi n'Abamori, baaba mu kiketezo kyayo eky'ensozi, ate Abakanaani baaba ku mbali okw'enhandha, ni ku mbali okw'omwiga Yorudani.”

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Ebikolwa by'Abatume 13:22

Katonda bwe yamutoolagho, yaabateeragho Daudi okuba kyabazinga waibwe. Ono ni Katonda ye yayogereraku ati: ‘Nzwire mu Daudi omwana wa Yesse omusaadha ye nsiima, anaakolanga byonabyona ebinsangaaza.’

Amateeka Agokubiri 26:3

Aidha kujanga ye kabona anaabangagho mu kiseera ekyo, amukobe ati, ‘Olwaleero ndi kwatula ye Musengwa Katonda wo nti naingira mu nsi ye yasuubiza badhaadha baife okutugha.’

Amateeka Agokubiri 32:4

Oyo n'ow'amaani atulwanirira, era akola ebituukiriire, atasaliriza nsonga. Katonda mwesigwa era wa mazima, akola mu butuufu aghazira kuboola.

Amateeka Agokubiri 7:1

Musa yaakoba Abaisiraeli ati: “Musengwa Katonda waimwe aidha kubaingiza mu nsi ye muja okutwala okuba obutaka bwaimwe. Amaghanga musanvu agasinga eryaimwe obukologho n'amaani, buti n'agaba mu nsi eyo, era ni gano: Abahitti, Abagirigashi, Abamori, Abakanaani, Abaperizzi, Abahivi, n'Abayebusi. Aye bwe munaabanga nga muli kumpi okutuukayo, Musengwa Katonda waimwe oyo aidha kugabingangamu goonagoona.

Amateeka Agokubiri 9:5

Musengwa Katonda ali kubaleka okutwala ensi yaibwe, ti lwa kuba nga mugwaniire, oba nti mugondera ebiragiro bye. Aye beene ali kubabingamu, nga imwe mukaali kutuukayo, lwa bibi byaibwe, era lwa kuba ayenda okutuukiriza ekisuubizo, kye yasuubiza badhaadha baimwe, Aburahamu, Isaaka, ni Yakobo.

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

Abaheburayi 11:17

Okwikiriza n'okwasobozesa Aburahamu, Katonda bwe yamuleba, okughaayo Isaaka omwana we omulala ati bedengedenge abe omusengo. Aburahamu oyo, Katonda yali amaze okumusuubiza ati:

Abaheburayi 6:18

Agho ni, Katonda bye yasuubiza n'ekirayiro kye, n'ebyo ebintu ebibiri ebitasobola kukyuka, era Katonda by'ataghanga kutuguyaamu. Kale ni, ife abaalumuka nga tunoonia obulumukiro, kitwizaamu inho amaani okunhweza eisuubi eryatugheebwa.

Yoshua 11:23

Kale atyo Yoshua bwe yanhaga ekiketezo ekyo kyonakyona eky'ensi, nga Musengwa Katonda bwe yalagira Musa. Yoshua yaamala yaakigabaniamu mu Baisiraeli boonaboona, buli kika nga kifunaku aghaakyo. Agho abantu baalekera okulwana entalo baafunaku emiraala.

Yoshua 11:3

Era yaagheereza obukwenda eri Abakanaani e buvandhuba n'e bugwandhuba bwa Yorudani, n'eri Abamori, Abahitti, Abaperizzi, n'Abayebusi abaali mu biketezo eby'oku nsozi, era n'eri Abahivi ab'e Mizipa mu kiketezo ky'omu kiiko ky'olusozi Herimoni.

Yoshua 23:14

“Buti ndi mu lugendo, ndi kuja e magombe nga badhaadha boonaboona bwe baaja. Mwenamwena mwidhi bukalamu mu myoyo gyaimwe ng'ebirungi byonabyona Musengwa Katonda waimwe bye yabasuubiza, ghazira ky'ataatuukiriza. Byonabyona yabikola era ghazira kyamulema.

Yoshua 9:1

Bakyabazinga ab'e bugwandhuba obw'omwiga Yorudani baawulira ng'Abaisiraeli bwe baaghangula abazigu baibwe. Bakyabazinga abo, ni bano: ab'omu biketezo eby'ensozi, n'ab'omu biiko, n'ab'omu biketezo ebiri ku mbali okw'Enhandha Eyaghagati ng'oja e Lebanoni. Abantu abaali mu biketezo bino, ni bano: Abahitti, Abamori, Abakanaani, Abaperizzi, Abahivi, n'Abayebusi.

1 Yoanne 1:9

Aye bwe twatula ebibi byaife, oyo omwesigwa era ow'amazima atusonigha ebibi byaife era yaatunaazaaku byonabyona ebitali bituufu.