Nehemia 9:5 - Baibuli Ekibono kya Katonda 2014

⁵ Agho Abalevi bano: Yeshua, Kadimieli, Bani, Hashabuneia, Hodia, Shebania, ni Pethahia, baakoba abantu bati: “Mwemerere musaake Musengwa Katonda waimwe; mumusaakenga ebyanda n'ebyanda. Eriina lye ery'ekitiisa lisaakibwenga, eriswikiriire okusaaka okw'abantu kwonakwona.”

Nehemia 9:5 Iomraidhean Croise

1 Bakyabazinga 8:14

Agho kyabazinga yaakyuka, yaalingirira Abaisiraeli boonaboona abaali beesoloiza nga bali agho, yaabasabira enkabi.

1 Bakyabazinga 8:15

Yaabakoba ati: “Musaake Musengwa Katonda wa Isiraeli, atuukiriiza kye yasuubiza lata wange Daudi, bwe yakoba ati,

1 Bakyabazinga 8:22

Agho Solomoni yaayemerera mu maiso g'alutaari ya Musengwa Katonda, ng'Abaisiraeli boonaboona abeesoloiza baligho, yaayandhululiza emikono gye eri eigulu.

1 Bakyabazinga 8:27

“Aye obwo bwenebwene iwe Katonda oghanga okuba ku nsi? Ate oba waire mu igulu lyene, erisingayo okuba ghaigulu tosugamu, memale onaasuga otya mu isinzizo lino lye nzimbye!

1 Ebyomubyanda 16:36

Musengwa Katonda, Katonda wa Isiraeli asaakibwe! Asaakibwe buti, era asaakibwenga ebyanda n'ebyanda. Agho abantu boonaboona bakoba bati: “Amiina!” Era baasaaka Musengwa Katonda.

1 Ebyomubyanda 29:11

Wo Musengwa Katonda, niiwe omukologho, ow'obuyinza, ow'ekitiisa, omughanguzi era omufuzi kuba byonabyona ebiri mu igulu n'ebiri mu nsi, bibyo iwe Musengwa Katonda. Niiwe kyabazinga ali ghaigulu gh'ebintu byonabyona.

1 Ebyomubyanda 29:13

Agho ni Katonda waife, ife tukusiima era twasaaka eriina lyo ery'ekitiisa.

1 Ebyomubyanda 29:20

Agho Daudi yaakoba abantu boonaboona abaali beesoloiza ati: “Musaake Musengwa Katonda, oyo Katonda waimwe.” Kale abantu boonaboona abaali beesoloiza baasaaka Musengwa Katonda, Katonda wa badhaadha baibwe. Baakuba amakiryaivu era baakutama n'ebyeni byatuuka ku itaka, baasinza Musengwa Katonda era baagha ni kyabazinga ekitiibwa.

2 Ebyomubyanda 20:13

Mu kiseera n'ekirala ekyo, abasaadha boonaboona ab'omu Buyudaaya baali beemereire agho ni bakazi baibwe, n'abaana baibwe.

2 Ebyomubyanda 20:19

Abalevi abasimuka mu Kohathi ni mu Kora, baayemerera, baasaaka Musengwa Katonda, Katonda wa Isiraeli mu mamiro ag'amaani einho.

Ezera 3:11

Baayemba eno nga bwe bairamu, nga basaaka era nga basiima Musengwa Katonda, bati: “Musengwa Katonda mulungi okugonza kwe tikukoma, era kubaagho ghalala n'Abaisiraeli ebyanda n'ebyanda.” Abantu boonaboona baakuba emizira n'amaani agataloodheka, nga basaaka Musengwa Katonda olw'okuteebwagho okw'omusingi ogw'eisinzizo lya Musengwa Katonda oyo.

Nehemia 9:4

Abalevi bano: Yeshua, Bani, Kadimieli, Shebania, Bunni, Sherebia, Bani, ni Kenani, baayemerera ku madaala g'Abalevi, baasaba Musengwa Katonda waibwe mu mamiro ag'amaani.

Nehemia 9:6

Ezera yaakoba ati: “Wo Musengwa Katonda, niiwe wenka eyatonda eigulu, n'ebiri ghaigulu mu ibbanga byonabyona. Niiwe eyatonda ensi n'ebigirimu byonabyona. Waatonda n'enhandha n'ebigirimu byonabyona, era byonabyona waabigha obulamu. Ebiri mu igulu byonabyona bikusinza.

Yobu 1:21

Yaakoba ati: “Mu nda ya maama navaamu nga ndi bwereere, era ndifa nga ndi bwereere. Musengwa Katonda n'eyampa ebyo, era Musengwa Katonda oyo n'atoiregho kale asaakibwe.”

Zabbuli 106:2

Naani asobola okulomboodha n'amalayo eby'amaani Musengwa Katonda by'akola? Naani asobola okumusaaka nga bw'agwaine okusaakibwa?

Zabbuli 134:1

Mwidhe tusaake Musengwa Katonda, imwe mwenamwena abagheereza ba Musengwa Katonda ababa mu ndhu ye obwire nga mugheereza. Musaake Musengwa Katonda.

Zabbuli 145:2

Buli kaakyeire ndidha kukusiimanga era nkusaakenga ebyanda n'ebyanda.

Zabbuli 145:5

Baidha kughayanga ku kitiisa kyo n'obwakyabazinga bwo, ninze zeena neefumintirizenga ku bikolwa byo ebyewuninkiriza.

Zabbuli 146:2

Nze ndidha kusaakanga Musengwa Katonda obulamu bwange bwonabwona, era nhembenga enhembo edhisaaka Katonda wange nga nkaali mulamu.

Zabbuli 16:2

Nze nkoba Musengwa Katonda nti: “Niiwe Musengwa Katonda wange, nzira kikalamu kyonakyona okutoolaku iwe.”

Zabbuli 66:2

Mwembe enhembo edhooleka ekitiisa ky'eriina lye; musaake ekitiisa kye.

Zabbuli 99:3

Abantu boonaboona ka basaake eriina lye eikulu eritiibwa, kuba mutukuvu!

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Okuvaayo 15:6

Wo Musengwa Katonda, omukono gwo omusaadha gukola eby'amaani ebitaloodheka; gutentena omuzigu gwamukutulakutula.

Danieli 2:20

ng'akoba ati: “Katonda asaakibwenga ebyanda n'ebyanda, oyo ni mwene magezi era ow'amaani.

Matayo 11:25

Mu kiseera ekyo Yesu yaakoba ati: “Lata nkusaaka, Musengwa ow'eigulu n'ensi, kuba bino wabigisa abagezi n'abamanhi, waabimanhisa abato.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Amateeka Agokubiri 28:58

“Bwe mutaagemenga biri mu mateeka gano goonagoona agaaghandiikibwa mu kitabo kino ni mu bituukiriza, era bwe mutaatyenga liina lya Musengwa Katonda waimwe ery'ekitiisa erireetera abantu okumutya,

1 Petero 1:3

Katonda Lata wa Musengwa waife Yesu Kurisito asaakibwe, kuba olw'okusaasira kwe okungi twazaalibwa buyaaka okufuna okusuubira okulamu, lwe yazuukiza Yesu Kurisito okuva mu bafu!

Abalamuzi 13:18

Malaika wa Musengwa Katonda yaamwiramu ati: “Lwaki ombuuza eriina lyange eryewuninkiriza?”