Nehemia 9:29 - Baibuli Ekibono kya Katonda 2014

²⁹ Waabalabulanga, basobole okukyuka bagondere amateeka go. Aye beekuluntaza, baaloba kugondera biragiro byo, baakola bukole bibi. Ate nga mu kutuukiriza ebiragiro omuntu mw'afunira obulamu. Aye baakolanga bwa mpwitu era baakalangusanga emyoyo gyaibwe, baaloba kukugondera.

Nehemia 9:29 Iomraidhean Croise

2 Bakyabazinga 17:13

Ate nga Musengwa Katonda yalabulanga Isiraeli ni Buyudaaya ng'abita mu balanzi ni mu baboni, ng'akoba ati: “Mukyuke, muve mu mpisa dhaimwe embi mugeme ebiragiro byange ebiri mu Mateeka gange, ge nagha badhaadha baimwe nga mbita mu bagheereza bange abalanzi.”

2 Bakyabazinga 17:14

Aye baaloba kuwulira, baaba ba mpwitu nga badhaadha baibwe bwe baakola, abaaloba okwesiga Musengwa Katonda waibwe.

2 Ebyomubyanda 24:19

Musengwa Katonda yaabagheereza abalanzi okubalabula baire y'ali, aye baaloba kwefiirayo.

2 Ebyomubyanda 33:10

Agho Musengwa Katonda yaayogera ni Manasse n'abantu be, aye baaloba kufaayo naire.

2 Ebyomubyanda 36:15

Musengwa Katonda oyo, Katonda wa badhaadha baibwe yayongera okubagheerezanga abakwenda aghazira kukoogha naire, kuba yali ayenda okubawonia beene era n'okuwonia eisinzizo lye.

Nehemia 13:15

“Mu biseera ebyo, naabonanga mu Buyudaaya abantu abakunha omwenge ogw'emizabbibu ku lunaku lwa Sabbato! Abandi baatwikanga ku ndogoyi dhaibwe, emungo edh'engaano, n'omwenge gw'emizabbibu, n'emizabbibu gyene, n'ebibala eby'emiti emitiini, n'emigugu egya buli nsambo. Abantu abo naababonanga nga baleeta ebintu ebyo mu Yerusalemu ku lunaku lwa Sabbato! Aye nze naabalabulanga obutatunda kintu kyonakyona ku lunaku lwa Sabbato.

Nehemia 9:10

Wakola ebyewuunhio n'ebyewuninkiriza eri kyabazinga w'e Misiri, n'eri abakungu be boonaboona, n'abantu b'omu nsi ye, kuba wamanha nga bwe baatuntuza badhaadha baife. Agho weekolera eriina erikaaligho ni ye buli eno.

Nehemia 9:16

Aye badhaadha baife beekuluntaza, baakalangusa emyoyo gyaibwe, baaloba kugondera biragiro byo.

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Nehemia 9:30

Waabaguminkiriza emyaka kamaala, era waata omwoyo gwo mu balanzi bo baje babalabule, aye nga basembye amatu gaibwe. Kyewava n'obaghaayo mu ngalo edh'abamaghanga agandi.

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Yeremia 17:23

Aye badhaadha baibwe baaloba kumpulirisa waire okugondera bye nabalagira, beeyongera bwa kukalangusa myoyo gyaibwe na butenda kugalagirwa.

Yeremia 19:15

“Musengwa Katonda Afuga Amagye era Katonda wa Isiraeli akoba ati, ‘Ndidha kutuukiriza akabi ke nakoba okuleeta ku kibuga kino ni ku bubuga obutono obukiriiraine, kuba mwakalangusa emyoyo gyaimwe, mwaloba kuwulirisa bye mbakoba.’ ”

Yeremia 42:19

“Imwe abaawonagho mu Buyudaaya, Musengwa Katonda abakobye ati, ‘Mutaja Misiri.’ Kale ni mumanhire irala nga nze Yeremia mbalabwire nti,

Yeremia 43:2

Azaria mutabane wa Hoshaia, ni Yohanani mutabane wa Karea, n'abasaadha abandi abeetwala okuba aba ghaigulu, bankoba bati: “Oli kulimba. Musengwa Katonda waife tiyakutuma iwe kwidha kutukoba tulobe kuja mu Misiri kuba eyo.

Yeremia 44:10

Aye ni ye buli eno timwegangaku kwewombeeka mu maiso gange, waire okuntya, oba waire okwebisa nga mujiira ku mateeka ge nabagha, imwe ni badhaadha baimwe.

Yeremia 7:26

Aye mwaloba kumpulirisa waire okugondera bye ndagira, mweyongera bwa kukalangusa myoyo gyaimwe era mwebisa bubi inho mwasinga ni badhaadha baimwe.

Ezekieli 20:11

Naabagha ebiragiro byange, naabeegeresa n'amateeka gange kuba ebyo nga n'ebireetera omuntu okuba omulamu ng'abituukiriiza.

Danieli 5:20

Aye bwe yatoolera okwekuluntaza, n'akalangusa omwoyo gwe nga takaagondera biragiro, Katonda oyo yaamutoola ku kityamo kye eky'obwakyabazinga, era yaamutoolaku n'ekitiisa kye yali nakyo.

Hosea 6:5

Kyenva ni ntuma abalanzi ye muli, ni babaleetera obukwenda bwange obw'okubazikiriza era obubalumiriza imwe omusango. Kye mbendaku kibonekeragho ng'oti butangaavu.

Abalevi 18:5

Agho ni mugemenga amateeka n'ebiragiro bye mbagha. Anaabituukirizanga, anaabanga mulamu. Ninze Musengwa Katonda.

Matayo 19:17

Yesu yaamukoba ati: “Ombuuliza ki ku kirungi? Omulungi ali mulala. Aye oba nga oyenda okufuna obulamu obutawaagho, gema ebiragiro.”

Luka 10:28

Yesu yaamukoba ati: “Oizeemu bukalamu, kola otyo, oidha kuba mulamu.”

Ab'e Roma 10:5

Kino Musa kye yaghandiika ku butuukirivu obujiira ku Mateeka ati: “Kiisi akola ebyo Amateeka bye galagira, aliba mulamu.”

Ab'e Galatia 3:12

Aye Amateeka tigeesigama ku kwikiriza, kuba ebyaghandiikibwa era bikoba biti: “Oyo akola ebyo byonabyona bye galagira aliba omulamu olw'Amateeka.”

Amateeka Agokubiri 31:21

Ekiseera bwekirituuka, ebizibu n'okudaazibwadaazibwa okungi ni bibaidhira, olwembo luno lwidha kwembebwanga lube omudhulizi abalumiriza, kuba ni baidhukulu baimwe tibalirwerabira naire. Ni mpegaano, nga nkaali kubatwala mu nsi ye nasuubiza okubagha, ndidhi bukalamu kye bali kudhuuba okukola.”

Amateeka Agokubiri 31:27

Ndidhi bukalamu nga bwe bali abadheemu era ab'empwitu. Kuba oba nga badheemera Musengwa Katonda mpegaano nga nkaali mulamu, memale olwo tibalisinzaagho kumudheemera nga mmaze okufa?

Amateeka Agokubiri 4:26

Ndayira olwaleero eri eigulu n'ensi, babe abadhulizi bange ababalumiriza, nti bwe muligeza ni mwekolera ebisinzibwa ebitali Katonda, mulizikirira mangu, mwasaanagho mu nsi ye muli kumpi okwingiramu okutwala, ere nga musomoike omwiga Yorudani. Timuligibaamu ntangama ndeeyi, aye mulizikirira mwasaanagho.

Abalamuzi 6:10

Agho naakoba imwe nti, Ninze Musengwa Katonda waimwe, mutasinzanga misambwa gya Bamori beene nsi ye mulimu.’ Aye imwe mwaloba kuwulirisa kye nkoba.”